سويت حركتين بنفس الخميره مره تخمرت ومره لا و السر بالملعقه؟

بسم الله الرحمن الرحيم

كيفكم بنات

توني سويت حركتين بنفس الخميره الي عليها صورة الطباخ الفرنسية

المهم في البداية غليت ماي ثلث كاس

و حطيته على ملعقتين وسط خميره و ملعقه وسط سكر خشن و خلطتهم و شلت الملعقه منهم

بعد 10 دقايق ارتفعت الخميره شوي يعني ما تخمرت

نفس المكونات بس بدال السكر الخشن حطيت ناعم

و المويه فاتره مو مغليه

و خليت الملعقه بالكاس و تخمرت فيه و نفس المده

و الله انها كلها صارت فقاعات و اطلعت الخميره برا الكاس و الفقاعات الصقت عليه

فاتوقع السر بالملعقه و درجة حرارة الموية

انا قبل اخلط الخميره مع المكونات الجافه و تطول على ما تتخمر معاي تاخذ 5 ساعات تخيلو

قالت لي واحده جزاها الله خير نقعي الخميره بروحها

سووها و بتشوفون الفرق:27:

22 تعليق 12,697 مشاهدة

شاركي في النقاش

سجلي الدخول لإضافة تعليق.

التعليقات

22
  1. @shhd_alklam_2

    وانت صادقه حتي انا انقعها بي روحها تتخمر العجين بسرعه مو مثل ما تحطيها مع طحين مشكورها حبيبتي علي المعلومه ياقلبي
  2. @naanaaa_mdyny2

    حبيبتي السر مو في الملعقه السر في المويه لازم
    تكون دافيه بس ما تكون حاره
    ومعروف ان المويه إذا كانت حاره او على كلامك مغليه طبيعي انها راح تعدم الخميره ومستحيل تنفش
    وبالنسبه لخمس ساعات كثير مره
    اكيد كنتي تعجني الخميره بمويه حاره وبكذا الخميره تخرب ولو قعدتي عشر ساعات اكيد ماراح تنفش
    العجينه تحتاج 40 دقيقه بس عشان تخمر او ساعه بالكثير ولو طولتي عليها اكثر تهبط العجينه
    اتمنى اني اضفت بعض المعلومات وتنجح معك العجاين دايم تقبلي مروري
    سبحان الله وبحمده
  3. @ghrd_alblbl

    نعناع مديني2
    حبيبتي السر مو في الملعقه السر في المويه لازم تكون دافيه بس ما تكون حاره ومعروف ان المويه إذا كانت حاره او على كلامك مغليه طبيعي انها راح تعدم الخميره ومستحيل تنفش وبالنسبه لخمس ساعات كثير مره اكيد كنتي تعجني الخميره بمويه حاره وبكذا ال…
    سبحان الله نفس الكلام اللي كنت ح اكتبه:39:

تابعي تجارب أخرى من هذا القسم.