موضوع مختار : السفرة الرمضانية مع [ أم ريما 511 ]

قد يحتوي هذا الموضوع على محتوى غير مناسب. عرض الموضوع

على هذا الرابط

ملف سفرات وعزايم وبوفيهات أطباق عالم حواء ابداع × ابداع


السفرة الرمضانية مع [ أم ريما 511 ]






السلام عليكم ورحمة الله


مشاء الله ولاحول ولا قوة الابالله

هذي سفرة من سفري الرمضانية

صراحة أنا مالي في المقدمات كثير

بس بعطيكم نبذة عن نظامنا في رمضان

حنا الله يسلمكم نظام الدوريات وهي ثلاث بيوت

بيتي عمي أبو زوجي وبيت نسيبهم وبيييييتي وبيت رابع لكن النظام ماشملهم

بعذر أنهم أسرة صغيرة وخفيفة ماراح تثقل على أحد

المجموع 20 شخص والرقم قابل للزيادة 10 رجال و10 حريم يفطرون عندي

من غير الضيوف اللي يعزمهم زوجي بمعدل 2 _5 أشخاص في 10 أيام في رمضان

يعني يومين و يجيني الدور وهالشكل

وطبعآ 20 يوم من رمضان أخذ بريك من المطبخ بس الصراحة ال10 آيام اللي عندي عن 10 شهور

من التعب والتجهيز المسبق الفطور من تفريز قبل رمضان وشغل قبل الفطور بليلة

يالله كله بأجرة

891 تعليق 424,109 مشاهدة

شاركي في النقاش

سجلي الدخول لإضافة تعليق.

التعليقات

882
  1. @am_ryma511

    صاحبة الموضوع
    أنا أبدى معكم من الليلة اللي قبل الافطار طيب

    طبعي أسوي من كل نوع شوي منها أنوع السفرة وأرضي الاذواق الصعبة

    على الساعه 9 ركبت الشوربة كويكر باللحم وكويكر بالدجاج

    باللحم



    بالدجاج



    رحت أطلع المواعين
    وأرتبها على الطبليات



    علشان تجيب لى الشغالة الصحون بترتيب

    وأعبيها وأغلفها وترجعها محلها علشان ماتحوس الدعوة


    وسويت بسبوسة روعة





    أصبع زبدة بحرارة الغرفة
    7 ملاعق نيدو
    وعلبة قشطة
    3 غنجال سكر

    تخلط في الخلاط

    نضيف عليها
    كاس ونصف سميد
    ملعقة بكيج باودر


    تصب في صينية وسط وتزين بالصنوبر

    تدخل الفرن حتى تستوي وأذ طلعت تسقى نستلة
  2. @am_ryma511

    صاحبة الموضوع
    بعدها أشتغلت على التمر المحشي





    تمر تفتحينها وتحشينها بسكويت مطحون مخلوط بالطحينية وتزينبنها بالطحينة السائلة والفستق وطبعا ساعدني فيها عبودي الله يخليه لي






    وحلا في كاسات صغيرة اللي هو

    شكولاته بالمارشملو






    في قدر علبة كريمة خفق لما تغلي نضيف

    وقالب شكولاته 250 غرام

    ونصف زبدة

    و4ملاعق سكر بودرة

    12 حبة مارشملو

    نحرك الى أن تذوب

    ونصبها في كاسات





    ونزينها بالمارشملو و المالتيز

    وندخلها الثلاجة

    صورة عن قرب






    وبعده أشتلغت في السحور وبعدها

    صينية البطاطس المهروس والدجاج



    الطريقة

    تسلقين بطاطس وتهريسينه مع جبنة كرافت سايلة وملح وفلفل

    وتحطينها في صحون السوفلية

    تكشنين دجاج مقطع مع بصل وثوم وفلفل رومي أذ أستوى تضيفين

    عليها أبهارات وملعقة طحين وكريمة خفق

    وتترك على النار حتى تغلي وتثقل

    وتوضع على البطاطس

    ويرش الوجة بجبنة القشقوان ( وتدخل الفرن حتى تحمر ) الخطوة هذى خليتها لليوم الثاني



