عازمه اختي من تعرف مطعم يسوي الفطور عدل

سوي شوربه و مكرونه و ثريد و نوع او نوعين سلطه مثلا فتوش و سلطه ثانيه حطي عليها هالخلطه ( مايونيز زبادي ليمون ملح ) تخلطينهم كلهم مع بعض


من برا جيبي معجنات و بسبوسه و نوع حلا ثاني و ورق عنب و مقبلات

و سوي كمان مقليات سمبوسه كبه اصابع جبن


بس نصيحه حاولي تسوين اللي تقدرين عليه في بيتك ترى احسن لك لان الناس تعرف وش طبخ البيت و وش اللي من برا

خليهم ياخذون عنك فكره حلوه انك طباخه و ست بيت


وابدي من الليله سوي الحلا و المعجنات و الشوربه و المكرونه و مرقة الثريد .. و بكرا بس تسخنينهم

و تقلين المقليات


و جهزي صحونك و كاساتك من الليله و كل شي تحتاجينه عالسفره

طيب وشو الثريد ماعرفه ومشكلتي اني حامل يعني اتعب بسرعه
جزاك الله خير

حبيبتي سوي اللي تقدرين عليه ولاتحملين نفسك فوق طاقتها هذي أختك موغريبه واكيد هي مقدرة حملك وجهدك
والمفروض هي تجيب معاها بعض الفطور كمساعده لأنكم أهل وبتفطرون مع بعض

واتركي عنك مهايط الحريم اللي تتنقع في المطبخ يومين وتبذر في النعمه عشان في الأخير تسمعلها كلمة مدح

اي شي بتسويه خير ونعمه ورمضان شهر العبادة وليس الأكل الزائد عن حده وتبديد النعم

إقتراحي: سوي شوربة اي نوع تحبونه +مكرونه بالبيشاميل +مرقوق باللحم + حلى مهلبيه + سلطة اي نوع سريع اختاريه + السمبوسه واللقيمات ترى كلها سهله وماتاخذ وقت طويل ومن الليل جهزي البيشاميل والمهلبيه ولفي السمبوسه وافرمي بصل كثير وحطيهم بالثلاجه وزوجك يجيب عصير نكهات مختلفه من السوبر وحبحب وعنب وبخار وبس

وفي الأخير سوي اللي تقدرين عليه وبس .