شاركي في النقاش

سجلي الدخول لإضافة تعليق.

التعليقات

5,440
  1. كهرمانة12
    ماشاءالله يا لولو....العزومة جميلة جميلة جدا بسم الله ماشاءالله تعييشي وتعملي


    محدش رد علية لية بخصوص العسل يا بنات هو انتم مش بتاكل عسل نحل ولا اية انا عن نفسى مش بحبة خالص بس عايزة لامر ضرورى

    فعلا زى البنات ما قالوا عسل نحل إمتنان أكثر من رائع
    وهتلاقى عنده طلبك بإذن الله

    مدينة نصر :ت: 22751095
    مصر الجديدة : ت : 26368057
    النزهة الجديدة:ت: 26226886
    مدينة الرحاب :ت: 26923755
    المعادى :ت: 25168948
    المهندسين :ت: 33023213
    المنيل :ت: 23640129
    المقطم :ت: 25071752
    الهرم :ت: 35841409
    مدينة 6 أكتوبر:ت: 38374267


    الخط الساخن : 16246

    شوفى أقرب فرع ليكى وكمان بيوصلوا للبيت
    يارب نكون أفدناكى بحاجة :26:










    ماشاء الله لا قوة إلا بالله
    عزومة جميلة بجد وتشرف وعقبال السنة الجاية وكل سنة وأنتم متجمعين بخير وطيبين :):):26:







    ولقيت بسمة منزلة طعمية نص مقلية جديدة جبت كيس وجربتها تحفة جدا عجبتنى جدا

    متقولوش عليا خايبة :)


    :26:أنا عن نفسى ياروشانا مش هاقول عليكى
    خايبة عشان أنا سبقتك وشيلت اللقب ده
    أنا فعلا من كتير قوى وأنا بجيب طعمية بسمة النص مقلية دى
    وطعمها أكتر من رائع
    بس فعلا لمحت إنها منزلة طعمية جديدة
    اللى هى الطعمية السورى بالحمص ودى لسه مجربتهاش
    هى دى اللى إنتى جربتيها ؟؟؟؟؟؟؟

    إن شاء الله هاجربها قريب



    وتحذير هااااااام أوعوا تجيبوا طعمية فرجللو النص مقلية (((يععععععععع))
    بجد طعمها وحش أوى
    لكن بسمة بجد حلوة :icon28::icon28::icon28:
  2. @khrman12

    الله يكرمك ياتواقة للخير....انا فاضية اهو انا باخد بريك بعد الفطار تتنيح كدة باشحن الطاقة وبعدين هووووووب تاني عالمطبخ

    بصي ياستي:
    كوب سميد نااعم
    1 كوب جوز هند
    1 كوب سكر
    نصف كوب زيت
    كوب زبادي 170 جرام
    بيضة...كم نقطة خل عشان تضيع ريحة البيض
    م ك بيكنج بودر

    تخلطي كله مع بعضه وتصبيه في القوالب علي درجة حرارة 170 هي كاتبة لمدة 15 دقيقة بس اخدت معايا 33 دقيقة ياللهوووووووول
    انا سبتها لحد وشها مابقي لونه دهبي ودخلت خلة في قلبها زي الكيك وطلعت فاضية
    وبعد ماطلعت سقيت كل قالب بمعلقة كبيرة شربات بارد واخد حرارة الجو وغطيتها عشان تفضل طرية
    المقدار دة طلع معايا 8 اكواب
    مفروض نحط فانليا بس انا محطتش وحطيت خل عشان متضيعليش ريحة جوز الهند وريحة البسبوسة الحلوة والخل بيضيع ريحة الزفارة نهااااااااااااااائي
  3. @khrman12

    عملت عالفطار النهاردة المندي الي رشا قالت عليه طلع ماشاءالله هاااااااايل ريحة الفحم مخلية طعم الاكل جبار مع الخلطة بتاعة البصل والجزر بس انا عملته برز مصري
    لازم تجربوه....ربنا يسعدك يارشروش...........ها اخبارك ايه تعالي طمنيني
    ودة اللينك تاني
    http://forum.hawaaworld.com/showthread.php?t=2312642
  4. كهرمانة12
    الله يكرمك ياتواقة للخير....انا فاضية اهو انا باخد بريك بعد الفطار تتنيح كدة باشحن الطاقة وبعدين هووووووب تاني عالمطبخ بصي ياستي: كوب سميد نااعم 1 كوب جوز هند 1 كوب سكر نصف كوب زيت كوب زبادي 170 جرام بيضة...كم نقطة خل عشان تضيع ريحة الب…
    ما شاء الله عليكى تسلم إيديكى ياقمر
    وهاجربها بإذن الله فى القريب العاجل عشان إبنى بيمووووووووووووووت فى البسبوسة
    ومعاكى حق إشحنى طاقتك وخديلك بريك مع واحدة كيت كات
    وهتبقى زى الفل



تابعي تجارب أخرى من هذا القسم.