تبين شعر حرير وبدون سشوار خلال 24 ساعه ...والله على ماقول شهيد....

اهلين اختي ام الزين لولي
ليش الزعل بالعكس الكل يدخل وينصح بس والله اني اعرف ان صديقة اختي هي واخواتها يستخدمونها من سنين وحتى الاخت العلا للمنال قالت ان بنات خالها لهم 9 سنوات يستخدمونها وماضرهم وابقولك الشعر يبي له عنايه يعني وش يضرنا لو زيتناه في الاسبوع مرتين والله هالشئ بيحافظ على الشعر وماراح يضره باذن الله وعموما مشكوره على النصيحه ومافيه زعل وشكل قلبك طيب لانك كتبتي ورجعتي تردين لايضبق صدر احد منك عموما عزيزتي المنتدى كله للنصح بينا وحنا ماندخل الا للفائده وبارك الله فيك ِ :27:

اهلين اختي ๑ مـدلـلـة زمـانـي ๑
انا ذكرت انها تحط كل 6 شهور او اكثر انشاءلله ماراح تضرك والله اني ماحطيتها الابعد ماشفت الكل مستفيد منها واولهم اخواتي 3 اللي سوووها منهم والحمدلله مبسوطين على النتيجه وبالنسبه للغسل انتي نظفيه من الخلطه وبعدين اغسليه بالشامبو عادي وياليت تغسلينه بشامبوا الاطفال لانه مافيه مواد كيميئايه وتراه عموما هو احسن شامبوا للشعر وانا ماستخدم الا هو
انتظلرك عزيزتي :27:

منو جربها وضبطت وياها يا ريت تقولي ؟؟؟؟
بنات الامارات حاصة منو سوتها ونفعت وياها ؟؟؟

مرحبا يا بنات اشلونكم شخباركم ... انا سالت عن الخلطه وعن الحديديه بالذات بس جاتنى الاجابه شوي متاخره بس عموما مشكورين ..عاد تدرون اشسويت من زود اللهفه على الخلطه رجت وشريتها من وحده تبيعها ب 100 ريال في البحرين المهم حطيتها الساعه 12 الظهر طبعا رحت الصالون عشان احطها وغسلتها الساعه 9 باليل يعنى نفس اليوم لاني خفت اخليها اكثر .. الصراحه شعري صار وايد اسود وحلو بس مادري ليش ما ضبطة معاي بالضبط يعنى مو حيل انفرد الشعر وخاصه الجذور ما نفردت علما باني مسويه ريلاكس من 8 شهور يعنى صارت الشعره حلوه وناعمه بس فيها طعجات وانا الاسبوع الجاي عندي عرس بنت خالتي فعقب العرس احتمال اني اكرر العمليه بس على الجذور (( ابغي رايكم ياخوات اذا في احد حطها مرتين ورا بعض يعنى فرق اسبوع تكفون ردوا على )) وفوق هذا خليت زوجي يروح السعوديه بس عشان يجيب لي الحديديه من عطارة المالكي وهي شكلها زي برادة الحديد يعنى تتفتت لو ضربتها بالحيل فمادري هاذي اهى او لا.... وبالنسبة عن غسال الشعر الحمد لله كلش ما تبهدلت وبو الشباب ماقصر معاي شغلته ذيك الليله ترست لي درام ماي دافي وخليته يسكب الماء على راسي بجيك ماي وخليته يفرك معاي لين مانزل كل الي في راسي ...اوه نسيت اقول لكم قبل لا اغسل شعري بنص ساعه زيته بزيت زيتون وعقب غسلت شعري بماي بس وترسته بلسم لين مافركت جسمي غسلت شعري بالماي فقط وطلعت ولبست وبعد حطيت مره ثانيه زيت عليه وباخليه ساعه وبغسله والحين الزيت بشعري باشوف شنو بيصير وباخبركم ..دعواتكم لي بشعر حلو وبدون طعجات ولا نعجاااات ... مع السلامه

اهلين اختي ملاك_الروح2006
كثير اللي سووها وضبطت معاهم بس والله ماذكر اسمائهم ومنهم من راسلني على الخاص واخواتي 3 اللي سووها وياكثرهم من قرايبي وكلهم يجنن عليهم يعني كل ماسوت وحده الثانيه تتحمس وتروح تسويها :27: