فطاير(خارجة عن المألوف) شكلها حلو وطعمها ما يحتاج وتغني عن وجبة بالصور ..

قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله وبركاته ..

عزيزاتي اليوم عاملتلكم فطاير بقوالب الكب كيك بصراحة لذييييذة ولكن

تنبيه هااااااام

(( لا تصلح للي يتبعون ريجيم )) إلا في حالة اذا أكلت حبة وحدة فقططط :icon31:

لأنها دسمة وهذا بيكون واضح من مقاديرها , وندخل الآن في الموضوع ..


بسم الله نبدأ

مقادير العجينة

* كوب ونص دقيق أبيض ( أي نوع فاخر فينو أو غيرها بس يكون أبيض )
* نص فنجال شاهي ( زيت )
* ملعقة صغيرة باكينج باودر
* ملعقة صغيرة سكر
* ربع ملعقة صغيرة ملح
* ملعقة ونص ( أكل ) حليب بودرة
* موية للعجن
** ( تعجن لين يصير قوامها خفيف زي الكريب )

وهذي صورة العجينة لاحظوا قوامها




مقادير الحشوة

* 3 بيضات كاملة
* خمسة ملاعق مايونيز
* خمسة ملاعق جبنة سايلة
* زيتون مقطع
* فلفل رومي مقطع صغير
* جزر مبشور
* شوية بقدونس مفروم
* جبنة كرافت مبشورة
* بهارات حسب الرغبة
(( ملاحظة : لا يضاف لها ملح ابدا ملوحة الجبنة كفايه ))
** توضع الجبنة والمايونيز مع البيض وتخلط جيدا ثم تضاف بقية المقادير

وهذي صورة توضيحية للمقادير



وهذي صورة الحشوة




** الطريقة **

* ندهن القوالب بشوية زيت ( مسحة فقط )

* نضع في كل قالب كمية من العجينة ثم كمية من الحشوة وتكون الكميات متساوية

او ثلثين من العجينة وثلث من الحشوة حسب الرغبة ولكن انتبهوا لاتملون القالب

لأن العجينة راح تنتفخ مع الخبز طبيعي ..

وهذي صورة الفطاير قبل الخبز ..



* ثم نضعها في الفرن ونشغله من تحت فقط لين تستوي ثم نشغله من

فوق لين تحمر قليلا ثم نخرجها ..

وهذي صورتها بعد الخبز ..



نتركها تبرد قليلا ثم نقدمها وهذي صورة جماعية للفطاير بجميع أشكالها ..



** ( ملاحظة : لونها راح يكون افتح حسب المقادير اللي أنا حاطتها , لكن

في الصورة أنا أضفت حبة بيضة لمقادير الحشوة شفتها بقيت لحالها

وحزنت عليها قمت حطيتها مع أخواتها :30:

عشان كذا طلعت أغمق شويه

وهذي صورتها من الداخل ..



أتمنى تكون عجبتكم الفطاير وتجربونها وتاكلونها بالعافية وتقبلوا سلامي واحترامي ..

أختكم

ورد
0

588 تعليق 137,704 مشاهدة

شاركي في النقاش

سجلي الدخول لإضافة تعليق.

التعليقات

568
  1. ماشاء الله ابدااااااااااااع

    طريقة حلوه ورايقة صراحة

    الله يسلم الايادي ويعطيك العافيه على هالفطاير

تابعي تجارب أخرى من هذا القسم.