الجريش علموني

السلام عليكم ياسنعات ابغى طريقة الجريش احبه بس ماعرف اسويه ومن بكره بشتري المقادير حتى احسن قدر ينطبخ فيه وش افضل احركه فيه الملعقه ابغى الخبيرات في الجريش والهريس وهل هو يسمن الاطفال الله يعطيكم العافيه بالتفصيل الشرح ومع الصور ابغى اصير خبيره في عمل الجريش ونوع الجريش الممتاز:angry:

5 تعليق 2,473 مشاهدة

شاركي في النقاش

سجلي الدخول لإضافة تعليق.

التعليقات

5
  1. @maksyma

    عاشقة الطماطم
    طيب نوع الجريش الممتاز
    اسرع طريقه للجريش

    على حسب عددكم نقعيه في مويه عاديه اقل شي4 ساعات

    ثم حطي بقدر عادي بصله مقطعه صغير وشوي زيت اذا ذبل البصل

    حطي ملعقه صغيره بهارات ثم صغي الجريش واغسليه كذا غسله

    حطيه على البصل وقلبيه ثم زيديه مويه لما تغطي الجريش وملحيه ووطي عليه النار >>خليه على العين الصغيره افضل

    واذا نشفت المويه ضيفي عليه نصف علبة اللبن الحجم اللكبير

    واتركيه يطبخ حركيه بين فتره وفتره الى ان يستوي

    بعد كذا سوي حمسته في تاوه بصل مقطع صغاروشوي زيت احمسيه وحطي شوي

    بهارات وملح واذا

    تحبي قطعي فلفل رومي صغير وجزر واحمسيهم معاه وحطي عليهم دجاج مسلوق ومفتت

    حطي الجريش في صحن التقديم ورشي عليه لومي مطحون وحطي الكشنه على الوجه

    وسلامتك









  2. @bnhf_bathn_allh




    ضغطه زر على قوقل تطلع لك عشرات الطرق اختاري اللي يناسبك منها
    لكن الطريقه النجديه الاصليه ماينحط مع طبخ الجريش من البهارات الاالكمون فقط
    والكشنه تخلومن الجزر اوالفلفل الرومي
    تمنيت افيدك لكني اعمل المقاديربالبركه بدون مكيال فماابغى اوهقك خاصه انك مبتدئه فيه
    وافضل نوع جريش نوره
  3. بالنسبه للجريش الاصل
    افضل نوع النوع التركي
    وتخلطين كل كاس جريش معه نص كاس رز مصري وتغسلينه وتنقعينه
    وتحمسين بصل بزبده او زيت وفيه بعض الناس يسونه بالشحم المذوب اللي هو الودتس بس ماافضله له نكهه قويه
    واذا ذبل البصل صبي عليه مويه ولبن واضيفي الجريش المنقوع وخلي المويه زايده عليه مره وملحيه ومع ماجي واذا غلى وطي النار عليه ولا تحركينه كل شوي مايصلح وخليه على نار واطيه مره وتحته حديده
    وخليه اقل شيء 3 ساعات
    وبعد كذا حركيه بالمعصاد او الملعقه الخشب الكبيره واذا شفتي مويته كثيره شيلي منها واذا ثقيل ممكن تخففينه بحليب او لبن
    والمقدار حق السائل اخليه في القدر ضعف الجريش

    والكشنه ممكن بصل وزبده ومسمنه وممكن بصل مع صلصه وليمون اسود مطحون محموس بزبده وهذولي افضل الحمسات للجريش واي سؤال انا في الخدمه

تابعي تجارب أخرى من هذا القسم.