شوفي حبيبتي الاسواق عندنا ميزتها انها متجمعة في مناطق وحده في بعضها اللي يفتح من الصبح الى الليل من س 10 الى 10 ومنها الغثيث اللي يسكر الظهر عموما اليكي اقتراحي
يوم لمنطقة حولي المجمعات اللي فيها:
مجمع النقره الشمالي والجنوبي( يفصلهم شارع)
مجمع الايوب ومجمع السندس (متلاصقين) ومجمع بلازا حولي جنبهم
مجمع العثمان ايضا قريب عليهم فيه مكان للعب الاطفال
مجمع المهلب وايد حلو فيه سينمات ومكان للعب الاطفال وفيه مطاعم يعني تقدرين تتغدين فيه
اليوم الثاني منطقة السالمية :
لبسي جوتي رياضه وعبادة اسلامية تحتها تريننج سوت خفيف واخذي الشارع من اوله الى اخره كله مجمعات حلوه بالدور
مجمع مريم (بدل سهره)
مجمع تالا (بدل سهره)
مجمع ليلى جالري (بدل سهره وغيره ) في مطاعم وسينمات ومكان للعب الاطفال
مجمع الفنار متنوع وفيه سينمات
مجمع الربيع محلات متنوعه وجنبهم علاء الدين مكان للعب الاطفال وارخيص
مجمع الثريا فخم بدل استقبال وسهره وفيه مطاعم حلوه
مجمع زهره لا ايفوتك حق بدل السهره والاستقبالات فيه مكان لعب الاطفال فيه محل بالدور الثاني لملابس الاطفال حلو
بعدين سنتر بوينت ومذكر كير
ومركز سلطان (سوبر ماركت كبير تقدرين تشترين منه الخفايف الماجله الخفيفه)
اليوم الثالث
مرينا مول اكبر مجمع فاتح عندنا وايد حلو في سينمات ومطاعم والعاب تقدرين تقظين فيه يوم كامل على شارع الخليج العربي تغدو على البحر لا يفوتكم المنظر
سوق شرق مجمع كبير بس تقريبا نفس المحلات الموجوده بالمرينا روحي شوفيه فيه سينمات ولعب للاطفال ومطاعم
هابين عندنا بالبشوت النسائية تلقينها بسوق المباركية هذا يصلح حق المره الكبيره وراح تلقين ابهالسوق بخور واطياب وملافع للمره الكبيره
هذا عن داخل الديره اما ابعد شوي فعندج منطقة الفحيحيل والفروانية بس ما اتوقع يمديج
انشاء الله تستانسين واذا بغيتي شي محدد لا يردك الا السانك حاولت اني الخصلج اهم الاسواق عندنا
بنات الكــويت ضـــــروري تكفووون
متابعة النقاش، صفحة 3