برنامجي المتواضع قبل واثناء وبعد الولاده على خير يارب
متابعة النقاش، صفحة 5
شاركي في النقاش
سجلي الدخول لإضافة تعليق.
التعليقات
75- الله يقوك بالسلامه يالغلا
- الله يسهلك ولادتك و يقومك بالسلامه يارب
- الله يسهلك ولادتكـ
- الله يسهل لك ولادتك وتقومين بالسلامه يارب
- المرحله الثالثه: مابعد الولاده
سويت لي برنامج للنفاس متكامل اعتني بنفسي من الداخل والخارج
برنامجي بسيط وحلو ومع الايام راح يكون نظام يومي ماراح اتعاسر اني اسويه حددت شراح اسوي فيه من اول مااصبح لحد ماانام
1-الفجر :
اقوم اغسل واعقم الجرح وادهنه بخلطة الخواجوا للجرح
طريقتها؟؟؟؟ تجيبين اعوادمن الخواجوا مغسلتهم ومنشفتهم وتجيبين زيت زيتون بكر عصرة اولى تحمينه على النار وتضيفين الخواجوا لهم وراح يصير لون الزيت احمر خليه يبرد شوي وحطيه بغلبه زجاج واضيفي له كسرة مره وتكون لونها عسلي فاتح مو سودا وتحطينها فيه كل يوماستخدمها 3 مرات او ممكن اكثر
فوائدها ؟؟؟ تلين الخياطه وتحمي من الشمم وتخلي الخيوط تفك بسرعه مررررررره حلوه
بعدها اغسل وجهي بغسول ديب كلين من نتروجينا وادهن بفيد اوت البني من الصيدليه وادهن الرقبه عشان يفتح ويصفي البشره من الحبوب
بعدها ادهن جسمي بزيت اللوز مخلوط بزيت الجلسرين واحط على بطني خلطة المره اللي هي كريم جلوسليد ومره منقوعه عشان تشد الجلد وترطب البشره والبس المشد حق البطن >>> له طريقةمعينه عشان ماينزل لك الارحام
بعدها اروق اعصابي على قشر قهوه وتمره النفاس
قشر القهوه احمسه واطحنه من بدري واخذ مقدار فنجالين منه على 3 اكواب ماء واخليه لحد مايغلي واضيف لهم البهار طريقة البهار( زعتر بري+ كمون+قرفه+نونخه) حلى حسب ذوقك انا احب ازود النونخه والزعتر البري واحط منها نص فنجال
تمرة النفاس= تمر وسمن بري (سمن غنم) رشاد وحبة البركه واخفف الرشاد اول عشرين يوم وبعدها ازيدهم بالعشرين الثانيه اخلطها علىالنار شوي واحفظهم بعلبه مغلقه زييييييين
اكيد بعها نجي للفطور يكون بعد القهوه بساعه وهو عبارة عن عصيدة
العصيد هذي طرقتها سهله وفوائدها روعه
مكوناتها = كوب حليب إبل او حليب الصافي
يسخن على النار ويضاف له 3 الى 5 ملاعق طحين اسمر
ورشة ملح
ورشة كمون
ورشه حبة البركه
وبس يثخن يصير زي المهلبيه نحطه بصحن ونصب فوقه شوي سمن بري
ونرش ملعقه مردود
بعدها بنص ساعه طبيخه كوب
وبكذا خلصنا فطور وقهوه
الساعه 12 تقريبا اخذ دش دافي واسوي سنفره لبشرتي
السنفرة عبارة عن سكر وزيت زيتون وليمون وزيت اللوز افرك جسمي فيه واغسل بمويه دافيه
البس ملابسي وادفي نفسي وانا بالحمام ومااطلع الا انا لافه على شعر ولابسه شرابي
واكيد راح احط من خلطة الخواجوا للجرح
ومن وقت الفطور الى الغدا ممكن اشرب كوب حليب بحلبه <<< والحمدلله ماسنتني ببنتي
2- الغدا راح يكون متاخر شوي يعني على الساعه 2 عشان مااكل من اللي يجيبونه الحريم واللي ماله اي فايده
الغدا هو شوربة
مكوناتها جمعتها وجهزتها من فتره
كوبين عدس
كوب ماش
كوب كوب لوبيا بيضا
فنجال فلفل هوا
فنجال فلفل ابيض
كمون
زعتر بري
حبة البركه
اخذ مقدار منه واسوي منه شوربة ويفضل بلحم وينطحن بالخلاط بعد مايستوي زي شوربة العدس
ومعها سلطة الجرجير والفجل الاحمر
وبعدها كوب عشبة عباءة السيدة مغليه ومحلاة بسكر نبات
ملاحظه يفضل تحلية المشروبات كلها اما بسكر نبات او سكر بني اوعسل لكن السكر الابيض يجيب الاتهابات ويزيدها
3- العصر:
اخذ قهوه عاديه واضيف لها دوا القهوه اللي هو عباره عن محلب مطحون وقرنفل مطحون ومره
والتمره تمرة النفاس
وشاي زنجبيل ونعناع وزعتر بري <<< عشان يذوب البطن ويشد الجسم شوي طبعا هذي زمزميه لازم اخلصها قبل انام
ممكن اخذ من اللي يجيبونه الناس بس اكيد شي خفيف
4- العشا:
العشا راح يكون اما مرقوق او مرق بلحم او قرصان بطحين اسمر مع بيضتين مسلوقه >>> لان البيض فيه بروتين وجسمي مستحيل يشد من دون ماازيد البروتين
وبعدها كوب حليب الصافي مغلي مع ملعقة فلفل الهوا اشربه واتدفا وانام
طبعا الادويه قلت لكم مسويتها ومنظفتها من زمان والمردود امزوجي الله يحفظها ويجزاها الف خير سوته لي نظيييييييييييف وبسيط مافيه اشياء كثيره
والطبيخه العطار مخلطه وبصراحه نضيييييييييييييييفه ومقاديرها واضحه بس بصراحه روعه
الفلفل الاسود بنضاف للكل دايم وحاطه منه بعلبة علبة المح حاطه فيها مردود عشان اسهل اضيف لاكلي منه
الغسول المعروف اللي هو ارطا وخواجوا ومره مع ماء مغلي وراح اضيف شوي ملح فارسي
البخور اخر الايام بكمون ومره بس
الماش المطحون مع كوب حليب شي اساسي خاصة اول عشرين يوم ومتى مااشتهيته مع انه افضل الصباح
النقوعه طبعا بعد الكل افضلشي اللي هي بعلبة الماء تحطين محلب ومره وعنزروت تلين البطن وتشيل الغازات
راح اضيف تمارين للخصر وانا جالسه الف يمين ويسار
ولليدين تمارين التصفيق
المشي يوميا لو لمدة ربع ساعه بس بهدؤ لان الجلسه بتجيب لك بلاوي والدم عشان ينزل لازم الوحده تحرك دمها وتمشي شوي
:27:اتمنى اكون وفيت وكتبت كل شي اي شي نسيته راح اضيفه واتمنى اكون افدتكم
مواضيع مشابهة
تابعي تجارب أخرى من هذا القسم.