شاركي في النقاش

سجلي الدخول لإضافة تعليق.

التعليقات

22
  1. @sweet_vanilla_1


    من كم يوم شفت الموضوع وقلت اسأل امي عن الطريقه واحطها وجبتلك الطريقه لكن امي بتقول مو سهل ينعمل لكن ان شاءالله يزبط معاكي
    اول شي لاااازم لازم تعملي (التخموره) ودي زي الخميره الفوريه لازم تعمليها ما ينفع تحطي خميره فوريه وهي
    نص ك دقيق ابيض
    نص ك ذره
    1م صغيره كمون مدشوش يعني مو ناعم مره ولا حب
    1م صغيره حبه سوده مصححه
    2 فص ثوم كبار او 3 متوسطات
    قلب البصله وهي انك تتركي اول 3 قشرات بالبصله وتاخدي لبها بس واذا كبيره خدي ربع قلب البصله
    الطريقه:
    تنعمي البصل والثوم مرررررره و تعجني المقادير الي فوق بشوي لبن مراعي السايل ابو ريال وبتكون تقيله شوي زي العجين العادي وبيكون حجم التخموره دي بحجم البرتقاله بعدين تحمي صينيه التيفال وتفرديها شوي مو بكبر الصينيه لالالا وتشوحيها شوي الين القشره الي برا تاخد لون ماتتركيها لين تستوي لالا بعدين ترجعي تعجنيها من اول وجديد واذا غمقت عليكي عادي اقشريها
    واعجنيها باللبن وتخليها بزبديه معدن او تيفال مو قزاز او بلاستيك وتخليها لمده يومين او تلات ايام بمكان دافي لازم دافي عشان تتخمر

    نجي للفضخه
    وهي 1م صغيره كمون مدشوش
    1م صغيره حبه سوده مصححه
    2 فص ثوم او 3 فصوص متوسطه
    لب بصله واذا كبيره كمان تاخدي ربع البصله ودقي الثوم والبصل نااااااعم مره
    وتضيفي عليه بعدين 2ك دقيق ابيض
    و1ك ذره
    وحطي مويه شويي شوي واعجني الين تصير عجينتها اتقل من الكيكه يعني مش سايله مره وتتقطع عليكي لما تصبيها وحطي عليه التخموره الي تركناها تتخمر ل يومين او 3 ايام ونقلبهم سوا عشان ينخلطو مع بعض وحطي 3 ملاعق سكر وتقدري تزيدي اذا تحبي واتركيه الين بعد 6 ساعات
    بعدها تقدري تستخدميه وحطي شوييي زيت بصينيه التيفال وخلي النار هاديه الين تحسي الاطراف شوي جفت ومن الاطراف طلع فيه فقاقيع دخليه الفرن يتحمر من فوق لكن عشان تسوي مره تانيه لازم تتركي حق التخموره يعني حجم حبه برتقاله وتصيري تضيفي عليه نفس المقادير التانيه وكل ماكانت التخموره
    اقدم كل ما صار طعمو احلا
    وبتمني انو فهمتي علي وان شاءالله يزبط معاكي
    :)
  2. @azhar_mhmd_1

    جيت لعيوونك ياقمر وهذا الخمير بالصور من مطبخي
    شوفي اول صوره الخمير يكون ثقيل شوي لانه اذا كان العجين خفيف راح يطلع عندك ني من جوا فهمتي علي
    والصوره الثانيه مخمر نفسه خمير بس ينعجن بموية التمر
    واي استفسار انا حاضره
  3. @bnt_aadn_algnob

    صاحبة الموضوع
    sweet vanilla
    من كم يوم شفت الموضوع وقلت اسأل امي عن الطريقه واحطها وجبتلك الطريقه لكن امي بتقول مو سهل ينعمل لكن ان شاءالله يزبط معاكي اول شي لاااازم لازم تعملي (التخموره) ودي زي الخميره الفوريه لازم تعمليها ما ينفع تحطي خميره فوريه وهي نص ك دقيق ابيض…
    عزيزتي sweet vanilla طريقتك واضحة واكيد بجربها

    اشكر لك مرورك
    الله يخليك ويخلي لك الوالده

    اقبلي شكري مرة ثانيه افدتيني جدا
  4. انا قولك عليه وان شاء الله يظبط معك انا اختها من جيراني جوازنه اكلاتهم مره تجنن
    الطريقه
    المقادير
    من عند الطاحون حب احمر مطحون اسمه كذا فيه زيديه وفيه احمر خذي الاحمر
    دقيق ابيض
    خميره فوريه ملعقه
    ملح حسب الطعم
    مويه حسب العجينه لازم العجينه تكون متماسكه جدا عشان تمد معاك وتخبز

    (بصله + 4 فصوص ثوم +فلفل اسود ملعقه صغيره +كمون ملعقه كبير) كلها تدق في الهاون حتى تصبح ناعمه جدا

    الطريقه
    تعجن جميع المقادير السابقه لازم تكون العجينه متماسكه مثل عجينة البتزا واصلب شويه وتخمر 6 ساعات ويوخذ مقدار من العجينه وتعمل مثل الكوره وتخبز في التنور اذا معك تنور او على صينيه وتوضع في الفرن او تخبز في قدر الظغط وتوضع على نار هادئه  
    http://forum.sh3bwah.maktoob.com/t45612.html
  5. @bnt_aadn_algnob

    صاحبة الموضوع
    ماشاء الله يا أزهـــار

    شكلة حلو ومضبوط


    بالنسبه للمخمر متى اضيف موية التمر ؟

    يسلمو على الصور

    الله يعافيكي

تابعي تجارب أخرى من هذا القسم.