بعض النساء

صباح مساء الخير اخواتي مالكم بالطويله
ابدخل بالموضوع على طول
وش رايكم ببعض النساء عند زيارتها تكرمك تكريم رائع شوي وتحط عيونها
غير ابتسامتها الرائعه
وبعضهم اللهم ياكافي مثل مارحتي مثل ماجيتي عادي يعني خلوني اوضح اكثر
سلفتي اوانيها بسيطه جدا وقديمه بس تبرق نظافه
يعني اذا رحت لمها تقدم القهوه في الترامس الي تبرق والقهوه مزعفره والصينيه فارشه عليها مفرش
ناعم وحلو من ابو ريالين ومرتبه الفناجيل وحاطه كاسه حلوه مويه وتمر يفتح النفس
وترسل اولادها على طول يجيبو حلى او بقلاوه جاهزه وتقدمها
ومع الشاي فناجيل الشاي الي تبرق والشاهي والنعناع المزعفر
والمكسرات وبساكيت خفيفه مع الشاي
بعدين كاسات عصير ممممم
ثمل العود والله ان المكان الي نجلس فيه عادي جدا بس نضيف وريحته حلوه والموكيت يلمع من النضافه مع انها بسيطه جدااااااا
ورحت مره عند وحده مخبرتها من اول ان احنا بنجيها انا ومجموعه بنات
والله انها مسويه حلى بالكاد يكفي الي جالسين
والباقي في الثلاجه والله انصدمت يوم فتحت الثلاجه ابجيب مويه والاقي صينه الحلى فيها موقف ..............سخيف
وتحط الشي وتروح ماترجع على طول
واذا جلست متى تقوم والعشاء اللهم ياكافي رز من المطعم والسلطه الي معاه وكاسات مويه وبس
صحيح انها نعمه بس الواحد يستحي ليش كذا وربي ميسر عليها ولاعندها ضروف ولاشي
وذا جت لمنا نحط مالذ وطاب اشكال واللوان
ماادري احس هذا حقران وقله حياء في بعض الحريم
والبعض عنده قاعده او حكمه الي هي
الواحد مايجي لبطنه
هو صحيح الواحده منا تجي شبعانه ياربي لك الحمد بس الكرامه زينه ومثل مايحطوني لي احط لهم بس انا احب اروح عند الي يهبهبون بيريحي هذا مثل قديم عامي
والا وش رايكم اخواتي ابغى ارائكم الحلوه ودمتم بود :39::39:

13 تعليق 2,090 مشاهدة

شاركي في النقاش

سجلي الدخول لإضافة تعليق.

التعليقات

13
  1. اي والله يستاانس الواحد لاراح لاحد وحشمه وكررمه

    واماا اللي تروحي لهم وهي تقل مالها خلقك ووتملين وودك تهجين لبيتك

    بس هالوقت الناس تغيرو مع انهم عندهم خدم وحشم ومال وكل شي

    الله يازين ذيك الايام
    ليتها ترجع
  2. @ghmamh

    صاحبة الموضوع
    اختي منفوخه الله ينحفك عجلا غبر اجل
    والله اني اقصد في هذاالوقت مو اول
    مازال فيه ناس مش ولابد شكرا على مررورك
  3. صااااااااااااادقه........
    والادهى والامر لما تجيبين معاكِ حاجه .صحن حلويات ولا القيمات ولا معجنات ..تأخذها من ايدك وتوديها المطبخ وتشوفينها ولاتشوفين الصحن ..(الي انتِ عملتيه وقلتي مالي خلق اكله لحالي بروح لفلانه اسلم عليها وتشاركني فيه)
    هذي حركه مااطيييقها ...ابداَ
    والشي الثاني الي تروحين لها ولاتتكلم الاعلى قد السؤال الي تسألينه واذا ماتكلمتي ماراح تنطق حرف واحد لين تروحين
    يوووووووووووووووووه ...هذي اتوب اجيها مره ثانيه ماتعرف تسولف ولاتعرف تنطق .استغفر الله العظيم

    من جد حاجات تقهر
  4. انا ما ادقق كثير في الامور هذي ... احيانا ادخل واطلع ما انتبه وش حطوا ولا وش مواعينهم ... مريحه دماغي والحمد لله


    الا اذا الشي مميز ويلفت النظر طبعا ... عشان كذا دايم اشوف عبارة " أبهري ضيوفك " << يقصدون اللي مثلي ههههههه

    وترى فيه بعض الحريم ترتبك اذا جاها احد وماعاد تدري وش تسوي ...


    وناس ظروفهم المادية تعبانه وماتقدر تسوي أو تقدم الكثير ..
  5. @am_nd_13

    والله انا بقولك كل واحد وله طريقة ضيافته
    ومو غصب تضيفك
    كل واحد وله برستيجه الخاص فيه
    والمبالغه الزايده مالها داعي
    والناس اللي تروح للناس على شان تراقب وش تحط وش ماتحط هذولي ناس ماتستحي
    وانا عني ولله الحمد كريمه ومااقصر على ضيوفي بس لو اروح لوحده وقصرت في شي مو غصب
    تصير كامله
    والي بتعيب على الناس ترتاح في بيتها افضل

تابعي تجارب أخرى من هذا القسم.