قصتي في مستشفى التخصصي قمت اصارخ واصيح باعلى صوتي لا لا موثره تبكي الحجر قبل العين اه

@mshmsh_hoaaa

قد يحتوي هذا الموضوع على محتوى غير مناسب. عرض الموضوع
سلام عليكم يااخواتي هذاي قصتي انا وصديقتي هنوفه لبا روحها ويخليها لي قصتي تزوجت انا واياها بنفس السنه اهي حملت وانا ماحملت جابت بنت فلقة قمر اسمها ليان جاتها عين بعد ملبستها فستان ابيض واهي عمرها سته شهور بزواج والكل منجن فيها لانها اول بنت على ولدهم واهي الحفيده الاولي فكان الكل منجن بنظافتها وزينها وكشختها ويدورون بها بالزواج من بعدها البنت تعبت مره فصارت مسكينه كل يوم مرض الى مرض فااخر شي صار عندها نقص مناعه وصار يعالجونها بالكيماوي وكل يوم شي جديد فسبحان الله تنومت بالمستشفى التخصصي وصارت تجلس بشهور فصديقتي مسكينه الكل تركها من صديقاتها وبنات الخاله والعمه والخال والعم بالعربي مااحد يدق عليها فصرت متواصله انا معها خلال الفتره الي استمرت خمس سنوات وفي اليوم اكلمها اكثر من10 مرات اسولف واضيع عليها الجو الي فيه والله اني مااسكر الا واهي تضحك وكل ماكلمتها لقيتها تبكي فصرت اسولف الين تنبسط وصارت تدق علي كل مااضاقت المهم وكلمتها مره واحنا نسولف وتقول ليان تغطي وجهها بالبطاني قلت انا شوفي حرارتها فجاءه سحبت البطانيه لقت وجهها ازرق وطاحت السماعه واسمع صراخ هنوفه ماتت بنتي انا خلاص مدري وش اسوي مت في مكاني واسمع صوت الانذار حق ستترات وجات وحده وسكرت سماعه انا خفت مدري وش اسوي ادق اسال مااحد يرد لانه بوقت متاخر 11 بالليل جاتني فكره غريبه ادق بنفس المستشفى وتحويله 44 واهي 45
وردت شغاله قلت تكفين روحي شوفي وش صار على غرفه 45 قالت ممنوع احنا بعزل وصرت اترجها وابكي وراحت قالت بنت ودي عنايه مركزه وقمت اترجى الشغاله تكلمني امها ويوم كلمتني قمت اصارخ عليها واذكرها بالله الين هدت وجلست اسبوعين في المستشفى وزرتها مسكينه كلها اجهزه وصرت اصبر امها ورحت بعدها بثلاثة ايام جيت للعياده بجانب المستشفى وقلت لزوجي جبلي غدا من هرفي وابروح اجلس مع هنوفه واتغدى معهاوانا مسويه مفاجاءه فراح زوجي وانا دخلت اعالج للحمل ودخلت غرفة الاشاعه وانا منسدحه والستتر تدخل الجهاز السنوار بالمهبل والجوال دق 5 مرات وانا اتوجع مالي خلق ارد فاستغربت وش ذا المعلق فجاءه قلت الوووو صارخت الحقي علي ليان بتموت واهي توقعتني في بيتي اجيها ماتوقعت اني قريبه الا بشارع والله يابنات اني سحبت السونار وقمت مثل المجنونه واسمي عليها يارب الطف وادق على زوجي بسرعه تعال ماعاد ابي غداء البنت بتموت والله وجا ودخلني قاموا سكروا الباب علي ماتدخلين وصرت اصقع الزجاج ابي ادخل وزوجي قالهم تبون الف بدفع بس خلوها تدخل المشكله اني يوم زرتها قبل صديقتي مستقبلتني وجابتني فوق انا دخلت كذا على وجهها مدري وين اروح لساني لف ومسكت دكتور قلت مالي دخل ودني للعنايه المركزه والله واخذني الين عندهم فجاءه جيت ووقفت عند الباب اشوف اخوها يبكي قلت اكيد انت اخو هنوفه عرفته من الشبه وينها قال يلفون بنتها بالقصدير البنت ماتت اللحين خلاص يسحبون الاسلاك ويلفونها قلت طلعوها حرام عليكم جبها شلها وجابها اخوها فتح الباب واضمها ذيك الضمه الي احس ان اضلوعي وضلوعها على بعض وصرت اقولهاا لاله الا الله اللهم اجرني بمصيبتي واخلفني خير منها ودخلتها بالمسجد والحريم كلهم امهات البزران العنايه وشافوا موقفها وقاموا يبكون انا مدري حسيت ربي ارسلي قوه وصرت بكل صوتي اتكلم وصوتي مبحوح من صراخ بالاسياب واعطيهم ذيك المحاضره قلت كلكم محضوضين انا ربي مارزقني اطفال وانا احسدكم لانكم ماجورين على كل شي وانتم ربي يحبكم ومبتليكم بهذا الاطفال فاصبروا وان جاء قضاء الله وقدره فهم قدامكم يشفعون انا من لي من يشفع لي كلهم سكتوا يطالعون فيني قلت باعلى صووووووت الحمد الله على كل شي انا مومنه بقضائه وقدره كلكم ماجورين لاتخافون الجنه الجنه وربي اني صرت اتكلم من قلب مو من عواطف بس ابي تعليقات واتمنى انه يرفع والكل يدعس تحت على شكرا عشان احد حس فيني بس

157 تعليق 12,611 مشاهدة

0 0

شاركي في النقاش

سجلي الدخول لإضافة تعليق.

التعليقات

153

تابعي تجارب أخرى من هذا القسم.