معجناتي الخاااااااااصه بي

@khzam_42

قد يحتوي هذا الموضوع على محتوى غير مناسب. عرض الموضوع
صباحكم ×× مسائكم ....... فرح



اكتب موضوعي للمره الثالثه :(


الاول تهكر والثاني قالو حفظ حقوق الكتاب (( ماكأني طابخه وحايسه روحي وزود على كذا خساره فلوووس على كتب ممنوع تنشر على النت :42:



ولان موضوعي فيه اشياء كثيره من اطباقي الخاصه مهوب من الكتاب مع اني مااتقيد ابد بالكتاب بس مجرد اطلاع


فقررت اعيده مع زياده اطباق :)




بسم الله








وردات الزعتر



افرديها وقطعيها دوائر واحشيها جبن وبقدونس وسكريها واضغطي عليها براحت يدك

ثم بالسكين قطعي اطرافها ثم بالبيض وفي النص رشي زعتر او سماق






[











فطيره تارت الورده


قطعيها بقطاعه الورده وحطيها بقوالب الكب كيك الصغيره او الكبيره اذا قطاعه الورده كبيره

ثم احشيها اللي تبين جبن ,, دجاج ,, نقانق محموسه مع بصل وبهارات و جزر مبشور لذيذه










او سويها زي باقه ورد













تابع موضوعي طويل شوي

252 تعليق 45,828 مشاهدة

0 0

شاركي في النقاش

سجلي الدخول لإضافة تعليق.

التعليقات

246

  1. @khzam_42

    صاحبة الموضوع



    هذي بالنقانق بس ماكان عندي قطاعه ورد كبيره بالقطاعه احلى شكل













    قوارب الجبنه


    افردي ,, قطعي دوائي وسكري الاطراف


    وحمريها على الجوانب <<< لاتدققون مره لاني اتعيجز احمرها على الجوانب لأني اباكلها في البيت






    فطاير الوافل

    الفكره جتني لما اله الشوايه تعطلت عندي فأستخدمت اله الوافل وطلع شكلها حلو وخصوصا انها على شكل قلووووب

    افردي العجينه بشكل دائري على مقاس اله الوافل ثم افرديها عليها

    وسكريها وخليها لما تحمر << شوي ماراح تطول






    ثم قصقصيها وشقيها بالسكين من الوسط واحشيها اللي تبين








    خبز الجديلة


    حلوه مره اذا بتصلحين كودو او تحشينها جبن كأنها صامولي

    خذي 3 قطع من العجين

    وابرمي كل قطعه لحالها لما تصير طويله شوي << انتي ورغبتك اذا تبين طويله او قصيره يعني كل وحده وطول شعرها خخخخخ







    تقدرين تحشين كل حبه وتبرمينها ثم تجدلينها

    ثم خذي الثلاث قطع وابدي اجدلي مع تثبيت الاطراف

    وزينيها بربطه ووديها المدرسه هع هع






    ادهنيها بالبيض ثم السمسم

    اذا طلعتيها حليها تبرد شوي ثم احشيها اللي تبين














    تابع

  3. @khzam_42

    صاحبة الموضوع
    ~ خـــزامـــى ~
    هذي بالنقانق بس ماكان عندي قطاعه ورد كبيره بالقطاعه احلى شكل قوارب الجبنه افردي ,, قطعي دوائي وسكري الاطراف وحمريها على الجوانب <<< لاتدققون مره لاني اتعيجز احمرها على الجوانب لأني اباكلها في البيت فطاير ال…
    اهرامات السمبوسه


    عجينه سويتز وعجين للتلصيق وحشوه دجاج اخلطي معها جبن سايل ومايونيز ملعقتين كل واحد خلو الحشوة رطبه الذ

    قصي السويتز بالنص ولفيها زي القمع <<<< انتبهي لتاريخ العجين اشتريها وهي طريه يعني لها كم يوم من تاريخ انتاجها مو مثل حظي مابقى الا اسبوع وتخلص علشان كذا ماضبطت معي بالتمام












    امليها زين ثم تسكرينها بالطرف العلوي وتلصقينها وخليها زي القاعده توقف بالنسبه لي علشان رقايق السمبوسه تقطع ماضبطت القاعده

