لا تهملون الموضوع ..صداع قاتل في أول يوم للدورة الشهرية

السلام عليكم

انا اول مره اكتب في هذا القسم ... و ان شاء الله ماتردوني

دائما في اول يوم الدوره يصير لي صداع قاتل في مكان غريب من الراس ... في مؤخرة الراس ( يعني المكان اللي تحطينه عالمخده وقت النوم )

يستمر هذا الصداع اللي يخليني طريحه الفراش بلا اكل ولا شرب يووووم كاامل
اخاف اخذ مسكنات فتحبس الدم و تمنع نزوله

والله صرت اخاف كل ماقرب موعد الدوره من هذا الصداع :(

ما اسباب هذا الصداع؟ و اشلون اعالجه ؟

بليز ساعدوني

8 تعليق 25,703 مشاهدة

شاركي في النقاش

سجلي الدخول لإضافة تعليق.

التعليقات

8
  1. @gmark

    اختي انا بعد نفسك بس انا ماأنام على المخده على ظهري لاني لو حطيت راسي على المخده زاد الاوللم بشكل فظيع فاأنجبر اني انام وانا جالسه يعني ماأميل راسي للوراء أبداا حتى يخف الالم
    وبعدين المسكن بيخفف الدوره بس مراح يحبسها ومش على طول بس في نفس اليوم اللي بتاخذين فيه الحبه
  2. @alkyk

    صاحبة الموضوع
    مشكوووره اختي جمارك عالرد و تسلمين

    والله انا لما يجيني هالصداع لا اقدر انام لا على ظهري ولا على جنب ولا اقدر انسدح ولا اقعد ... صداع فظيع .

    و نسيت اقول ان قبل الدوره بيوم تقريبا تجيني رقعه قويه و سريعه جدا بالقلب تستمر دقايق و تختفي

    اسم الله عليكم و الله لا يوريه لا عدو ولا صديق
  3. @am_aamory_oaabody

    لازم تروحي للطبيب .. انا يحصل لي نفس الشئ بس قالوا لي انه بسبب حبوب منع الحمل وانا اللي استعملها اسمها ياسمين ومن اول مابديت استعملها وهذي حالتي صداع مدمر ولكن اتحمل لاني مااقدر اترك ياسمين
  4. هلا يالغاليات
    الصداع لما يكون مع الدوره هذا يدل على تغيير في الهرمونات يعني لازم تسوون تحليل للهرمونات وتراجعون الدكتور
    هذا كلام الدكتوره لخالتي ..

    يابنات والله شي شفته بعيني لا تطولون وانتوا تستخدمون حبوب منع الحمل لاكثر من 3سنين لها آثار جانبيه قووويه حيل
    العروق الحمرا بالجسم_اللي يستخدمها مده اكثر من 10سنين اختمال عالي للاصابه بسرطان الثدي _...........الخ

    والله يشافيكم ويشافي مرضى المسلمين

تابعي تجارب أخرى من هذا القسم.