ملف استشارة يوميه ...4
متابعة النقاش، صفحة 814
شاركي في النقاش
سجلي الدخول لإضافة تعليق.
التعليقات
5,440"محتاجة للدعاء" نسيت اسالكم ايه احسن نوع جلاش جربتوه؟
خلينا فى الزهار يا اسماء لان السحب عليه كتير وبيبقى طازة
- جزاكي الله خيرا يادون بس مقولتليش بردوا طريقة مضمونة لصينية الجلاش؟
don خلينا فى الزهار يا اسماء لان السحب عليه كتير وبيبقى طازة
بصى يا اسماء هاتى
علبة جلاش الزهار / سمنة سايحه / صينية مدورة اوصينية مستطيلة اذا استعملتى صينية مستطيلة يبقى تمام لان الجلاش بيبقى مستطيل واذا استعملتى صينية مدورة يبقى حطى الجلاش مفرود على الترابيزة وحطى الصينية فوقه وقطعى الجلاش بالسكينة على قد دايرة الصينية ومترميش اللى حيطلع لاننا حنوزعه بين الطبقات
قشطة او كريمة الحشو جهزى نصف كيلو لبن 4/ معالق نشا/ علبة قشطة او معلقة كبيرة سمنة
الطريقة :
اول حاجة اعملى الكريمة حطى اللبن فى حلة بس شيلى منه حوالى نص كوب وحطى النشا فيه ودوبيه كويس بالمعلقه كده حيكون اللبن اللى على النار غلى ابتدى نزلى بالراحه اللبن اللى بالنشا لحد ما الكريمة تتخن هى بتكون اتخن شوية من المهلبيه العادية واطفى النار واستنى ثوانى وروحى حطة علبة القشطة او معلقه السمنة وقلبى قلبى بسرعه وغطيها واركنيها
ادهنى الصينية بالسمنة بالفرشاة ونبتدى نضع ورق الجلاش فى الصينية وبين كل ورفتبن ندهنها بالسمن وهكذا لحد ما نصل لنصف كمية الجلاش ثم نضع القشطة ونفردها كويس على الجلاش بس متخليهاش تلمس طروف الصينية خاااالص وطبعا متنسيش توزعى الورق اللى قطعناه بين ادوار الجلاش المهم تروحى مكمله باقى الصينية بنفس الطريقه وتحطى سمنة على وش الصينية ثم نقطعها حسب رغبتك قطع صغيرة او كبيرة او مثلثات ونضعها بالفرن حتى يصبح وجهها ذهبي محمر نخرجها من الفرن ونسقيها بالعسل البارد
وكانت فيه ملحوظة مره منال العالم قالتها يا اسماء
بمجرد ما تطلع من الفرن لاااازم نسقيها شربات بارد و نغطيها مباشرة بورق جرايد
جرنال كامل علي بعضه
و رق الجرايد احسن من غطاء الحلة علشان بيمتص البخار اللي متصاعد من الجلاش و في نفس الوقت مايكتمهوش فيعجن
خدى دول استلفتهملك يا اسماء
don بصى يا اسماء هاتى علبة جلاش الزهار / سمنة سايحه / صينية مدورة اوصينية مستطيلة اذا استعملتى صينية مستطيلة يبقى تمام لان الجلاش بيبقى مستطيل واذا استعملتى صينية مدورة يبقى حطى الجلاش مفرود على الترابيزة وحطى الصينية فوقه وقطعى الجلاش بالسكي…
يا حبيبتى متقلقيش ده انا قاعده كل دة يا بنتى والله على الصفحه كل ما اكتب تتمسح فوق ال6 مرات والله وساعه بدورلك على اى صور معليهاش اسامى علشان احاول اقربلك الشرحdon يا حبيبتى متقلقيش ده انا قاعده كل دة يا بنتى والله على الصفحه كل ما اكتب تتمسح فوق ال6 مرات والله وساعه بدورلك على اى صور معليهاش اسامى علشان احاول اقربلك الشرح
بصى يا اسماء لو عندك اى اسئلة اكتبيها كلها انا بس حقوم جرى اعمل السحور لحسن ده يادوب فاضل تلت ساعه تقريبا وانا حخلص وارجع ارد عليكى
مواضيع مشابهة
تابعي تجارب أخرى من هذا القسم.