السلآم عليكم ورحمة الله وبركآته
الله يوفقك أختي والله الموضوع جــآء في وقته
الله يوفقك في حيــآتك إن شآء الله ..
شوفي يـآحبيبتي أول شيئ أنـآ طالبة بالأول ثآنوي .. والمشكلة هذي صـآرتلي
لما كنت في نهاية الصف التاسع .. وماراحت معي أتمنى إني أحصل حل معاك ...
شوفي لما كنت في الصف التاسع جتنا معلمتنا مال مادةالتربية الإسلامية
وأنـآ هالمعلمة أحبها طيبة وشرحها وايد حلو ومـا أخاف منها أبد وحصتها وايد حلوة
بس ذاك اليوم لما جات للصف كانت وآيد معصبة لان تقريبا بعض البنات ناقصات وايد
في الإمتحان وجلست تتنازع وتحتشر على البنات اللي ناقصات في الامتحان وانا ولله الحمد
متفوقة وما كنت من البنات المقصودات لأني جايبة الدرجة النهائية ولله الحمد .. بس بمرة تأثرت
بكلام المعلمة ومن داخلي قلبي يدق بسرعة بسرعة وخايفة والمهم بعد ماخلصت كلامها مع البنات
قالت بناخذ درس وكان علينا تلاوة في سورة من القرآن وأنا كنت متعودة أقرأ دايما الآيات على بنات
الصف بس ذاك اليوم لما قالتلي اقري حسيت بخوف شديد وكنت أقرا أونا أنتفض والمعلمة حست
فيني فقالت وقفي وخلت بنت ثانية ... ومن ذاك اليوم وانا أخاف لما أقرأ وأرتبك ويدي تنتفض وترتعش
وكذا لما مرة معلمتنا مال العلوم طلبت مني أقرأ الدرس والله كنت أرتجف وأقرأ سريع ويدي تنتفض
ما أعرف ليش ومن ذاك اليوم وأنا أكره شيئ اسمه قراءة في المدرسة على بنات الصف مع إني
قبل أقول ياربي ليش هالمعلمة ماتخليني أقرأ والحين أقول الحمدلله لـأنها ماخلتني حتى مـآ أنحرج عدال البنات
المهم هالشيئ مايصير لي إلا في المدرسة وأحيانا في البيت مثلا لما مرة كنا في جمعة كنت ساكتة
ولما بنات خالتي يكلموني مآكنت قادرة أتكلم وأحس بخوف من داخل وأختصر في الكلام مع إني
من النوع الاجتماعي وأحب الجمعات وايد وحتى لما أتكلم بالتلفون أحس بخوف ومـآ اكون قادرة أتكلم
لكن الحين الحمدلله الحمدلله مـآ اخاف في الجمعات ولا لما اتكلم بالتلفون بس الخوف معي لما
أكون في المدرسة ... شوفي حبيبتي أحنا هالأسبوع بدينا دوام ومثل ماقلت قبل أنا بالصف الأول ثانوي
وهالمرحلة وايد صعبة وتحتاج لها جرأة أوخاف هالمشكلة تاثر علي والحين أبد أبد مـا ارفع يدي
عشان اقرأ لأني أخاف وأمس معلمتنا مال العلوم طلبت مني أقرا والله ماتشوفيني كيف صرت
وكيف كنت لما أقرا مرتبكة لأخر درجة ومبين علي ونص الكلام ما أقرأه عشان مـآ ارتبك أكثر
وأوقف شوي أخذ نفس وأكمل الباقي ولمال خلصت البنت اللي جنبي تقول
شو فيج ماعارفة شرقج من غربج ومرتبكة وخايفة لما تقري
بس لما رحت لحصة اللغة العربية كنت جايبة معلومة للحصة وقريتها وأنا ماخايفة أبدا الحمدلله ..
بس أحس هالمشكلة أكثر شيئ تصيرلي في حصة العلوم والإسلامية وصح تصيبني في الحصص الباقية بس ماكثرالمواد اللي ذكرتها قبل
شوفي وأنـا الحين متبعة نظام عشان أتخلص من هالمشكلة إني مطبقة
قانون 21 * 14 وأقرا سورة يس بعدج كل صلاة وكمان أقرا أذكار الصباح والمساء يوميا ومتفائلة وحاسنة الظن بالله
حبيبتي طولت كثير بس عشآن توضح لج المشكلة واتمنى ألاقي حل منج
والله لأدعيلج في صلاتي بالتوفيق
:44:
تبغي تتخلصي من الرهاب والخجل وعدم الثقة بالنفس اطرحي مشكلتك وعندي الحل
متابعة النقاش، صفحة 14