    لا اوصيكم اضبطوها ووروني شغلكم

    ثم بيض وبقسماط وخليها في الفريز تبرد شوي علشان لا تشرب الزيت






    المفروض كلها تكون واقفه زي كذا










    ساندويش بنينوس



    اسم الساندوتش على مطعم يصلحها


    الطريقه واضحه


    اعجني عجينتك العاديه وافرديها بس مهوب مره


    وقطعيها مستطيلات
    وادهنيها بالبيض وذري السمسم








    واحشيها اللي تبين


    دجاج


    جبن


    تونه


    او كأنها بيتزا صلصه طماط وزيتون











    ومرريها على اله التحميص طلع احلى ومقرررررمشه









    تابع

  4. @khzam_42

    صاحبة الموضوع
    ~ خـــزامـــى ~
    اهرامات السمبوسه عجينه سويتز وعجين للتلصيق وحشوه دجاج اخلطي معها جبن سايل ومايونيز ملعقتين كل واحد خلو الحشوة رطبه الذ قصي السويتز بالنص ولفيها زي القمع <<<< انتبهي لتاريخ العجين اشتريها وهي طريه يعني لها كم يوم من تاريخ انتاجها مو…
    بف مقــــرمـــش





    المقادير



    3 كاسات دقيق



    3 بيضات



    كاس ونص مويه او اقل انتبهي <<<< انا اقيس احط لين تتماسك شوي



    ربع كاس زيت



    شوي ملح


    اعجنيها زين لاحظي راح تكون قاااااسيه مررررررررره وهذا السر



    اذا كانت لينه خربت



    وبعدين قطعيها








    هذي اله الفرد ضروريه علشان احسن :42:



    دخليها على كذا رقم وكل مره صغري الفتحه











    ثم قطعيها







    ثم افردي كل وحده بس لاتصير رهيفه مرره علشان ماتيبن الحشوه





    هذا القالب يخلي الفطاير كأنها شكل المصلحه براا :42:







    حطي الحشوه اللي تبين انا حطيت حشوه دجاج وحشوه ثانيه جبن كرفت مع جبن ابيض وشوي موزريلا وشوي بابريكا




    واقليها في زيت غزير


  5. @khzam_42

    صاحبة الموضوع
    ~ خـــزامـــى ~
    بف مقــــرمـــش المقادير 3 كاسات دقيق 3 بيضات كاس ونص مويه او اقل انتبهي <<<< انا اقيس احط لين تتماسك شوي ربع كاس زيت شوي ملح اعجنيها زين لاحظي راح تكون قاااااسيه مررررررررره وهذا السر اذا…
    فطيره ~ خـــزامـــى ~


    لذيذه تاخذ العقل

    وكل من ذاقها سألني عن مكوناتها وسهله كثييير وتنفع لرمضان



    نجي للمقادير اعجني عجينتك اللي معتمدتها ثم افرديها في صينيه تيفال الكبيره <<< تكفي كاس واحد دقيق


    ثم جيبي 2 م ك مايونيز

    2 م ك كتشب

    اخلطيها ثم وزعيها على العجين ثم رشي اوريقانو مهم كثير

    ثم جيبي مرتدلا وقطعيها مربعات كبيره شوي ووزعيها ثم

    صدور دجاج قطعيها صغااار واحمسيها في الزيت مع ثوم مهروس وملح وفلفل اسود وصويا

    وصفيها فوق المرتدلا

    ثم فلفل احمر مقطعه مكعبات ثم الجبن المبشور الذ جبن معها اللي لونه اورنج تلاقونه في الدانوب <<<< مدري اذا في هايبر

    مره حطيت جبن اصفر برايد ماطلعت لذيذه زي الاورنج

    واخر شي بصل اخضر مقطع صغار ورشي ملح وفلفل اسود وعلى الفرن 10 الى ربع ساعه

    تراها سهله بس القرقره كثيره

    حضري مكوناتها فيما تتخمر العجين



    اقرب للتعذيب














    بيتزاء بيروني تنافس المطاعم




    المقادير


    2 كاس و نصف دقيق
    3 م ص خميرة
    ثلاث أرباع كاس ماء
    ملعقة صغيرة سكر
    2 بياض بيضة بدرجة حرارة الغرفة
    ملعقة صغيرة خل
    3 م ك زيت زيتون
    شوي ملح


    أضفت مع الدقيق قليل من الاوريجانو و الريحان المجفف و الثوم البودرة للطعم . الطريقة :
    في زبديه نخلط الدقيق مع الملح وخليه على جنب
    نخلط الخميرة مع السكر في كاس الماء و نتركه لمدة من 6-10 دقائق حتى يتفاعل.
    نخلط باقي المقادير مع الدقيق ونعجن زين لمدة 3 دقائق
    سكريها وخليها تتخمر لمده 40 دقيقه


    بعدين افرديها واحشي الاطراف جبن وادهني سطح العجين ب 2 م ص زيت زيتون وخليها خمس دقايق ثم حطي صلصه طماط والجبن المبشور >>> انا حاطه قشوان اتوقع اسمه كذا

    ثم البيروني وفي الفرن لما تتحمر خفيف










    تابع

تابعي تجارب أخرى من هذا القسم.