شاركي في النقاش

سجلي الدخول لإضافة تعليق.

التعليقات

2,025

  1. @rmal_8

    oxygenatom
    ريمو حبيبتى ... الحمد لله أخدنا الأيزو ورجعت الأجنة كمان بحمد لله ...انا واخدة أجازة النهاردة بس وحرجع الشغل بكره وبعده ( خميس وجمعة يعنى ) بعد كده واخده اسبوع العيد بحمد ربنا ... ححاول افضى دماغى من توتر الشغل خميس وجمعة والحمد لله المفرو…
    اوكســــــــــــــــــى ..
    كوكو ازيك ياحبيبتى عامله ايه .. مبروك على الايزو متهيألى الفترة الجايه بقه تبقى بيات شتوى ليكى بعد المعارك اللى كانت فى المعمل عندك .. ياريت يخفوا عليكى حبتين ويريحوكى .. ويارب يارب ابارك لك ياحبيبتى بعد اسبوعين على الحمل اللهم آميييين يارب العالمين وقولى لى معاد تحليلك امتى ياقمر

  2. @rmal_8

    boba boba
    بعد الشر على جوزك ياريمو ده انتى طلعتى قوية ومفترية الراجل من حقه يخاف الصراحة وطالما يعرف رأيك كده اكيد هيتوب على ايدك ويشترى حياته انا بقى ماقولتلكيش جوزى رد على الراجل قاله ايه بصراحة ماتوقعتش رده ده خالص انا كنت مستنياه يقوله لا انا…
    يووووو يابوبا انتى متعرفينيش ده انا مفتريه جداااااااااا فى منطقة زوجى واى واحده تفكر كده تقرب بس ياويلها ياويلها هيبقى اخر يوم فى عمرها :35::35:
    انا اساسا يابنتى اصولى صعيدية ودمى حامى يعنى بنحب اجوازنا وعيالنا اوى ... سلامات يابووووووى ...و بالرغم اننا بنختلف كتير وبنناكف فى بعض على طول بس هو روحى والهوا اللى بتنفسه .. ربنا يخليه لى يارب ويبارك لى فيه .. والحمدلله انه اساسا ملتزم ومش بيختلط بنساء كتير ويدوب على قد قريباته وكلهم كبار واللى فى الشغل معاه وكلهم برده عواجيز وهو اصغر واحد فى الشغل سنا ..
    بس لفت نظرى موضوع الموضه الجديدة دى .. انتى عارفه يابوبتى الستات دول مش ناقصهم حاجه والفراغ مالى نفوخهم علشان كده بيفكروا فى تقاليع غريبه ... ياخرااااشى لو وقعت واحده من دول تحت ايدى .. :07:

