اخصائيات التغذية .. ادخلو تكفون.. محتاجتكم ضروري

انا صار لي حوالي 17 يوم ماشية على رجيم د. دشتي يعني رجيم البروتينات و كمان العب رياضة فالجيم .. وزني يومها كان 61 و طولي 152 ، بعد حوالي اسبوع تقريبا وزنت لقيت نفسي ناقصة 1 و نص تقريبا او اقل بشوية .. طبعا ما كنت استخدم فيتامينات مع الدايت توي اليوم بديت فيها .. المهم وجهي بدى يفقد نضارته و خدودي اختفت .. و مع الرياضة و الدايت جسمي انشد بشكل عام و صدري و خصري صاروا حلوين بس برزت لي مشكلة كبيرة ان حجم اردافي و هي بالاصل كبيرة صارت اكبر بشكل واضح جدا و شاذ عن باقي جسمي .. فيا ليت القى عندكم نظام او شي ممكن يخفف لي اردافي و بطني و الاهم الادراف .. لان جسمي صار مب متناسق بالمرة .. كل جزء ماله علاقة باللي جنبه .. :icon33: :icon33:


:icon33:

6 تعليق 912 مشاهدة

شاركي في النقاش

سجلي الدخول لإضافة تعليق.

التعليقات

6
  1. @ghzlan_alshary

    حبوبه بالنسبه للفيتامينات لالالالالالازم تاخذين مع هالرجيم بالذات فيتامينات اوميغا 3

    وبالنسبه للأرداف.. هي المنطقه الوحيده في الجسم اللي تخف بصعوبه.. فلما خف جسمج من فوق (الخصر والصدر) بانت المنطقه السفليه اكثر..

    فحاولي تركزين عليها في التمارين .. وان شاء الله شوي شوي بتخف :)

    ولا تنسين تشربين ماااااي وايد.. عشان الامساك وعشان هالرجيم يعتمد على البروتين بس فيضر الكلى اذا ماشربتي ماي وايد..

    واللي نقصتيه شويه!! لان انا جربت هالرجيم نزلت اكثر!!

    جربي رجيم الخضر اللي حاطتنه الاخت رزان.. سهل وحلو :)
  2. @alfrashh_9

    اختي انا عندي نفس مشكلتج كبر حجم الارداف فاول ماسوي رجيم يضعف خصري واحس ان اردافي زادت مع انها مازادت ولاشي بس لان خصرج ضعيف فتحسين ان اردافج عوده انصحج بالمشي لمدة ساعه او اكثر.
  3. @dg_2

    صاحبة الموضوع
    غزلان الصحاري
    حبوبه بالنسبه للفيتامينات لالالالالالازم تاخذين مع هالرجيم بالذات فيتامينات اوميغا 3 وبالنسبه للأرداف.. هي المنطقه الوحيده في الجسم اللي تخف بصعوبه.. فلما خف جسمج من فوق (الخصر والصدر) بانت المنطقه السفليه اكثر.. فحاولي تركزين عليها في …
    تسلمين الغالية على ردج .. و هذاني احاول بالتمارين اني اخففها .. و الماي و الله انسى اشرب بس احاول كلمات تذكرت اشرب ماي .. و الفيتامينات قمت اخذ فيتامينات خاصة للنساء اللي يتبعون حمية .. و اليوم وزنت لقيت وزني نازل ، فطلع المجموع 3 كيلو..
  4. @dg_2

    صاحبة الموضوع
    الـفراشـه
    اختي انا عندي نفس مشكلتج كبر حجم الارداف فاول ماسوي رجيم يضعف خصري واحس ان اردافي زادت مع انها مازادت ولاشي بس لان خصرج ضعيف فتحسين ان اردافج عوده انصحج بالمشي لمدة ساعه او اكثر.
    تسلمين حبوبة على ردج .. اي و الله الارداف مشكلة فعلا .. انا امشي كليوم حوالي ساعة على جهاز المشي و العب على السيكل الثابت حوالي 20 دقيقة بالاضافة للدومينال او التمارين الخاصة .. و احاول و احاول بجد انها تخف شوي مابيها تروح لان زوجي لو يدري بخففها بروح ملح .. اليوم شريت perfect slim من لوريال وحدة من الخوات مدحته هني فقلت اجربه بالاضافة للرياضة

تابعي تجارب أخرى من هذا القسم.