صباح الفل يا احلى بنات
اماااااانى وحشتينى جدااااااااااااااااااً البقاء لله حبيبتى و سلم ايديكى على السندويتشات الحلوة دى
روووشا تسلمى على رابط الشاورمة سيفته و حقراه كويس بس انا افتكستتتبيلة و طلعت ما شاء الله حلوة و اقرب طعم لبتاعة الشارع
نص كيلو فراخ فيلية متقطعى رفيع غطيتها بخل شوية حلوين يعنى و مياه بصلة، و قرفة كتيييير، سماق، زبادى، سنة كمون و م ص تانج برتقال:35: كنت قريتها على النت انه بيدى مزازة و طلع لطيف
بيتها فى التتبيلة دى طول الليل تانى يوم حطيتها فى صينية و شوية زيت، تتبيلة الشاورما بتاعة سبايسى و غطيتها بفويل و على الفرن الكهربا ساعة الا ربع كدة و طلعتها كان لسه فيها مياة حطيتها على نار عالية و قلبتها لغاية م ميتها نشفت و خدت لون ضفت بصل، طماطم و بقدونس مقطعين صغير و تقليبتين على النار و طفيت
جبت عيش لبنانى فتحته نصين بس مفصلتوش خالص و حشيت شوية شاورما و حطيته على الجريل مدهونة زبدة حمرت العيش من الناحيتين و لفيته بس براحة عشان ميتفرفتش و حطيته جوة الساندويتش ميكر اخد شكل الخطوط بتاعت الشوى و اتقفل كويس المرة الجاية لما اعمله ان شاء الرحمن حصورلكم الخطوات بس طلع حقيقى حلو الحمد لله
ام زوما تسلم ايديكى و على فكرة انا بستعمل نفس الخميرة، الكريم شانتية، الفانيليا، النشا و الكريم باتيسير بتاعهم تحفة دى ماركة تونسى بس ما شاء الله حاجتهم هااااايلة
دندوونة زايد تقومى بالسلامة حبيبتى لا نعمل نظام تانى بعد الولادة ان شاء الرحمن عشان الرضاعة انا الحمد لله فاضلى 2 كيلو و ارجع وزنى و ياسين اهو 3 شهور و 10 ايام الرضاعة مع نظام صح بتخليكى تخسى بسرعة جدااااً و بتزبط جسمك :27: بس ايه يا بنتى الوصفات الجامدة دى تسلم ايديكى
حنوووون سلم ايديكى الكب كيك ما شاء الله روعة
منموووون يا قمر انت تنورى الدنيا كلها لو حشوفكم كلكم افتح العيادة من بكرة:39: دعواتك حبيبتى
هبة سبرنكل دة بهارات موجودة فى مترو، كارفور و هايبر انا بقالى حوالى سنتين او اكتر بستعملها فى الحارة لونها احمر بس هيا مش حارة خاااالص انا بستعملها و فى العادية لونها اخضر مستعملتهاش قبل كدة
بصوا يا بنات انا رايحة هايبر ان شاء الرحمن بكرة واحدة صاحبتى قالتلى ان فى جهاز سندويتش ميكر معاه غيار وافل و واحد تانى زى الجريل ب 230 او حاجة كدة متهيالى انه كينوود حشوفه بكرة و يمكن اجيبه
الوصفة الصحية بتاعة النهاردة:cook:
كفتة فراخ مشوية
نص كيلو فراخ فيلية
فلفلاية رومى
فلفلة حراقة لو ليكو فى الشطة
فصين توم
سبرنكل
ملح و فلفل
بابريكا
بضربهم كلهم فى الكبة و بعدين احطهم فى التلاجة شوية عشان تشمع و بعدين بصبعها و اشيها على الجريل و بالف هنا
ملف استشارة مطبخيه .*.5*
متابعة النقاش، صفحة 254

