×÷·.·´¯`·)» ( خسرت ( هذا وهذا ) لاني بدينة ! !!!! ) «(·´¯`·.·÷×

:angry: :icon33: :angry: :icon33: :angry: :icon33:
تصورو ايش صار معي الحين
اجا رجل عند الوالد و دخلته عنده و لما خرج قل لي بابا انه الرجل افتكر اني المداام :icon33: :icon33: :icon33: :icon33: و الله لو اطول لاقطع اللحم الزائد بسكيين

ما شاء الله عليكم يا بنات يعطيكم العااااااااااااااااااااااااااااااافية :)

قرأت الموضوع والردود كلها وطلعت مني الدموع غصبا عني
انا من صغري سمينة ما اعرف ايش هو الضعف
ودأئما اسأل البنات الرشيقات كيف شعورهم
وللأسف ماكنت افكر اعمل رجيم لأن اهلي كانوا يقولوا لي هذه وراثة
وكنت اظن انه مافي أمل اختي اللي اكبر مني رشيقة ماشاء الله وفي المدرسة
كانوا البنات يستهزءوا بي واتذكر مرة كنت في باص المدرسة وكان زحمة
ووحدة بنت قالت بصوت عالي كيف انتي اختها وهي كذا رشيقة وانتي سمينة
والبنات اللي في الباص ضحكوا علي بصوت عالي
وفي مرة باص المدرسة تعطل واضطروا البنات يركبوا تاكسي وانا ركبت مع مجموعة بنات
لكن سائق التاكسي قال لا لا هذه لازم تخرج من التاكسي بتكسر سيارتي
انا خسرت اشياء كثيرة كان العيد عندي مأساة ما الاقي البس حاجة حلوة
خسرت الشعور بالأنوثة والرقة والدلع
اتأمل البنات الرشيقات ماشاء الله عليهم وهم يتكلموا بدلع ويخلوا نفسهم رقيقات وانهم مايقدروا حتى يحملوا حتى كيلو سكر والكل يرحمهم ونحن السمينات لنا الله
بدون رحمة لازم نحمل عشرين كيلوا رز واذا قلنا مانقدر يقولوا طيب ايش هذا اللحم كله ؟
اقول ايش ولا ايش كفاية اني اذا اشوف واحدة جديدة تريد تتعرف علي وعلى اخواتي
استحي وأهرب لأني اعرف انها بتقول هذه أمكم ؟ رغم اني اخر العنقود في العائلة
ياااارب نضعف كلنا ونخلي اللي يستهزء بنا يحط راسه في التراب
صدقوني يابنات في ناس استفادوا من سمنتنا ونحن ما استفدنا لانهم اذا شافوا كيف الناس يضحكوا علينا يخافوا ويحافظوا على رشاقتهم ويتمنوا اننا نستمر سمينات لأننا الدافع لرشاقتهم ولما يشوفوا فشلنا يحسوا انهم ناجحات
اختي yveresse لا تهتمي اختي الحبيبة بكلام الضيوف ولازم تعرفي انه بيجي يوم وبتتضعفي وتصيري رشيقة يضرب بها الأمثال
ان شاء الله وبيجي نفس الرجال وبيقول هذه بنتك الصغرى ؟
اتمنى لكن التوفيق استمروا وانا من الان بحاول التزم برجيم مناسب ان شاء الله
يوم لك ويوم عليك

والله كلامج صح يا أفراح... غلطـــة حياتنا في
الدنيا، مشينا ورا الأكــــل ونسينا إن الدنيا مش
أكل بس........ ويااارب كل انسانه متينه توصل
للوزن اللي تباه........ كفايه والله هالعــــــذاب
واعذريني ياجزيرتنا على الرد...

السلام عليكم

ياهلا والله اختي جزيرة الكنز من جد موضوع مرررررررره حلو ويمكن يعطينا شعور من الراحه نتيجة التفريغ اللي راح نسويه هنا بس بالمقابل اكيد بتكون فيه لحظات انتصار ووقوف في وجه هالعالم لأن حنا مانقبل نكون ضعاف قدامهم بس كل شئ يصير بإرادة رب العالمين هو القادر على تغير كل شئ من حال الى حال والآن بذكر لكم لحظات الهم والتعاسه اللي عشتها أيام السمنه ولحظات الفرح اللي جالسه اعيشها مشاء الله تبارك الله بفضل اول بديات الرشاقه واللي أتمنى انها تتواصل ان أصل للوزن اللي اتمناه وسبحانه قادر على كل شئ اذا أراد لشئ ان يكون فإنما يقول له كن فيكون ولكن مع بذل السباب عشان يكون هناك نتيجه ان شاء الله ...


مواقفي ايام السمنه ...


= لما كنت أروح مع زوجات اخواني لأي محل عطور مثلا كان صاحب المحل يقول لزوجة اخوي عطي أمك تشم العطر تخيلو يابنات اناااااااا صرت أمها وهي اكبر مني اخوي متزوجها ونا بالصف الخامس إابتدائي صرت بالاخير انا امهااااااااا وآآآآآآخ ياقلبي بس ..

