مشكلتي مع زوجي ((انصحوني)).....

السلا عليكم
اخواتي الغاليات اتمنى منكم نصيحه لعل الله ينفع بها
انا متزوجه من ثلاث سنين وكنت مرتاحه كثيييييييييييييير في زواجي ولحد الان ياربي لك الحمد بس عندي مشكله
زوجي دين واخلاق ماشاء الله الله يخليه ويهديه ويحفظه ياااااارب
الى ان توظفت اخت زوجي الله يبارك لها هي متزوجه ومع زوجها بس بنفس المنطقه الي انا فيها
هنا المشكله زوجي صار يدق بالكلام الوظيفه كويسه والوظيفه والوظيفه والفلوس ويقول بس بشكل غير مباشر ان اخواته وزوجات اخوانه كلهم موظفات ومتخرجات وووووووووووو
وانا ماكملت الكليه انسحبت قبل زواجي بسبب ظروفي وهو كان يعرف هذا الشئ
وكان يقول وقتها مايهمني انا ماابغى موظفه والان تغير وصار الي ماكنت متوقعه انا كرهت الدراسه ومااقدر اكمل كرهت الدراسه ماعرف ليش؟؟
ماادري اش اسوي وانا مررررررررررررررررررره حساسه مع اني ماني مقصره بشئ وقالها بنفسه
حتى احيان يقول والله ان الوظيفه تعب والشغاله صعبه في البيت بس اوقات ماادري اش يصير له الله يهديه
لما يروح لاخته تتكلم انا جبت لزوجي بطلع له سياره سويت كذا جبت كذا ووو وهو الله يهديه بس مايراعي مشاعري
حتى اثر هالشئ على نفسيتي صايره هيكل عظمي وكل الي حولي ملاحظين واهلي يسألوني اش فيك ويتوقعون ان زوجي مقصر وهو بالعكس مو مقصر بشئ فديته بس بهاالشئ صارحته بس مافيه فايده والله محتاره حاولت اطنـــــــــش بس ماقدرت ماابي اتخذ قرار اخسر حياتي وزوجي وطفلي
واخرها اليوم اخوي يقول بيتزوج معلمه وزوجي يسمع قلت اش تبغى بالموظفه قال زوجي الموظفه كويسه
زعلت وخرجت من المكان بس مااهتم راح نام ولا كأنه قال شئ
بموت قهـــــــــــــــرالله لا يشغلنا الا بطاعته
ساعدوني ياغاليات لا تبخلون علي بنصيحه الله يغفر لكم

64 تعليق 5,895 مشاهدة

شاركي في النقاش

سجلي الدخول لإضافة تعليق.

التعليقات

64
  1. @pink_fo0ofo0o

    عادي لاقال موظفة قولي مو كل الموظفات يعطون رجالهم

    وثانيا بيكون شغالة بالبيت

    ثالثا مين بيربي اولادنا ويسهر عليهم ويراقبهم

    رابعا المصروف والنفقة عليك حتى لو انا مدرسة

    خامسا الرجال الي يحط عينه ع فلوس المرة ماينجح بزواجه
  2. @klby_aasl_1

    لاتتحطييين بالج

    اذ تقدرين دخلين كليه تكملين حتى لو انتساب سجلي

    والا دخلي معهد لغات بعضهم يوظفوك اذ كنتي شاطرهـ

    الله يوفقك يارب
  3. @am_ayooodh

    الله يسخره لك ويهديه
    اذا ظروفك الماديه تمام ماله داعي وضيفه اصعب شي ترك الاولاد ولوحدهم مع الخدم
    وقولي له اذا بتوظف فتعبي من نصيبي وانت ملزوم بالمصاريف

تابعي تجارب أخرى من هذا القسم.