  3. @rmal_8

    bondoqa
    بما انى لوحدى بقا احكيلكم على حاجه كانت خنقانى ما الواحد لازم يفضفض علشان ميطقش وابشركم هههههههه ملهاش علاقه بالحمل امبارح طلعت حماتى وبنتها يقعدوا معانا شويه والشاب اللطيف اللى عندى اللى ملوش علاقه باللطافه ابدااا كان بياخد رايها ان يبيع …
    بندقتى ...
    انتى ليكى حق تتدايقى وتزعلى انتى مش مزوداها ولا حاجه ياحبيبتى بس هو اختلاف طباع مش اكتر ..
    بصى انا احترمت حماتك جداااااااااا فى تصرفها ربنا يبارك فيها ويحفظها الست دى اتصرفت بحكمه عاليه واى واحده غيرها كانت استغلت الموقف ده وعملت عليه حدوتة يابنتى .. بس احمدى ربنا انها مش من النوع ده بالعكس هى واضح ان نيتها طيبه وانها كانت عاوزة الموقف يعدى ومتتخانقوش وفعلا واضح انها بتعتبرك بنتها
    وبصى ياحبيبتى هى بيوت العيله بتمشى للأسف بالشكل اللى حكيتيه ده بس انتى مش متعوده على الطبع ده لانه مكانش فى زيه فى بيت بابا لكن دلوقتى بما ان الوضع فى بيت زوجك كده لازم لازم تقبله لان ده اللى زوجك اتعود عليه من زمان
    ويكفى انك تفهميه انه ممكن يعمل ده ويحكى زى ما هو متعود بس بشرط يكون حريص يعنى ايه ..
    تقولى له انت متعود تحكى على كل حاجه ماشى معنديش مانع بس تحكى فى اللى يخصك لوحدك لكن اى قصص وحكايات انا فيها لازم تاخد رأيى الاول قبل ما تروح انت تحكيها يمكن تكونى مش عايزة حد يعرفها ..
    وبالطريقه دى لما تتفقوا على النقطعه دى هتقللى شويه الحكايات اللى بتطلع بره بيتك وهتبقى اقنعتيه انه حر ويتصرف براحته بس مع الحفاظ على خصوصيتك انتى فى انه ميحكيش اللى يخصك فاهمانى .. وده هيبقى الحل الوسط ما بينكم
    وتقولى له انك بترضيه كتير وان من حقك عليه يرضيكى فى حاجه زى دى مش هتفرق معاه كتير بس هتفرق معاكى انتى فى نظرتك ليه كتييييييييييير اوى .. وانه احساسك بس بعدم الخصوصيه جاى من انك متعودتيش على كده وفى نفس الوقت مش عايزة تقطعى العادة اللى اتعود عليها يبقى الحل اننا نوصل لحل يرضينا احنا الاتنين وهو ده الحل وتقنعيه بالراحه يوافق عليه علشان لما توصلوا لحل فى مشكله زى دى يبقى هتقللوا مشاكل كتير فى المستقبل ممكن تحصل بسبب احساسك ده واحساسه هو كمان انك بتحجرى عليه
    وانتى يابندقة استخدمى اساليبك الذكيه فى اقناعه ومحدش بيتعلم فجاة لا بالتدريييييج
    يعنى لما يتكرر الموضوع مرة تعلقى عليه ومرتين تلاته تفوتى وتتطنشى

  4. @rmal_8

    ام جلبيب
    السلام عليكم خواتي بنات مصر اسمحولي ادخل عليكم علي شان عندي سؤال عايزة اسال هلكو لوسمحتولي طبعا انا حابة اسال عن احسن دكتور بيعمل اطفال انابيب في مصروحابة اسال عن الدكتور فؤاد ابو هميلةفي القاهرة الدقي ادا في احد منكم بيتعالج عندو ياليت …
    اهلا وسهلا بيكى ياام جلبيب .. يارب يكرمك بالذرية الصالحه اللهم آمين يارب ... بخصوص المراكز الكويسه فى مصر البنات هنا ردوا عليكى ياحبيبتى وهتلاقى معلومات عن المراكز دى فى الصفحات الاولى من الملف واحنا تحت امرك فى اى سؤال ياقمر

  5. @rmal_8

    رمـــــال
    اهلا وسهلا بيكى ياام جلبيب .. يارب يكرمك بالذرية الصالحه اللهم آمين يارب ... بخصوص المراكز الكويسه فى مصر البنات هنا ردوا عليكى ياحبيبتى وهتلاقى معلومات عن المراكز دى فى الصفحات الاولى من الملف واحنا تحت امرك فى اى سؤال ياقمر
    يابنات انا كان ليا استفسار ياريت اللى عنده معلومة يفيدنى ضرورى .. دلوقتى فى واحد صديق زوجى متجوز من خمس سنين ومحصلش حمل عند زوجته لانه عنده مشكله دوالى ومؤخرا الدكتور قال له لازم لازم تعمل عمليه دوالى والا هتفقد قدرتك على الانجاب .. ياريت اى واحده ليها تجربه مع زوجها فى العمليه دى تفيدنى ومين افضل دكتور فى مصر يعملها وبتتكلف قد ايه .. وفى علاج بيتتاخد جمب العمليه مثلا زى فيتامينات ولا ايه الموضوع ... معلش يابنات بتقل عليكم ياحبيباتى

تابعي تجارب أخرى من هذا القسم.