السلام عليكم
بنات اليوم ماقدرت انام لين اكتب لكم السالفة مرة مرتفع ضغطي تخيلو اليوم رحت منتزة السلام اكيد تعرفونه بالرياض
المهم دخلت انا وامي المصلى بنصلي للعشاء طبعا ماكان فيه الا شوي بالمسجد لأن دخلنا متأخرين شوي وكلهم بالصف الاول وورى كله فاضي
بالزاويه قدام ع اليمين فيه حرمتين قاعدين معهم اولاد مدري كم عددهم 2 او ثلاثة مو متذكرة موب عرب يتكلمون بلغه
مدري وشي بس يعرفون عربي كلمه عربي وكلمه لا المهم الاولاد قاعدين يركضون يتلاحقون يعني اطفال ويلعبون
مااشوف فيها شئ وبعدين ماازعجونا ابدا بس يركضون بدون صوت وورى موب حولنا يعني ماآذونا بشئ وحنا نصلي قدام
كانت جنبي وحده تصلي كبيرة بالسن شوي وقاعدة تصفق بالصلاة شكلها معصبه يوم خلصت الا وتقوم اعوذ بالله تقل
قنبله انا خفت والله انا خفت وشلون البزران مساكين وبعدين البزران مايفهمون عليها كثير لان قلت لكم اصلهم مب عرب
قعدت تصارخ قالت وش ذا ماتخلون احد يصلي ماتفهمون اصفق لكم بالصلاة ماتسمعون استغفر الله قاعدين بملعب انتو تركضون منتو بصغار كبار يابنات اعمارهم ما تتعدى خمس سنسن او ست وتقول كبار وقعدت تهزء و تخيلو يابنات
لين هنا ماصار شئ انا ماكنت اتوقع ان فيه احد بالدنيا بهالوقاحه راحت تركض تلاحقهم تضربهم اسمع صوت الظرب
على ظهورهم :blink: انا بغيت انفجر وش قلت الادب ذي تمد يدها على اولاد الناس مهما كانت غلطتهم مايحق لك تمدين يدك عليهم كلمي امهم وهي تأدبهم بطريقتها الخاصه موب كذا وما بالك اذا كانو الاولاد مساكين ماسوو شئ ماغير يركضون بس
وانا اقول بقلبي ليتني امهم والله لأوريها شغلها والي عصبني اكثر ردت فعل الامهات تخيلو ضربت عيالهم قالولها ايوة
احسن اظربيهم اظربيهم الاولاد مساكين انجنو واحد هرب ورى امه والثانيه لزق بالارض ميت خوف ولحقتهم لين عند امهاتهم بكل وقاحه وتهزء وتنفخ والبهايم رفعو ضغطي ايه احسن اضربيهم لا وتقول بالله عليك تضربيهم مرة ثانيه
اضربيهم مرة ثانيه بالله اضربيهم والولد مندس ورا امه راحت نطت من ورى ظهر امه وظربته مرة ثانيه :blink:
انا خلاص قلت باقوم اهزئها لين تقول امين :angry2: بعدين قلت اخاف تقولي وانتي وش دخلك صدق وش دخلني بس عصبت وش هالاسلوب الولد بتنهز شخصيته حتى يوم راحت الحرمه ذي الاولاد رحمتهم مررررة حايفين ماالومهم قالت الام جيبي الشرطه تقول للحرمه
الاولاد انجو زياده وبعدين قعدتت الام تتكلم مع واحد من الاولاد بلغتهم مدري وش تقول كل ماقال كلمه ترد عليه يقول كلمه وترد عليه عقلها صغير عصبتني اخر شئ الولد مااتحمل بكى ياعمري رحمته بكوته تقطع القلب وهي تظحك تقهره وااااااااي عصبت انفجرت :mad:
بعض الامهات ودك من يحرقها وهي واقفه :024:
والله قلبي مقهور يوم رجعت البيت ماقدرت انام انبني ظميري وتحسفت يالتني هزئتها وبردت كبدي:angry2: خل تقول وش دخلك خل تقول الام مالك دخل اهم شئ مااسكت
بنات وش رايكم المفروض تكلمت والا لا
ووش رايكم بحركة الحرمه موب وقحه والام بعد اسلوبها موب يرفع الضغط
لو انك بموقفي وش بتسوين ولو انك بموقف الام وش بتسوين
انتظر ردودكم
شاركي في النقاش
سجلي الدخول لإضافة تعليق.
التعليقات
51- عيب علية كان تكلمت مع امهم
- ههههههههههههههههههههههههههههههههههههه
هههههههههههههههههههههههههههههههههههههههههههه
الحريم الكبار فيهم قل صبر مرا مرا
انا لو مكانك قمت باسلوب وقلت لها ريحي نفسك هذولا صغار وامسك الصغار واجلسهم
والله حاله كيف مع عيالها الصغار هذي ههه - يااااااااااااااااقلبي والله قطعتي قلبي
الله يهديها هي مهي احسن من رسولنا الكررررررريم عليه الصلاة والسلام لما كان يصلي كان احد الاولاد يلعب لما سجد الرسول قام الطفل وصار على ظهر نبينا محمد وبقي ساجد لين ماوخر الطفل لحااااااااااااااااااله
وماتضايق من تصرف الطفل ولا ضربه ولا شى
تجي هي وشكلها تضرب البزرااااااااااان
اففففف يالقهر
لا والامهات يتفرررررجن
الله يعععععععععععععععععععععييييييييييين - والله ما الومهااااااااا ابد ابد
اولا الحريم الكبار خلقهم ضيق ويحبون يخشعون بالصلاه
بعدين الغلط على هالامهات المسجد مهوب ملعب والطفل يتربى فيه حرة ركض تطلقهم بالحديقة مهوب ازعج خلق الله والي يتحسبى علي والي يدعي علي بسبة هالصغار
وانتي يا قلبي وش مضايقك دام الام وهي ام البزر تقول اضريبهم اكيد ان هالبزران فاقعين قلبهم
وسعي صدرك بس - والله لو انا ام احد هالولدين
والله والله اكسر يدها جعلها الكسر
مواضيع مشابهة
تابعي تجارب أخرى من هذا القسم.