الموضوع مغلق

ابي افهم اللي ماعندها خدامة وتسوي بنفسها بالبيت بوفية كامل لكم شخص متى تلحق وكيف>قديم

اهلين بالسنعات..:27:

بنات استغرب اللي ماعندها خادمة او حتى عندها.. تجي مسوية سفرة كاملة او بوفية من مثلا18 صنف...
او 10 متى تلحق كيف اقنعوني كيف...!! ماشاء الله تبارك الرحمن بس نفسي اسوي عزاايم كيذاا بس مو قادره
احس صعب وتعب.. ويمكن ماتضبط الطبخة... :44:

اللي بالحالها متى تبداا تجهيز.....!!
وكيف تسوين بالمواعين اللي تتجمع وقت الطبخ..!
وكيف طريقة تحديد الطبخات والقهوة متى تتجهز
والبيت متى يترتب ويتبخر..:angry:

(انا عندي مشكلة المطبخ المفتوح اللي بوسط البيت)

ياللاا ابي مساعدتكم..

17 تعليق 3,858 مشاهدة

شاركي في النقاش

سجلي الدخول لإضافة تعليق.

التعليقات

17
  1. @klb_nky


    البيت يترتب قبل العزيمه بيومين

    قبل العزيمه بيوم ينعمل الحلا وينغلف و ينحفظ في الثلاجه

    ويوم العزيمه .. الله يعينك ع الكرف من الساعه 12 الظهر إلى العصر

    قبل المغرب .. تجهيز القهوه والبخور

    بالنسبة لـ تعدد الأصناف .. خليك ذكيه وسوي عجينه واحده وأعملي منها أربع اصناف

    وطبقين رئسيين و 2 مقبلات [ممكن تشترينهم جاهزه] و نوعين سلطه وعصاير (والحلا اللي في الثلاجه) وبس

    وغسيل الأواني .. أنا احب انها تنغسل أول بأول عشان ماتتراكم


    اتمنى إني أفدتك
  2. @alsltan_9

    شوفي حبيبتي ..
    انا مغتربه ولا عندي شغاله
    المهم..
    اني اسوي اغلب شغلي قبل بيوم مثل الصياني واذا شي بيتبل مثل شيش طاووق او بروست
    يعني يوم العزيمه بس تحمير او قلي او تسخين
    والسلطات بعد اقطع كل نوع خضار بتبرويه لحاله ويوم العزيمة اخلطها
    وبعد الخضار اللي بستخدمها للطبخ بيوم العزيمه مثل البصل والطمام كله قبل بيوم ( مثل الكبسه مااصلحها الا بيوم العزيمه)
    والحلا قبل بيوم بعد بصراحة عندي اليوم اللي قبل العزيمه اتعب فيه اكثر من يوم العزيمه
    حتى تنظيف البيت قبل بيوم او يومين ع حسب ضيوفي رجال او حريم

    اما الملاعق والصحون والكاسات والفناجيل فهذي تتجهز قبل بأيام
    علشان كذا ما احب العزايم الفجاءه لانها هي اللي تتعب
    بس اهم شي انك ترتبين شغلك ووقتك زين

    بالنسبه للريحه بيوم العزيمه اذا عندك قلي او طبخ طول الوقت خلي الشطافة مشغله ونوافذ المطبخ والصاله مفتوحه
    واخر شي صلحي القهوة احس ريحتها تسحب ريحة الطبخ
    وبعدين شغلي فواحات وعطري وبخري البيت بس اهم شي الطبخ يكون خالص

    بكذا تخف الريحه ..
    اتمنى اكون افدتك .. واسفه ع الاطاله
  3. @abtsam2008

    قبل بيوم اسوي كل شيء

    وادخله الثلاجة يوم العزيمة ارتاب البيت

    والقهوة

    واطلع الصواني اللى بالفرن واحط الطبقة الفوقية اذا كان لها طبقة وبالفرن



    والرز والسلطات والعصاير بنفس اليوم

تابعي تجارب أخرى من هذا القسم.