ملف استشارة يوميه ...4

الله يخليكي ياقمر وعاوزة حاجه حادقه حاضر من عيوني حالا اتفضلي


بسم الله الرحمن الرحيم
نبدا مخلل الليمون بطريقة ماما
اول حاجه
كيلوا الليمون بياخد 6 معالق كبيره ملح وعصفر حسب الرغبه وحبة البركه حسب الرغبه
وممكن اضافة شطه حسب الرغبه
اولا هنغلي الليمون غلوتين فقط
ثم نغسله ونضع له ماء نظيف ونغير الميه دي كل يوم لمدة 3 ايام
ده خليط الملح والعصفر وحبة البركه

وده الليمون المسلوق

هنقطع الليمونه 4 اربع بس مش للاخر زي كده

ونحشيها بالخليط اللي عملناه زي كده

وبعدين نحط الليمون في البرطمان ونضغط عليه لغاية ماميته تطلع وتلمس ايدك زي كده


ونحط علي وش الليمون زيت علشان يحفظه ونقفل عليه ونسيبه لمدة اسبوع وندخله التلاجه بعد الاسبوع ده وده شكل البرطمان النهائي

وده هيبقي شكله بعد الاسبوع ماينتهي

منقول بس نفس طريقتنا روعه.

المخلل كمان لما تحطى كسبرة ناشفه حب ورق لورى طعمه جنان
وريحه ماشاء الله


كل القمرات ربنا يكرمكم
سموحة تقومى بالسلامه يارب

بجد بجد تسلم ايدك يا روش على العجينه التحفه دى بوسه كبيره ليكى
ملاحظاتى علىالعجينه اولا استغربتها تحسى انها مفروله كده وكلها قطع زبده باينه فيها بس لما شكلتها بانت طبقاتها وساعتها بس حسيت ببداية نجاح العجينه بعد الخبز ماقولكيش على جمال الكرواسون والباتيه طلع تحفه بمعنى الكلمه العجينه هششششششه ومورقه وجميله اوى تحسى انها من بره مش شغل بيت ولا الريحه واااااااااو ربنا يكرمك يا رشا ويباركلك فى كريم ولولوى وتشوفيهم احسن ناس فى الدنيا ودلوقتى على الصور

دى صورة العجينه وباين فيها قطع الزبده قبل ما تدخل التلاجه


هنا العجينه بعد التشكيل شوفو الطبقات باينه ازاى وانا دهنت وشها بصفار بيض وشوية لبن ومعلقة نسكافيه



هنا رشيت على باتيه الجبنه بحبة البركه وكرواسون الشكولاته بالسمسم وده بعد ما خمرت شوفو شكلها ازاى يفتح النفس قبل حتى ما تتخبز هههههههه


هنا بسم الله ماشاء الله يعد ما خرجت من الفرن جزاكى الله كل خير يا رشروش الماكنه طلعت قماش اخيرا اااااااااا



زوووووووووووووووووم




شوفو ازاى من جوا طبقات وهش والشكولاته سايحه طعمها زى نوتيلا والريحه مممممم مش عايزه اقولكم روعه


تانى وتالت وعاشر ربنا يكرمك يا رشا ويباركلك فى ولادك تم اعتماد العجينه وان شاء الله المرات اللى جايه هايبقى احلى كمان من كده