شاركي في النقاش

سجلي الدخول لإضافة تعليق.

التعليقات

2,587
  1. @khrman12

    سر كفتة الحاتي


    بابا بئه شاطر فى شوى الفحم
    شطاره مفيش بعده


    بس ييجى لحد الكفته وتغلبه
    لما عملتله عقده
    قوم اييييييييييه


    خطف كبابجى
    واحتجزه رهينه
    لحد ما يقر ويعترف
    وبعد التعزيب


    اعترف بسر الكفته الى بيعملها


    كفته ماسكه نفسها على شواية الفحم
    وتكون طريه فى الاكل
    مش ناشفه ومقدده


    ايه السر
    هقول اهو معلش اصل الرغى طبع
    اهو


    السر هو اللحمه الجملى
    فعلا
    لكل كيلو لحم مفروم عجالى
    تحطى ربع كيلو لحم مفروم جملى
    وفيه بيحطو اكتر


    وتخلطيهم مع بعض
    وتتبليها ببصل مفروم ناعم
    وملح وفلفل


    بلاش العيش والدقيق والبقصمات والحاجات دى
    وبلاش البرغل
    البرغل لنوع تانى مش للى بكلمكم عنه
    الى هى الكفته الى مدوخانا كلنا
    وبتجننا لما نجيبها من عند الكبابجى


    واهم حاجه ان اللحمه تكون طازه
    يعنى مش مجمده

    منقول
  2. @hbh_aabd_alaathym

    مليسيا
    وحشاناكتير ياهبه والله يعنى معقول هتفضلى اعده معانا ؟؟؟؟ مصدقش كل مره بتدخلى تكتبى كلمتين وتغطسسسسسسسسسى تانى
    :39:وحشتينى يا سندريلا ما كانتش عشره يوم ولا اتنين ده عمر ياقلبى نفسى انتظم للجمع الجميل ده ربنا ييسر الحال ونفضل سوا



    جربت الايام الى فات ده حاجه حلوه اوووووى اسمها اسكنز بالجبنه الحقيقه طول عمرى وانا فى بنها بعملها لماما وفى العيد الكبير لما روحت بيتنا لقيت الوصفه قولت لاززززززم اعملها تانى وكانت تحفه يابنات وتنفع اووى فى الشتا الحلو ده الصبح جنب كوب شاى

    كوب دقيق - ملعقه كبيره مسطرده - نصف باكو بيكنج بودر - ملح وفلفل -3 ملاعق مسطحه زبده فى درجه حراره الغرفه

    يعجن الكل بقليل من اللبن او الماء وتفرد فى صنيه صغيره وتدخل فرن حامى 20 دقيقه


    تحفه يابنات جربوها وادعوووووووووولى:27:
  3. @alsbr_yarb

    بنات ان شاء الله انا هعمل بكره كوارع ( يع )) لجوزي
    ديه اول مره اعمله
    عرفت طريقة من النت اننا ننزلها في مياه بارده ونولع عليها لمدة خمس دقايق عشان سيظهر على السطح كمية كبيرة من الريم
    نطفي النار ونستغنى عن هذا الماء ونشطف الكوارع بالماء ثم نسلقها في ماء مغلي ونتمم الخطوات
    ا بصلة
    ورق لورا(لورى)

    4 حبات حبهان (هيل)
    فصين مستكة
    5 حبات تقريبا فلفل أسود حب أو ربع ملعقة فلفل أسود مطحون
    للتتبيل ملح وفلفل أسود
    بعد تمام النضج نتبلها بالملح وقليل من الفلفل الأسود
    ونتركها لتبرد قليلا حتى نستطيع نزع الجلد من العظم لإستخدامه مع الفتة


    صح كده ولا عندكوا اي اضافات او طريقة تانية

    رشا -- ألف سلامة عليكي وعلي لوجي وكيمو
  4. صباح الفل علي اشطر بنات .....ما شاء الله عليكم ....دخلت ابص بصه حراااااااااااااااااام جوعتوني بجد ....تسلم ايديكم
  5. شيمو الصبر يا رب لو بتقرفي من الكوارع وهي بيضا بعد ما تعملي اللي كتبتيه ممكن تعملي تسبيكه تحمري بصله تخليها دهبي

    وتنزلي عليها بالتوم المفروم وتقلبي شويه وتضيفي عصير الطماطم والتوابل والفلفل الاسمر ولما تغلي تضيفي الكوارع

    المسلوقه وتخليها تغلي غلوتين فيها علشان تاخد من طعم الصلصه وبعدين تقلبيهم في صينية فرن وتدخليها تتحمر

    وتقدميها مع الفته وبالف هنا مقدما

تابعي تجارب أخرى من هذا القسم.