اخوات زوجي

لي ثمان سنوات متزوجة وطول هذا الوقت وانا مشاكل مع اخوات زوجي هم اربع ووحدة متزوجة مااني عاجبتهم في شي رغم اني بشهادة الجميع اجمل منهم بكثير وشاطرة في البيت وفي الطبخ والحمدلله في كل شي والله العظيم اني طيبة معاهم ربي اللي يشهد علي اتغاضى عن خطاهم واسامحهم عشان زوجي فعتبروة ضعف واخذو راحتهم فيني عدم احترام اهانات انتقاد على كل شي استهتار فيني حتى قدام الناس كل الناس يلاحظون الظلم اللي انا فية ام زوجي تقول صغار بكرة يعقلون والكبيرة المتزوجة هي الي ذبحتني تقلب كلامي وتفسر كل شي غلط على كيفها وهي اكبر مني بس عذرهم لها انها عقيم بدون اطفال والبارح تعزم زوجي على العشاء وتقول تعال لحالك في عزيمة عائيلة بس ترى سلفتي نفس المعاملة بس هي قوية مرة وتاخذ حقها منهم على طول وزوجها يدافع عنها وانا زوجي يقول خلاص لاعاد تروحين عندهم واول ماتجي مناسبة يقول يالله لازم نروح وش اسوي يابنات تعبت نفسيا مرة منهم:44:

23 تعليق 2,169 مشاهدة

شاركي في النقاش

سجلي الدخول لإضافة تعليق.

التعليقات

20
  1. @ltltam_rymgtgt

    اذا جت مناسبه روحي وخليج واثقه من نفسج بس بس لا تتكلمين ..

    خليهم يموتون قهر واذا قطوا كلام ابتسمي ..

    بيموتون قهر
  2. @flash_mymory

    انتي تقولين ان الكبيره تفسر الكلام على كيفها ....انتي قللي جياتك لهم وخليها بالمناسبات وكلامك معهم خليه رسمي كلمه ورد غطاها وان شاء تنتهي مشاكلك.........
  3. لاتسمحين لهم يتطاولون عليك البنات اللي ماتزوجوا وامهم تقول صغار بكره بيتزوجون وبتموتين قهر لانك بتسمعين وتشوفين كيف حمايلهم يعاملونهم بكل احترام واخته اللي ماعندها عيال بكره بتجيب عيال وبتكرهك اكثر الطيب يتعامل مع الناس باخلاقه وتربيته الصغير واللي ماعنده عيال والكبير واللي عنده عيال المفروض الكل يلزم حدوده معك
    حطي لهم حد وعامليهم برسميه واللي تعطيك كلمة عطيها عشر واللي تعطيك نظرة عطيها عشر ولايهمك زوجك تشكين عليه خذي حقك بايدك

    ترى كتبتلك بناء على تجربة مريرة
  4. الجدار الطاامن كلن يتخطراه حتى البزران..........فلاتخلين نفسك بهالوضع........اللي ماله لسان تاكله الخنفسان .....تعلمي قبل لا يروح عمرك قهرررررر

تابعي تجارب أخرى من هذا القسم.