    وبعدها كملت السحور


    وجلست أقرى قران الى الساعة 3

    بعدها أشتغلت على الكنافة

    اللي هي كنافة طازجة مفروكة بالزيت

    ورصيتها في الصينية وحطيت عليها قشطة الطيب اللي بالكيلو

    وحبة جوز





    وغطيتها بالكنافة

    ودخلتها فى الفرن

    وحطيت السحور

    رز عزايم يحبه قلبك بالدجاج





    بعد ماشلت السحور

    طلعتها وصبيت عليها شيرة مخلوطة بماء الزهر


  3. @am_ryma511

    صاحبة الموضوع
    وأشتغلت في المهلبية

    المهلبيهة بالشعرية الوردية

    تسلقين شعيرية الارز في ماء لمدة 3 ثلالث دقايق تضيفين عليها لون أحمر وبعده تصفينها

    بعدها تصبين عليها ربع كاس من شراب الورد

    وتحطينها في بوادي

    تسوين مهلبيه بالطريقة العادية وتضيفين عليها في النهاية ماء ودر

    وتصبينها على الشعيرية





    تزيننها باقي الشعيرية والفستق

    صورة عن قرب




    وهذي حوسة مواعين اللي في الليل والقادم أكثر




    ورحت وصليت الفجر وكملت قران عقبها

    رحت ونمت على الساعة 6 الصبح

    ال12 قمت

    سفرة الحريم حطيتها في الصاله لان غرفة جلوس الحريم تو ماكملتها




    وسفرة الرجال في بدايتها



    تشوفون في الصورة كوكيز البنت بتر مسوية مونة فبل رمضان ومغلفتها وحطتها في الثلاجة

    بديت في العجينه



    وخليتاه تخمر ورحت وصليت الظهر وقريت قران ودخلت المطبخ 12 و45 دقيقة

    وأشتغلت في الفطاير





    هذى سر من أسرار في الفطاير




    خلطة مناقيش الزعتر تتكون من

    دقة المدينه وزيت نور و زعتر فلسطيني جبلي أخذه من محلات الفلسطينين في السلمانيه

    والاقماع أحشيها

    خيار ومكدوس سوري يجنن حامض ومشطشط بعد من السلمانيه





    البيتزاء كانت في الفرن في هالصورة




    خليتها تبرد شوي
  4. @am_ryma511

    صاحبة الموضوع





    وحطيتها في صحون وغلفتها








    حوسة مواعين للمرة الثانيه

    طلعت المقالي من الفريزر







    وبعدها أشتغلت على عجينة المنتو الصورة هذي أخذتها والعصر يأذن



    صليت ورجعت للمطبخ لانه أبتدى الجد


    عجنة القيمات

    كاس ونصف لبن ومثلها ماء

    ملعقة ونصف خميرة

    شوي سكر وشوي ملح 4 ملاعق نيدو

    وشوي مصفر

    ودقيق على حسب الحاجة


    كملت المنتو




    وقليت اللقميات على ال4ونص




    وعقبها المقالي

    بف دجاج وبف جبن وسبرنق رول خضار وسمبوسة لحم سمبوسه هندية سمبوسة أجبان توست بالتونة

    هذي صورة المقالي بعد القلي علشان أصفها في الصحون

  5. @am_ryma511

    صاحبة الموضوع
    هذي صورة السفرة صورتها سريع سريع







    ترى الصحون الفاضيه حقت المنتو لانه كان على النار ووالصواني الصغيرة في الفرن وبعدها ماقدرت أصور

    بس للاسف أنشغلت تصوير سفرة الرجال ونسيت أصور سفرةالحريم على أنها كانت قريبه عند المطبخ بس يالله

    هذي صورة بسكويت حطيته للحريم بس اللي هو بسكويت سابليه بالمراينغ




    تسوين عجينة بسكويت وتفردينه وتقصصينه على شكل ورد

    مقاديره

    2 وثلث أرباع الكاس دقيق
    أصبع ونصف زبدة
    5ملاعق ك سكر بودرة
    صفار بيضتين
    2ملعقة فانيلا
    رشة ملح


    بعدين تحطين عليه المارينغ اللي هو

    بياض البيضيتين
    ربع كاس سكر عادي
    ربع كاس سكر بودرة
    ربع ملعقة ص بودرة التارتار
    ملعقة فانيلا

    تخلط حتي يجمد البيض ويوضع في كيس التزين
    ويشكل على البسكويت
    تدخلينه الفرن
    أذ أستوى يترك حتى يبرد
    تحطين في الوسط مربى مشمش أو فرواله

تابعي تجارب أخرى من هذا القسم.