= مره كنت رايحه مع زوجة اخوي الثانيه لمحل ملابس فلما سألته وقلت له لوسمحت عندك أكس لارج قالي لا ياخاله اللي عندنا فري سايز او سمول وميديم ... سمعتو وش قااااااااال ياخاله انا صرت خاله وفوق ذا شفتو كسرت النفس كل المقاسات للنحاف ...

= المواقف الجامده الآن ايام السمنه ...

= لما كنت اروح لبيت خالتي ويجي حريم عندها لما يكونون جدد اول مره اشوفهم ويشوفوني اذا جاو يسلمون علي يقولولي وش لون العيال تصورو يظنون اني متزوجه وعندي عيال آآآآآآآآآآخ يالقهر بس صحيح ان السمنه تكبر وعلى فكره ترى هالموقف كثير تكرر معاي في كذا بيت انهم يقولولي كيف العيال ..

= لما كنت اروح مع زوجات اخواني لمناسبات تخيلو يابنات والله العظيم انهم مرات حتى السلام مايسلمون علي يسلمون على زوجة اخوي ونا مايسلمون علي حتى مره سألت زوجة اخوي قلت لها هاللي سلمت عليك تعرفينها قالت لاوالله حتى انا استغربت لما شفتها سلمت علي يعني بالعربي الناس ماتركض الا ورى الشكل بالدرجه الأولى والجسم الرشيق انا ما أنكر ان هذا من قلة اخلاقهم وقلة ادبهم وتربيتهم اللي يسوون مع الناس كذا بس هذا الواقع اللي نعيشه للأسف ..

= بنات عمي في أي مناسبه يتجاهلوني حتى في السلام اما يصدون عني او اذا جاو يسلمون علي يسلمون من بعيد يقولون الطاولات زحمه مانقدر نمر مع انهم مارين مسلمين على زوجة اخوي ونا مو معتبريني شئ حتى مره بنت ونا امد نفسي اسلم عليها سلمت بطرف اصابعها ثم ونا اسلم عليها احبها بخدها تعرفون انتو سلامنا طبعا اجلست تنادي ولدها ومشت ونا يادوب خدي لامس خدها ومشت يعني من جد قمة الحقاره...

بس الشكوى لله فيهم ولكل وحده همها بالدنيا انها تعامل الناس على حسب اشكالهم شوفو انا الآن صار عندي الشكل هاجس كبير بسببهم اني ابي احسن من شكلي واطلع احلى وحده لأنهم ازرعو بداخلي اني بشعه موبس الناس حتى أخواني كانو اذا لبست الشي ولا سويت بشكلي شي صارو يطنزون ويعلقون ويقولون شوف وش لابسه مع انه والله لبس مافيه شي بس عشان يضحكون حريمهم ولا شوف وش مسويه بشعرها ونا ما اكون مسويه فيه شي مثلا رافعته خيالي وحاطه خصلتين على وجهي بس للأسف انا اخواني ماعمرهم كانو ارجال طول عمرهم ينقصون من قدرنا قدام حريمهم ويتمسخرون علينا قدامهم ومعتبرين حريمهم احلى منا وانه احنا بشعين ...

= وكثير مواقف صادفتني طبعا بس هذا اللي يحضرني الآن

= اما المواقف ايام مالحمدلله ربالعالمين دخلت في الرشاقه ...

= اول شئ صارلي اني انقطعت عن عائلتي وصديقاتي حدود سنه ونصف وكان السبب طبعا هو رغبتي بالوصول للرشاقه ولجسم حلو وبفضل من الله علي قدرت اوصل للي أتمناه ونزل وزني بطريقه بان فيها علي اني نحفت وبالسنه هذي لماجا عندنا ضيوف بالعيد كلهم انبهرو وقالو مانصدق انه انتي وش سويتي احلويتي مررررررره وراح نصك اصلا مشاء الله ونا أسكتو من داخلي طايره من الفرح لأني دعيت ربالعالمين وقلت ياااااارب انك تخلي حتى اللي ماينطق منهم ولايحب يمدح انه ينطق غصب عنه ويتكلم وسبحانه حقق لي أمنيتي وشفت بنظراتهم العجب من اللي صار معي ...

حتى صارو يتصلون علي ويقولون لي وش الرجيم اللي استخدمتيه علمينا واللي تقولي انا لماشفتك بالشارع ماعرفتك بصراحه تصدقون يابنات انا مرات بنات اخواني مشاء الله تبارك الله مايعرفون ونا ماشيه بالشارع هههههههههههههه يعني من جد شئ يدخل البهجه والفرح على القلب الله يديم علي سعادته يارب العالمين ... آمين

= الموقف الثاني لمارحت في زيارع لصديقاتي كنا مجتمعين عند وحده من أصحابنا فلما شافوني قالو لااااااااااا مانصدق انك أنتي حتى لما جلست قالو من جد هي ولا وحده ثانيه لاااااااا اكيد هذي وحده غيرها حتى يقولونلي تصدقين من كثر ما أنتي متغيره حاسين انك غريبه علينا موجالسين نتكلم معاك كثير مايزال شكلك جديد علينا احلوتي ونحفتي مشاء الله تغيرتي 180 درجه ..

