ملف فيدى وأستفيدى ( 2 )

ام مرام القمر دى الطريقه اللى بعمل بيها كفته اللحم المفرزنه :


كيلو لحم مفروم بشحم
بصله مبشوره وحده
4 فصوص ثوم مهروسين
نص كاس بقدونس مفروم
نص ملعه صغيره فلفل اسود
نص ملعقه صغيره كزبره ناعمه
ملح
بخلطهم كلهم مع بعض واضيف معلقه كبيره بقسماط واعجن لولقيتها محتاجه بقسماط بضيف معلقه كمان بقسماط لغايه ما الاقى القيها متماسكه وبعدين اصبعها وارصها الاول على صينيه ادخلها الفريزر ربع ساعه مثلا تمسك نفسها كده وبعدين ارصها فى علبه وعلى الفريزر


اما كفته الفراخ : نص كيلو صدور فراخ او فرخه كامله مخليه ومفرومه
بصلتين وسط مبشورين ناعم
ربع كوب بقدونس مفروم
خمس معالق كبار بقسماط
معلقه صغيره ملح
ملعقه صغيره فلفل
معلقه صغيره بهارات الفراخ

بخلط كل المقادير واصبعها وبدخلها الفريزر وبعدين اضعها فى العلبه وعلى الفريزر


بالنسبه للفراخ للتتبيل(2م ك زبادى_1م ك مستردة_1م ك صويا صوص_م ص توم مفروم_ملح_فلفل_جنزبيل_كركم_زعتر_1م صلصة_م ص سكر_عصير ليمونة)
بس اهم حاجه انك تعملى فتحاتصغيره فى الفرخه عشان التتبيله تتغلل جوه الانسجه عارفه انا بجيب السكينه وبطلع غلى فيها افضل اطعن فيها لغايه ما ارتااح بعدين بسيبها فى التتبيله يوم كامل وبعدين اطلعها من التتبيله وافرزنها فى الحاله دى ممكن تقعد بالاسبوعبن اما لو هشيلها بتتبيلتها يبقى لازم استعملها فى خلال اسبوع


وانا برضه بفرزن ثوم لكن مش بفرزن بصل لان التسبيكه بيكون فيها بصل فلو احتجته لاى سبب تانى بقطعه طازه
وبس يا جميل ولو افتكرت حاجه تانى هقولك يا باشا

معلش ياقمر هتقل عليكى ... سامحينى سؤال اخير :icon33:

كفتة الفراخ و اللحمة بتسويهم بطرقة الفويل فى صنية و لا طريقة تانية

دكتورة هبه انا بشرتى دهنية وبيطلعلى حبوب صغيرة دهنية تحت الجلد وبستعمل اوبنيمالز للبشرة الدهنية ومنظف تى ترى من اوريفلام ومريحينى جدا فى الصيف المشكلة انى فى الشتا او بين المواسم وشى بينشف وبيطلعلى حبوب حمرا اعتقد كدة البشرة جافة ومش مناسب ليها المجموعة بتاعتى فى الشتا اعمل ايه؟استعمل ايه غيرها وايه السبب فى اللى بيحصل لبشرتى
ميرسى ليكى مقدما

مروة باهنا والعافية
واللى بتقول عليه ام مرام كمان كويس انا جربته بس البارلى طعمه جميل اوى