مساعده غسالة الملابس مع النشاف

حبيبتي انصحك بغساله ال جي بالبخار غساله ونشافه مع بعض انا اخدت اللي غسيل 15 كيلو تنشيف 8 كيلو
بس دا الموديل نادر تلاقيه لانو مخلص والشركه دي السنه جابت 12 كيلو غسيل 8 كيلوب تنشيف
هيا غساله ونشافه مع بعض
الحمدلله انا مرتاحهوجدا معاها
انا ماعندي شغاله وعلى قولك تستني لابوم عشان تنشف الملابس وممكن بلايومين في الجو البارد وممكن يعفن الغسيل عبال ينشف لكن مع الغساله دي ارتحت صار ممكن تغسلي الملابس كلها في يوم واحد واغلبها من الغساله على الدولاب وبعضها يبغالها كوي
ان شاء الله اكون افدتك
وسعرها 6800 ريال صح سعرها غالي بس فيها مميزات رائعه
لانها تغسل بالبخار وفيها ميزه غسيل صحي عشان تقتل الحشرات والعته اللي في الملابس وفيها غسيل يدوي للملابس الصوفيه والرقيقه وفيها غسيل قطو وغسيل لحاف وفيهل برنامج مره حلو اذا كنت خرجتي ولبسك نضيف لكن بس مسك ريحه او اللبس لو فتره مخزن في الدولاب وسار في ريحةالتخزين تحطي في برنامج انعاش بس يهويلك الملابس بالبخار لمدة تلت ساعه
الصراحه سعرها يستاهلها
وفيها برنامج لغسيل الغساله عشان تنظف
برامجها كتير وحلوه وتقدري تختاري حرارة المويه والتنشيف وقتو او قوتو اواذا تبغي تكويها يقوم يطلعلك هي شوي رطبه عشان على طول تكويها
وانصحك كمان بشي تاني اشتريتو مكوة براون رائعه اللي تجي معاها قطعه تركبيها على المكوى لمن تبغي تكوي اشياء غامقه و وقماش تخافي عليه لا يطبع بدل ماتقلبي اللبس او تحطي فوقو شرشف وهي بالبخار رائعه والله تكوي بسرعه وبمجهود اقل ورائعه وسعرها تقريبا 240 ريال

صح كمانوالغسالهةعليها ضمان ١٠ سنوات ومالها صوت وموفره للمويه. والكهربا والله زوجي قاللي مره فرق غسيلها وريحة الملابس تجنن مع الحراره تمسك رية الداوني حتى ولدي سار زي الدعايات يفرح بريحة ملابسو
انا ترا سويت بحث كتير عليها قبل ماشتريها امكن ٨ شهور وانا اقرا في المنتديات الين اقتنعت بيها
ان شاء الله اكون افدتك وانا اقولك اذا عندك المبلغ لا تبخلي على نفسك والله راحه وروعه انا سرت ابغا العب فيها كل شويه ابغا اغسل
بس كل اللي ابغاه ادعيلي الله يهديني وزوجي وولدي وبنتي ويعنني على تربيتهم وينحفني هههههه معليش امكن دعوتك تكون مستجابه
معليش كترت عليكي الكلام بس لانو انا ارتحت عليها كتير
صح كمان هي ماتحتاج سخان لانو هي تسخت المويه وماتحتاج فتحه تهويه في الجدر زي الغسالات الامريكي لانها ماطلع هوا حار وكهربتها عادي ٢٢٠ مايحتاجلها من طبلون ولا مكيف زي الامريكي

طمنيني ايش سويتي؟؟

للرفع

بعد إذن صاحبة الموضوع..

الله يرضى عليكي اختي اعطينا تفاصيل اكثر عن الوقت اللازم للغسيل والتنشيف النهائي..

والله يجزاك خير