= لما جا جماعه عند زوجة اخوي من اهلها كنت انا عندها فقالت وحده مين انتي قلت لها ماعرفتيني قالت لا قلت انا فلانه قالت ايش لاااااااااا ما أصدق نحفتي واحلويتي صرتي قمر مشاء الله قلت لها الحمدلله رب العالمين ...

= اما لما جاااااااااااااوعائلتي عندنا وشافوني قالو الله وش حلوك طلعتي وش سويتي بنفسك لالالالالالالالالالا لو ماكنا نعرفك قبل ولاكنا قلنا وحده ثانيه ونا والله جالسه وابتسم واقولهم الحمدلله سبحان الله العظيم ربي حققلي أمنيتي بكسر عينهم واني اعلمهم انه كل شئ بقدرة رب العالمين ممكن يصير ..


بس للأسف كثير من اللي أسألوني انتي وش سويتي لما اقولهم او شئ أتكلت على رب العالمين وبفضله سبحانه اولا نحفت فايردون علي ايه طبعا بس حنا نبي كيف نحفتي يعني تخيلو موعاجبهم الرد مو مقتنعين ان كل شئ بإرادة رب العالمين يعني لو انتي ربي مو رايدلك تنحفين والله لو تجلسين العمر كله ماتاكلين ماراح تنحفين سبحان الله في أمرهم ثم بعدها اقولهم اما الشئ الثاني تخفيف من الأكل + مشي تخيلو يكشرون بوجهي ويقول لاااااااااا حنا نقصد وش سويتي عشان تصيرين كذا يعني يضنون اني اكذب عليهم والله اني اتضايق من داخلي بس وش اقول غير رب العالمين اقدر انه يقهرهم اكثر باللي انا اتمناه منه انه يوصلني له وهو القادر على كل شئ ...

بعدين تخيلو بعد مالحمدلله نحفت جا اخوي من فتره طويله ماجانا فالما شافني قالي والله تغيرتي ضعفتي وشكلك تغير قلت له الحمدلله بنفس اليوم تخيلو اتصل بس عشان ايش ؟

قالي اقول وش الرجيم اللي سويتيه فاقلت له بالأخير قبل مايقفل قالي بس تعرفين صحيح انك نحفتي وكل شي فيك تغير بس احس وجهك صار فيه تجاعيد ؟؟؟‍‍‍‍

انا وجهي صار فيه تجاعيد لما رحت لخوي وقلت له تصدق اخوك يقول اني انا صار بوجهي تجاعيد قالي لاوالله تركيه بس هو مايعرف يتكلم الا بالعكس وجهك صغر وصار احلى بكثير من أول بعد ونا والله العظيم يابنات لافي وجهي تجاعيد ولاشئ فوق كذا انا من يوم كنت سمينه وجهي طفولي كل اللي يحبوني ولاينافقوني ابدااااااااً يقولولي ان وجهي طفولي ولما نحفت وش صار مأقولكم من المدح اللي يمدحونه لي والله العظيم انه حتى اللي يعرفوني من بعيد صارو لاجتمعنا بمكان قالولي والله بناتنا بس شافوك قالو هالبنت تغيرت مره صارت مره حلوه يعني شفتو لاقلت لكم ان حتى اخواني يبغون يغرسون في نفسي اني بشعه ...


وانتو تظنون ان هالفكره ماهي موجوده ببالي الى الان بالعكس والله دائما أحس بخوف بداخلي من اي شئ اسويه بشكلي من مكياج اوشعر او لبس واقول مدري حلو ولا لأ مع اني شايفته حلو بس اقول هل بيعجب الناس لأن صار عندي دوم شك بنفسي اني موحلوه وان اي شئ أسويه او البسه بيطلع بشع علي ... الله يكون بالعون بس وش اسوي هذا الدنيا وبلاويها كثيره وياماناس تجرح وماتحس حتى من أقرب الناس لي .. الله المستعان ..

وعذروني على الإطاله بس كنت محتاجه أتكلم عشان ارتاح شوي من الهم اللي بقلبي كل ماتذكرت كل هالمواقف احس بشئ يضيق صدري ولما اتذكر نظرة الناس لي الآن احس ببهجه وفرح واقول يارب تديم علي نعمتك وتزيدني أكثر وأكثر وماتغير علي هالنعمه بيوم من الأيام وتوصلني لمناي بكل شئ تمنينه سبحانه قادر على كل شئ ..