شاركي في النقاش

سجلي الدخول لإضافة تعليق.

التعليقات

887
  1. المشاركة المقتبسة غير متاحة.

    السلام عليكم و رحمة الله وبركاته ..

    أختي mnory ..

    إيمان على وقت زواجي إن شاء الله محجوزة :( ..

    و أنا أبغا وحدة زي إيمان منعنشة و مفرفشة ..
    لأنه إيمان أنا حضرت لها و شوفت كيف ليلتها ..

    زهري الغامدي هادي سمعت بيها ..
    بس عمري ما حضرت لها ولا أدري عنها ..
    كيف ليلتها ؟؟ و كيف صوتها ؟؟
    و بكم تجي ( أهم شي السعر ) ؟؟
    و إذا عندك رقمها يا ريت تعطيني هو :) ..

    و فاطمة هتاري كمان ؟؟

    وفي المصورات أنا و أهلي من زمان نتعامل مع ضاوية ..
    في التصوير الفوتوغرافي فقط ..
    بس أنا دحين أبغا فيديو لحاله ..
    و الفيديو عند ضاوية بـ 3000 !!
    مرة غالي :( !!
    بس أنا للآن ماني لاقية مصورة فيديو محترفة ..
    و بسعر معقول .. كلهم يقولولي 3000 - 6000 !!
    و حاطة فيديو ضاوية آخر الإحتمالات :( ..
    لو ما لقيت غيرها بأرخص ..
    الله المستعان حأضطر أجيبها و أدفع لها :( !!


    تحياتي ..
    جــــــــداويـــــــــــــة
  2. @sltanh_gdh

    السلام عليكم
    كيفكم صبايا :)
    وحشتوووووووووووووووووووووووووووووووووني :27:

    اخت ابتسامه بالنسبه لسمر انا سويت عندها مكياج واول ماوصلت البيت خففته لاني قلتلها ابى مكياج خفيف واول ماخلصت طليت في المرايا قلت بسم الله :30:
    ماعجبني ابدا وانا من النوع خجوله بس على طول قلتلها ممكن تخففيه قالت ليه حلوو مره وقعدت مدري ايش تسوي بالفرشا وقالت خلاص انا قمت وسكت ماقلتلها شي بس من داخلي ندمانه لاني اصلا كنت ابى عند ندى مكياجها احلى منها بس كان عندها زحمه وانا ماحجزت
    وبالنسبه لمجدولين اللي قالت عنها جداويه خرجت من عندهم وصار عندها صالون لوحدها لو تبى الرقم قوليلي
    وسمر لو ماتقدري تبطلي من عندها حاولي انك تدخلي بكل شي وخليها تسويلك اللي انتي تبغيه وفهميها كيف وانشاءالله تطلعي قمر وعلى فكره هي مو لبنانيه اعتقد اردنيه
  3. @slaf2120

    رجعت :)

    ماابغى صور ماشيء حالها يابنت ابغى شيء حلو..
    عاد مافي اتشرط عليها انا ارتحت مرة مع سالي جابت لي كل شيء
    والمصورة كانت مرة حبوبة وطيبة
    بس حابة اغير
    أهم شيء الصور والمكياج يكونوا شي روعة لانها هيا اللي بتبقى
    شوفي هذا رقم بسمة طلعته من جوى الدنيا كلها
    6802286
    محلها شارع باخشب قدام مستشفى المستقبل

    عرس اكسبرس قلها ب300دولار يعني 1500ريال ترى مافاتتني

    إذا على اللي مع المطربات فهم اشكال انواع خليها على الله
    علشان كذا قلت لك مصر مابتعجبك

    ترى سمر روز الدخلة يعني الضيوف هما اللي يمشوا في الدرج ماهي العروسة
    انت شوفيها وبتفهمي عليا
    ههههههههههههههههه ياشيخة العروسة درجتين تكفيها تبغيني امشي سور الصين

    اتصلت على قاعة رماس وقلي 4500 في الاجازة وسط الاسبوع
    و5500 في الخميس والاربعاء
    بس يقول عندهم بلكونة وليزر والبخار واشياء كثير
    واليوم فيها فرح قلي انها تشيل 200حرمة و100رجال فقط صراحة عجبتني
    وان شاء الله تطلع حلوة
    حفظت اسمها عندي وان شاءالله بشوفها
    ياليتك سلطانة تنزلي صورها من الجريدة او تقولي لي في اي جريدة جاء الاعلان؟

    اذاكان ملكتك في ليلتي او الهيلتون عن جدك تبغي 20000 في الفرح تعتبر قليل بالنسبة للملكة:)

    انا قلت لك ابغى 200 حرمة ويالله يجوا اعرف جماعتنا اللي يقلك بعيد
    واللي يقلك ماادري ايه علشان كذا ابغى قاعة صغيرة علشان تبان مليانة
    لان في الملكة القاعة كانت فااااااااااااااااااااضية بالمرة

    الدار البيضاء كلمته ايام الملكة قلي ممكن يفتح لي قاعة الفيروز ب7000 بس ماعجبتني حسيتها صغيرة ومافيها شي حلو

