ملف استشارة مطبخيه .*.5*

كتكوته تسلم ايدك يا جميل ماشاء الله عليكى كالعاده كل حاجتك جميله زيك من زمان وانا نفسى اجرب فطيرة الامراء اللى قلتى عليها بجد شجعتينى اجربها تسلم ايدك يا جميل
بسومه حبيبتى منوره وفعلا العيش شكله تحفه ايوه كده اظهر وبان وطلع الابدعات المكنونه دى ربنا يكرمك ويباركلك يا رب
شيمووووويا وحشه مش بس رشا اللى زعلانه منك كلنا يا وحشه بجد ماتعودناش منك كده تطنشينا ولا تسألى وتعملى حجه عموره هو انتى زعلانه منا ولا ايه دا انتى كنتى بس حد يغيب عن الملف اول وحده تسالى وتطمنى
مالك بس بجد قلقتينى عليكى وطبعا بنحبك اوى وعايزينك معانا زى ما كنتى على طول وياريت تفضلى لو لسه بتحبينا ولينا خاطر عندك وما سيبى عمورى على جنب الواد امير وبقى راجل انتى بس اللى ظالمه اما اشوف اخرتها معاكى يا بت يا شيمو

حنونه تسلم ايدك على الوافل ربنا يكرمك ويوفقك حبيبتى احنا خلاص الامتحانات على الابواب اسبوعين كده دعواتك يا نونه وتعدى الفتره دى على خير
رشروش حبيبتى الكوكيز طالع تحفه ماشاء الله عليكى يا ملكه بجد تسلم ايدك ها واخبار مركاتو حبيبى ايه بجد ليلتها مجانيش نوم يا رشا ههههههه وحفظت اللينكات عندى كل شويه ادخل امتع عينى واخرج وايدى بتاكلنى يا رشا فى كام قرش كده وجعنى اوى ربنا يلطف بينا هههههههه
بت يا سندريلا اخيرا عبرتينى وانا شيفاكى عمال بتدخلى وتحطى كام سطر وتجرى ولا سلام ولا كلام واقول سيبيها يا بت من اللى هيا فيه اعذريها هههه يا بت قربتى تولدى والوحم لسه عندك ما خلصش ربنا يسترها معاكى يا سمسم وبعدين سيبى البت تاكل وتتكلم براحتها ده احنا ما صدقنا لا بجد هما العيال فى الاول كده تكبر شويه كده وهاتقدر تفهميها ان شاء الله وبالنسبه لبعلك اى زوجك كلنا هذا الرجل يا اختى عادى والكشرى بعمله برضه ولا بيهمنى وكله بياكل ولانفس وبكتر السلطه وبتبقى اكله ولا اروع والمكرونه دى جربتها ومن ساعة ما جربتها والولاد على طول بيطلوبوها منى بجد تحفه وخفيفه اوى وخليكى جدعه كده وشاركى دايما معانا وعبرينا ها ربنا يكرمك بولاده سهله وبطفل سليم معافى انتى وكل الحوامل اللهم امين
ام زوما يا قمر تسلم ايدك يا جميل بجد مشاركاتك معانا مميزه ربنا يكرمك وسما تسلميلى حبيبتى معليش بنتعبك معانا ربنا يجعله فى ميزان حسناتك ويباركلك يارب
سموحه وحشتينى عايزين حاجات من ابداعاتك تنفع لشتا والبرد يالا اتحفينا ومهموهتى الجميله ربنا يجمعنا واياكم مع النبى واصحابه جميعا فى الجنه اللهم امييين