مرحبا....
اخواتى حابة اناقش معاكم موضوع خوات الزوج...
يعنى اذاماشى عندج حماة اتنغص عليج عندج خوات الزوج يعوضون
خواتى ارجو منكم مناقشة هذا الموضوع المهم.....
كيف التعامل معاهم؟؟وهم اصغر منج؟؟وانت زوجة الكبير؟؟
وخصوصا انج ساكنة فى بيت اهل زوجج؟؟
وحتى لو كانو متزوجات فهم كل بين يومين موجودات...
ويعتبرون هذا البيت مثل تجمع لهم ولمت اليهال فية
وانا ماالومهم..........
بس ابا منكم النصحية.....
وجزاكم للة خير
شاركي في النقاش
سجلي الدخول لإضافة تعليق.
التعليقات
57- مممممممممممممم والله ماني متزوجه ولا جربت هالشي للحين
بس اتمنى البنات يتفاعلون لانه موضوع مهم بالفعل00 - حبيبتى والله انا مو متزوجه بس من خبرتى ومن اللى شفته من صديقاتى انهم العن من ام الزوج ومشكلجياات .. انا اللى اشوفه ان الوحده تحقرهم ولا كانهم موجودات اهم شى زوجج وعيالج .. بمعنى اذا زوج يحبج ويحترمج ولج ماكانه عنده غصبا عنهم بيحترمونج لو شنهى المشاكل الى بينج وبين خوات زوجج :)
- اشكر الخوات الى ردوا على.......
المشكلة ان الوحدة اتكون من اعز صديقاتج....
ويوم تاخذين اخوها اتصير من الد والد اعدائج....
خواتى اناهب طالبة منكم اتيون واتحلون مشكلتى!!!!!
انا الى طالبتة التفاعل والنصح وبس......
جزاكم للة خير - غريبة هالدنيا....
بالنسبة لى انا حاطة اهل زوجى على راسى..
وللة يشهد انى اعاملهم احسن معاملة حتى ان علاقتى بام زوجى وايد زينة
بس مثل ماقلت لج ان خوات زوجى مايتعبون ولايملون من المكيدة والدسائس
حتى اذا خطبوا لواحد من اخوانهم مايقولون لى الابنفس اليوم او قبلها بيومين
هل تعتقدون انهم يتحرونى ضعيفة الشخصية؟؟او مايبونى اتلبس واتعدل مثلهم؟؟
وللة ماادرى شو السالفة؟؟؟؟؟ - وش دعوه عاد؟!أنتي ياأختي تزوجتي زوجك وانتي عارفه انك راح تسكني معهم ,راح أقولك نصيح لوجه الله (زي ما تحبين زوجات اخوانك يعاملو امك وخواتك عاملي اهل زوجك)وترى والله مافيه ازين من مبداء طنش تعش ,لاتدققين على كل شي وترى في النهايه الي راح يروح في الرجول زوجك ,عشان كذا أرضيه وشوفي الي يسعدخاطره وتحملي مااقولك كوني سلبيه لأبس خفي شوي ترى كثر الدق يفك اللحام
مواضيع مشابهة
تابعي تجارب أخرى من هذا القسم.