قصة حقيقية ...محزنة للآخر :(

صاحبة الموضوع 20 نوفمبر 2010

توالت الأيام .. والأم بدت تستعيد شي من نشاطها وصحتها ورجعت تتعافى والأب مازاد إلا كبر وغطرسة بدا يزيد العيار ويتهمها بالمرض وإنها خرفت وإنها ماعاد تعرف تنظف نفسها مع إنها كانت والله شاهد أكثر من نظيفه ومرتبه ولازالت متماسكة وتحاول ترضيه بنظافتها ونظافة بيتها لكنه ماصدق ............ بدا يهددها بالزواج عليها وهي تقول تزوج خلاص ماعاد فيني أتحملك أكثر ... شاف إن رغبته بالزواج ماهزتها ولا قهرتها بالعكس يمكن تريحها فشال الفكرة من راسه بس ظل بين فترة وفترة يكرر عليها أنا مالي حظ أنا من تزوجتك وأنا مو مبسوط حالي حال الرجال أنا تعبت منك أنا أبلحق تالي عمري أتزوج أنبسط ,,, يقول هالكلام بعد ماطاحت مريضة وزادت حاجتها لكلمة حانيه منه لكنها كانت بعالم آخر المرة تعبانة ولا هي بحاله وحال سخافاته ومشاهده الممله فقالت تزوج , قال لا أستحي من أخوك وأخواني وش راح يقولون عني بعدما انمرضت تزوج !!<<<< هذا ألي همه كلام الناس
قالت الناس مالهم خص أنا سمحت لك ... قال لا لما تموتين أتزوج <<< ماتلحق ماتمنى يارب قولوا آمين
من تفكيره المريض والخبيث بدا يكيل لها بالمكاييل المشاكل ولبنتها المسكينة انعدم فيه الحياءوالخوف من الله سبحانه حياته كلها سهر عالدش والأغاني وصلاة الجماعه مايصليها إلا قليل أكثر صلاته بالبيت,, صار يتمشكل مشاكل مالها نهاية يدور أي شي يهاوش ...... ولو مالقى له مناسبة دخل يصارخ دون سبب ...من حركاته مرة دخل يهاوش دون مناسبة قالها الجوال مشغلك عني مع إنها ماتكلم أحد فيه إن كلمها أحد من عيالها فبركة قالت ماقد كلمت أحد عيالي يكلموني قال تكذبيني وبدا يصارخ ... قالت ولدي يدفع الفاتورة والجوال من بنتي قام أخذ الجوال وصبخ فيه الجدار وتكسر ........
وأحياناً يدخل كذا دون مقدمات يبدأ يرمي أغراضها عالأرض ويكسر في أي شي يتكسر يدخل كأنه ثور هايج مو صاحي ... حركاته هذي يسويها وعمره قارب ال80 عام ... فيه شياطين الدنيا ... والأم والبنت صابرات ... عرضت البنت على أمها تطلع هي وياها ببيت لحالهم ويرتاحون رفضت الأم قالت البنت خلاص يمه أنتي روحي عند أخواني وارتاحي بما بقى لك من عمر قالت ماأتركك الحالك عنده ... احتارت البنت وزاد همها ... تسلط عليهم تسلط الله يسلط عليه مرض يهده يااارب ... أما البنت الصغيرة فكانت وقت مرض أمها تنخطب وكانت ترفض لأن وضع أمها مايساعد تتخلى لحالها دون من يشوف حالها ... كانت البنت هي ألي عارفة لأمها من كل الأحوال من دواء من أكل حتى تعرف وش بخاطرها ... مضت السنين والبنت والأم عايشين مع ألي مايرحم ولازالوا عايشين نفس الوضع الآن البنت تجاوزت 35 سنة دون زواج ... والأم نظرها ضعف والعيال جاهم أطفال وزادوا صد والبنات كبروا أطفالهم ووصلوا للكليات ولا يعرفون لاجدتهم ولاخالتهم نهائي .... ولا زالت حركات البنات كما هي ... الثالثة تعاير أختها الصغيرة بالعانس ألي بتنرمين في دار العجزة ... وشايله يدها من بيت أهلها ... ولا كأنهم حتى يقربون لها .. كثير الأم تتعب وتتنوم بالمستشفى وبنتها معها .. وكثير البنت تاخذ إجازات .. والعالم مالهم إلا الظاهر بس قاعدين يسألون ليه فلانه ماتزوجت لحد الآن .. ليه أمكم ماتطلع للاستراحة مع فلان ؟ يعني أسئلة تمرض زيادة ...الصلة بين الأخوات شبه مقطوعه البنت الصغيرة تحملت كثيييييييييييير وأخيراً بدت تنتبه لعمرها ألي ضاع وسط وحوش ماترحم وبالأخير عمرهم حتى مافكوها شرهم ..لو شغاله قالوا لها شكراً وهي كلمة شكراً مالها وأبوها حارمها من النت والمكالمات والخرجات ... لو تطلع للصراف قوم الدنيا عليها .. قاهرها الله ينصرها .. مذوقهم الويل والذل والحسرات ليل نهار ..عمر ماأحد من البنات والعيال طل عليهم قال محتاجين شي ش تبون مايعرفوت أمهم إلا لما تنشال للمستشفى وكأنهم يقولون داخلهم متى بس تموت نرتاح من همها أما البنت فلو تشوفونها تقولون عمرها 50 سنة باين فيها هم السنين لاتمتعت لا بطفوله ولا بشباب الله يحرم من حرمها لذة العافية يارب ... والأب يدخل نص الليل يكسر ويهاوش دون سبب وياويلكم تتكلمون وماعنده إلا اطلعوا من بيتي وإذا قالت البنت بنطلع قالت الأم باقي عمري أتصبر عجوز عمري فوق 75 سنة وش بيقولون الناس .......... وأولاً وأخيرا البنت هي الضحيه عسى ربي ينصرها ولا يمتع خواتها بعيالهم ويجعلهم يعقونهم ويحرقون قلوبهم زي ماأحرقوا قلب أمهم

البنت لازالت تتمنى دعوة لها ولأمها بالفرج من أبوها الظالم

بكذا القصة تقريباً انتهت ....... وفي كثير من الأشياء ماقلتهابس ماحبيت أطول عليكم اكثر لأن مالي غير 3 مشاركات بتطول الأيام بتجزئتها

وسامحوني وحللوني

التعليقات

قصة حقيقية ومؤلمة بحاجة إلى النشر والاستشارة

قصة حقيقيه نامل ان يتم نشرها بنفس احداثها وتقديم الاستشارة

قصة حقيقية لتسليم الامر لله

ماهي خرافه او قصص غير حقيقه الي كنتوا مصدقينها؟!

قصة عجيبه وحقيقيه / تبين لك دعوة تغير المسار كامل