ذكرت لكم ان الصينية قالت : انا مافيا حب شباب عارفين ليه ؟ لاني امنعه اساساً !
وبشرتها صافية ، والسر انها قالت تستعمل سيرم اسمه IQQU مخصص لحب الشباب ..
وهذه صورته :

لان ببساطة اسباب تكون الحبوب ؟؟خصوصا لدى صاحبات البشرة الدهنية :
اذا عرفنا السبب نقدر نعالج البشرة و اساس اي حل لمشكلة هو (معرفة السبب ) ..وسبب تكوّن البثور وحبوب الشباب هو انغلاق او (انسداد ) مسامات البشرة .. بالتالي الدهون ماتقدر تخرج وتسبب زي الكتمة فتسد الدهون مسام البشرة وتسبب تكوّن الحبوب ! بعضها تكون حبوب سطحية وبعضها عميقة او ماتسمى بتحت الجلد .. وهذه تأخذ فترة لين تطلع وشكلها مزعج !! لانها تكون تحت الجلد وشوية شوية تظهر على سطح البشرة ..
ماهو علاج الحبوب السطحية ؟؟
ببساطة :
1- تعقيم الحبوب بمسحة طبية يوميا مرتين (صاحبات البشرة الحساسة اتمنى تجربو على حبة وحدة اذا ماحصل التهاب او احمرار كملو باقي الوجه )
لاني كل ما ادور على علاج في المنتديات العربية او الغربية كل الدكاترة يقولو التعقيم رقم 1 عشان ماتترك اي اثر ..
وبخصوص حب الشباب تحت الجلد ؟؟ يعني لما تمسكي خدك مثلاً تحسي مطبة أو في شيء واضح تحت جلدك بس لساه ماطلع استنى لين يطلع راح ياخذ وقت بعدها ابدأي في تعقيمه لان اي علاج ماراح يفيده وهو تحت الجلد وعن تجربة استنيه لين يطلع بعدها عقمي واستخدمي كريماتك الي وصتك عليها الدكتورة .
اياكي تمسكي الحبة بيدك او تعصريها غلط !
طيب شرحتلكم كيف تتكون الحبوب وقلنا ان المسام ينسد ؟؟ وقلتلكم فوق عن الغسول الي صرفته لي الدكتورة لعلاج الزيوان وحب الشباب .. وفائدة الغسول هي :
ينفع لجميع البشرات لانه مصمم بتركيبة رقيقة تزيل الزيوان وتفتح مسام بشرتك بالتالي تخرج الدهون ومايحصل اي انسداد وبالتالي عدم تكون حبوب بإذن الله نصيحة بنات جربوه حيفيدكم ان شاء الله ..
-_-_-_-_-
نرجع للصينية هههههههه ، هي راحت محل خاص بالبشرة ومنتجاتها وجالسة تصور في المحل و
قالت ان افضل منتجات لعلاج التجاعيد هي : Roc
تقول مضمونة وممتازة ، ومدحت كمان منتجات اولاي قالت ممتازة جدا لصاحبات البشرة العادية وفعلا لما كنت اقرأ عن كريم اولاي بالتوت البري بعض العضوات صاحبات البشرة الدهنية قالو ماناسبهم وسببلهم حبوب ..اما العادية جربو اولاي وماحتضركم ان شاء الله وفي عندها منتج لـ اولاي خاص بتقشير البشرة سألت في النهدي قال الصيدلي مو موجود لكن اديكي كريم زي مفعوله اعطاني : loreal derma genesis كريم الليل المركز عناية تنشيء الخلايا الشابة .. :27: بس لسة دوبني استعمله ..
وقالت لصاحبات البشرة الجافة والحساسة ماراح ينفعها غير منتجات دوف .. ممتازة لهم .
ولصاحبات البشرة الدهنية المعرضة للحبوب تقول حتفيدكم منتجات نيتروجينا .
راجعة لكم ..