    لا بالعكس مااحس فستان العروسة حلو لما يكون كم ومبطن كمان ياسلام
    احس الكت حلو ولو كان كله تل وشغل مطرز بيطلع روعة
    مشكلتي مااحب الاكل ايش اسوي ابغى امتن من غير مااكل
    اتعب من الاكل شفتي بالله زي كذا

    شوفي العفش لو كان الاستشوار لسى في كرتونه خذيه لو لا وسوي زي ماقالت دموع الشوق وابتسامة
    زي كذا اي شي تتفشلي توديه مع العفش جمعيه في شنطة وخذيه بعدين
    ترى الصنادل في ستي ماكس مرة حلوة عندهم اشكال تجنن والله
    بالنسبة ليا ماراح اشتري استشوار لان عندي واحد ولا استخدمته مااعرف له اصلا
    لكن باخذ مكر كبير وصغير وجل وموس ومثبت للشعر كلهم باخذهم من نزيه
    واشتريت جهاز حق بخار الوجه برضوا من نزيه


    اما تاخذي 60 قميص نوم ليه؟؟؟ ايش هو هذا؟
    اول مرة اسمع انا اخذت 3 من الهرم و1 من نعومي بس كلهم قصيرين
    وابغى اخذ 5 ثانيين وحق ليلة الرعب على قولك:) ويصير اكمل 10 وخلصنا
    طبعا هذا غير الملابس القطنية اشتريت كثير بالمرة وحاولت اغير طريقة ملابسي
    فاشتريت شورتات ونصف الساق واخذت كت لاني ماالبس زي كذا عادتن فحبيت اغير
    واخذت قمصان قطنية قصيرة باقي لي روب كذا علشان لما احد يجي على غفلة
    البسه
    واخذت شباشب للبيت من دبنهامز كانو ب50 واخذتهم ب25 مع التخفيض
    وناوية اشتري صندل اللي يكون كعبه زجاج وسادة من قدام واجيب فرو والبسه
    علشان يكون حلو مع قميص اول يوم
    وراح احطه في كيس اورجانز زي االصرة يكون شكله
    لو تحبي الاعمال اليدوية سويه واقلك كيف نضبطه


    افكر حق اول ليلة اخذه من واحة الجلابية مرة شفت عندهم على 300 صراحة حلوة وبيضاء وكلها تل وماافكر اخذ اغلى من هذا السعر على ايه؟
    وتقدري تضيفي عليها كرستالات وانت تعدليها وتخليها زي الغالي واحلى كمان
    صراحة شفت حق نعومي ابو 1000 كله تل وماعجبني كثير ماادري ليه
    خذي من واحة الجلابية الشلح النصف الداخلية مرة حلوة وتعيش


    ماانصحك تاخذي عطورمن الكورنيش ترى والله ريحتها تقلب
    خذي من وجوه او ماجستيك ارخص من وجوه
    وبالنسبة ليا ماعجبني من وجوه غير ديور اديكت وماابغاه عند اخويا زيه
    بس لسى افكر اخذ من وجوه عطر فكتوريا سيكرت
    اخذت من اجمل واخذت من العربية للعود وباخذ من سيد جنيد
    احس العطور الشرقية احلى للعروسة
    وانا احب كثير العطور الشرقية الخفيفة ماهي الثقيلة
    بس الاكسسوارات في البلد حسب ماسمعت انها حلوة

    وانصحك مكياج كريولان لو تحبي المكياج يكون ثقيل زي حق السهرات
    واساسهم روعة

    اللحاف روحي لستي بلازا عندهم تخفيضات ولحفاتهم هندية رووووووووعة اخذت واحد بالستارة ب600 بعد التخفيض
    وعندهم اكسسوارات حلقان وسلاسل والله شي
    مرة حلوة صراحة عجبتني كثير شوفيها
    واسعارها الحين كثير حلوة مع التخفيضات اللي صايرة الحين

    تصدقي عاد من يوم ملكت ماعاد رحت السوق كله مستنية التخفيضات هذي
    ابغى اخلص الحين من الملابس والشراشف حق السرير علشان ابدا اهتم بنفسي
    وباكلي علشان اسمن شوي
    والله امي اليوم تقولي لو قعدتي زي كذا ماراح اعمل لك غمرة:(

    فكرت اخذ كمان مع العفش كم صحن كذا حلو شفت في هوم بلازا طبقين وكوبين مرة رايقة ورمانسية عجبتني قلت بشتريها ان شاء الله
    تنفع نشرب فيها قهوة:)
    كمان فكرت اخذ طقم صحون يكون حلو لاني خايفة بعدين مايرضى يسمع كلامي:)

    اذا على المهر خليها على الله لو بشتري الاشياء هذي من مهري كان من زماااااان خلص
    بس هذي كلها من فلوسي المهر خليته للذهب وبمان الذهب غالي فكرت ادخل به في صندوق الرائد او الامانة ايش رايك؟

