السلام عليكم ورحمة الله وبركاته
هلاااا بخواتي ...
والله أني أحبكم في الله ..
وأشتاق لكم ...
مشكلتي اليوم ... وإلا تدرون .. لا لا لا ماهي مشكلة .. مدري ايش اسميها ..
خلوني أقول .. ( فضفضة )
الموضوع الله يسلمكم ... هو ( حريم حمياني )
مادري ليش ماقدرت أندمج معاهم ... رغم انهم في ظاهرهم ... حليوات وطيبات .. وأحس جذيه أنهم ما يرتاحون لي ؟؟؟ مع أني بشهادة الجميع والحمدلله لا رياء ذوق في التعامل مع الكل .. وأحب الأحترام المتبادل مع الكل ..
ساعات أحز انهم حزب علي ... لأنهم يقربون لبعض .. وأنا أعتبر غريبة عنهم
وساعات أقول ... يمكن يحسون أن أهل زوجي يحبوني وااايد والحمدلله .. وساعات أحس أنهم يغارون مني ...مع أن معاملة أهل زوجي لنا كلها وحدة ... وإذا حسوا أنهم يفضلوني .. ترى لسبب واحد ... أني واصلتهم .. وما أقطعهم .. بعكسهم .. اللي ما يزورون أهل زوجي إلا كل أسبوعين أو أكثر .. والزيارة تقولون طارينها ... نص ساعة على الأكثر .. بعكسي أبات بيت أهل زوجي في الويك أند ... بخلاف الزيارات وسط الاسبوع ...
بس مع ذلك كله .. أحترمهم .. واحاول تكون العلاقة بينا طبيعية لما أشوفهم .. بس بصراحة أحس اكون متضايقة ... لأني أحس ان الموضوع دخل فيه النفاق .. واللي مستحيل أقبله على نفسي
هااا خواتي ..
اشلون علاقتكم بأزواج حميانكم ( زوجة أخ الزوج )
خلونا نفضفض.. ونستفيد من تجارب بعض
شاركي في النقاش
سجلي الدخول لإضافة تعليق.
التعليقات
37- السلام عليكم اختي الكاشخة
احنا في السعودية نسميهم السلايف وعلاقة السلايف غالبا تكون مشوشة وفيها بعض الغيرة وعلى ما اظن انك عروس جديدة
انصحك اختي ان تعاملي سلايفك معاملة جيدة وسطية بغض النظر عن كيفية تعاملهم معك ومع الوقت ستكسبين احترامهم وستشعرين انك اصبحت اكثر انسجاما معهم
واي سؤال اختي انا حاضرة والله يوفقك - شوفي حبيبتي
انا عاشو عندي اسلافي تقريبا 5سنوات
وانا الي خطبت لهم وزوجناهم والحمدلله
واهم بنات عم
وفي البدايه كنا مثل الاخوات واكثر
الا ان فيه واحده فيهم صارت تغار مني وبدت تنم بظهري
عند الثانيه وعند اهل زوجي
ولما صارحتها وحطيت لها حد بدت تبعد عني
وهذا مايهمني تبعد ولا اشوف شرمنها واخرتها بترد
يعني اهي صارت منبوذه من اهل زوجي بعد
وبدت تلم بنت عمها حولها رغم انهم كانو يكرهون بعض كره الموت
لاكن بنت عمها اعقل منها وتحاول تفتك منها
وللامانه بنت عمها ماتقطع بيتي كثرها ولا تلفوني
عكس هذيك حتى تلفون ماترد اذاشافت رقم بيتك
اهي الحين حامل واهلها موبديرتنا ومافيه احد بيشيلها غير سلفاتها
اخرتها بترد وين يعني بتروح . - كل ماشوفج احسن كل مازادت الغيرة !!!..
- حريم الحموان شقولج يودونج الابحر ويردونج عطشانه
وبعدين انتي اشتبين فيهم خليك رسميه ومهما كانت الصداقه بينك وبينهم في يوم وليله لأي ظرف تتحول عداوه
عندي وحده الكبيره الله يخلف الظاهر تحلم باليل ومن باجر ما تحاجيني هو اشفيها هذي؟؟
وتم شهر شهرين ماده البوز على شنو ما ادري
ما ادري !!!
ودائما احذر من الدخول معاهم في حزب لأنهم من افشل الاحزاب ويوهقونج يعني لا تتفقين معاهم بشي راح يورطونج عااااادي
يعني باختصار
اخاصمك أه اسيبك لا - كلنا متفقين على انه السلايف يغارون من بعض !!!!
ابي اعرف ليه !!!
هذي حقيقه وانا عانيت منها كثير ...
واعرف كثيرين ومقربين يشتكون من مشكلة الغيره بين السلايف والمقارنات !!
عموما حبيبتي خليكي زي ما انت محترمه واهم شي الكلام لاتغتابين ولا تثقين بأي وحده انها راح تصير مثل اختك ..
لانك غريبه خلي عللاقتك سطحيه احسن .. واهم شي الوحده تتعامل مع الجميع بأخلاق والكل غصب راح يحبها ان شاء الله ..
مواضيع مشابهة
تابعي تجارب أخرى من هذا القسم.