صباح الخير ياحلوات
اللهم فرج لكل اخت فتحت موضوعي ردت او رفعت موضعي او حتى ماردت وينولها اللي في باله ويحقق لها مبتغاها
ويسعدها في الدنيا والاخره ويرزقها جنة عرضها السموات والارض
بنات انا محبطه
كان وزني قبل رمضان في شهر
بين 89 و88 المهم قررت في
رمضان اني ما ازيد اللي خسرته
من وزن كنت قبلها نازله 8 كيلو
قلت حرام يرجعون في رمضان
واخرب على نفسي ويجي العيد
ومايضبط علي اللبس وقررت اني
اخفف من الاكل والله كنت اجلس
على السفره مع زوجي واولادي
وفيها من كل مالذ وطاب ولاكني
اشوفها اخذ حبتين سمبوسه
مع صحن الشوربه وكم حبه منتو
او مطبق او اي شي مشوي
وقبلها اشرب ماء كثير واشياء كثير
كنت اسويها من ضمنها امشي
دقيقه العصر وانا صايمه لاني
سمعت وانتي صايمه وتمشين
تنزلين الشحوم القديمه
وكنت بس على الفطور وبعده
اسكر فمي الى فطور اليوم الثاني الا على عصير اما اناناس او
برتقال فرش طبعا من غير سكر
ولاخربتها ابد
المهم وقبل العيد بليله وزنت صار
وزني 84 الحمدلله بس من جد
تحطمت رغم الحرمان بس نزلت
اربعه
صحيح يوم العيد يوم طلعت للناس الكل فتح فمه وقال من جد متغيره واللي يسألني وش مسويه ونزل رقم من مقاسي كنت البس 18 صرت البس 16 بس احسها مره قليله
المهم جاء العيد واخربها الى
الاسبوع اللي فات با القوه مسكت
فرامل مدري وش فيني ماقدرت
اصيطر على عمري
الجمعه عزمت اني ابد رحله جديده
مع التخفيف سويت جدول قررت
1- التوكل على الله والاستعانه به قبل اي خطوه قبل الفطور وقبل الغداء وقبل العشاء وقبل المشي
2- اشرب على الريق نص فنجان زيت زيتون وبعده بساعه اشرب كوب ماء وبعده بربع ساعه افطر
3- فطوري وغداي تخفيف بس مافيه رز ابد ما اكل رز وحبتين با الكثير توست اسمر
4- عشاي تفاحه وحده اخضر
5-امشي ساعه كل يوم من
السبت الى الاربعاء60دقيقه ساعه يعني على سرعة 5
6- اشرب 2الى 3 لتر ماء في اليوم
4- انام 10 اصحي 5 لان النوم بدري يساعد على الانتظام على الدايت
تخيلو كل اللي فوق سويته توقعت اليوم القى نفسي على الاقل نازله 2 كيلو بس الصدمه انه رغم التعب نزلت بس كيلو من جد محبطه تتوقعون ليه:44::44:
اخاف انه من زيت الزيتون مع اني مرتاحه عليه ماتتخيلون بطني خفت كثير وصارت لينه مره على عكس اول كنها حصاه قاسيه بشكل
وش تشورون علي تكفون لاتخلوني ودي اودع عالم الثمانينات واسفطه مع التسعينات
شاركي في النقاش
سجلي الدخول لإضافة تعليق.
التعليقات
25- عادي حبيبتي بس يمكن عشان شاده على نفسكـ مررره كلي كثير بس تكون وجبات صحيه مثل خضار فواكه مشروبات ماتسمن عشان تنشطين الحرق عندك لان جسمك تعود على الاكل القليل فصار يخزن وبالتوفيق
- مبروك نزول وزنك استمري وان شاء الله تلاقي نتيجة احسن
والنزول البطيء احسن كدا مايرجع وزنك ان شاء الله توصلي للوزن اللي تتمني - والله مدري يختي .. بس الله ينحفك ان شالله من غير شر وبصحه وعافيه ..
لكن اتوقع انك بحاجه ليوم مفتوح عشان تهزين وزنك شوي او رياضه والله اعلم - بالعكس انتي ماشية صح اهم شي وزنك ينزل بس بقولك خلي زيت الزيتون 4 ايام بالاسبوع اذا انتي مرتاحة عليه
- مبروك النزول وعقبال للمثالي
مواضيع مشابهة
تابعي تجارب أخرى من هذا القسم.