    يبقى لك شموع وبخور ماشفتك جبتي سيرة البخور :)
    انا اول شيء خلصت البخور اخذت من عبد الصمد القرشي واخذت من العربية للعود ومن السرتي لما كان الحارثي حق الصناعات الوطنية فاتح
    وبعدين اخذت من المنتدى هننا من بنات من دبي
    وماشاء الله صار عندي 15 علبة بخور حطمت الرقم القياسي
    ولاتنسي مع البخور تاخذي البخاخ اللي يرشوا على الاثاث
    وخذي كمان لبان في كيس بخمس ريال من عند العطار
    ترى يخلي ريحة البخور تمسك كمان
    كمان فحم سريع الاشتعال خذي من بندا السوبرماركت عليه عرض

    واخذت طقم للتسريحة روعة بالمرة اخذته من مركز يابلاش
    لو تبغي طقم فخم شوفي ستي بلازا طقمهم يجنننننننننننننننننننننننننننن

    كمان خذي ستار هذا اللي يلمع حق الجسم يطلع حلو لما تلبسي بنطلون واطي خصره وتحطي منه على ظهرك او في كتفك
    يقولو تعجب الرجال ماادري عاد

    وخذي العليقات المبطنة علشان اللانجري اخذتها من مهجة رخيصة الوحدة بريال لقيتها برى ب35 تخيلي

    فساتين السهرة فكرت اشتري واحد جاهز واخيط لي ثلاثة او اربعة
    لاني يمكن اتعزم ولازم اكون بفساتين سهرة مايصلح بتايورات
    والقديم حقي رووحه طلعت علشان كذا ابغى جديد اعتقد 4 كفاية مع فستان للصباحية


    وانصحك روحي ابو عشرين ريال المحلات هذي تلقي فيها ملابس حلوة بالمرة
    خذي منها ولاتقولي عشرين رخيص والله تلقي مرة حلو

    ولا تنسي الشموع مهم تعطي جو روعة
    وكمان ورود ماهي المجففة لانها تعدم الدنيا
    في ورود في ستي بلازا >>>>>>>> راح اجننك بستي بلازا

    شرشف السرير اللي اخذته مافيه تطريز ففكرت اشتري ترتر واطرز بعض المخدات
    راح اخلي شغالت اختي تطرزه ليا

    لاتنسي طقم مناشف بارواب لقيت واحد روعة في الصيرفي في الدانوب ومرة حلو

    كمان خذي جلابية للصباحية زي اللي لبستها عالية في دنيا القوي يوم تزوجت
    وخذي له طقم اكسسوار فخم

    في فكرة حلوة قلت بسويها اللي هو طقم ساعات رجالي ونسائي زي بعض
    ايش رايك؟ تطقمي انت واياه

    لاتنسي طبعا المناكير ومزيل مناكير ومزيل مكياج
    وخذي مقشر للوجه والجسم وكريمات مرطبة وشامبو وفرشاة اسنان وامشاط
    وقصاصة اظافير وخيوط وابر ومقص وشراريب
    لو تذكرت شي ارجع اقلك

    انت عندك دفتر
    عاد كتبتها في ورقة بس الحمد الله صايرة اشطب كل مرة
    ترى كل يوم اكتب واشطب ويالله على هذا الحال
    اللي قاهرني العريس مايسوي شي

    اشوف انك ماعندك مشكلة تاخذي غالي وتاخذي رخيص يعني ماشاء الله حلو كذا



    حراااااااااااااااااااااااام عليهم قهروني والله
    ايش يعني مطلقين ماهذا شرع الله حسبي الله ونعم الوكيل
    انا فكرت انهم تكلموا علشان انك تعرفيه والله انهم ناس مريضين صراحة
    والله ياخذهم يارب

    شوفي ماابغاك تفتكري الموضوع هذا خلاص انسيه
    نحن نبغى نفرح خلينا نفكر ايش نسوي وايش نعمل وكيف نخلي فرحنا احلى فرح
    وخلي ابتسامتك على وجهك لا تشيليها ابدا


    عروس المدينة الصيرفي في شارع التحلية بالضبط قدام ايكيا

    ابتسامة اعطيني رقم المصور اللي تقولي عليها وايش اسمها؟
    نصيحة لك لاتروحي مادام ماعجبك شغلها من البداية ودوري صالون ثاني
    او روحي كارمن شفت لهم عروسة تجننن
  4. جـــداويـــــــــة
    السلام عليكم و رحمة الله وبركاته .. أختي mnory .. إيمان على وقت زواجي إن شاء الله محجوزة :( .. و أنا أبغا وحدة زي إيمان منعنشة و مفرفشة .. لأنه إيمان أنا حضرت لها و شوفت كيف ليلتها .. زهري الغامدي هادي سمعت بيها .. بس عمري ما حضرت لها …
    السلام عليكم و رحمة الله و بركاته ..

    سلطانه جده ..
    فينك يا بنت ؟؟
    إنتي كمان وحشتينا :) ..
    >>>> قال يعني الموضوع حقها :23: ..

    فينك ؟؟
    شوفي معايا العفش حقي ..
    و إذا فيه شي ناقص قوليلي :) ..


    تحياتي ..
    جــــــــداويــــــــــــة

تابعي تجارب أخرى من هذا القسم.