شاركي في النقاش

سجلي الدخول لإضافة تعليق.

التعليقات

3,929
  1. don
    جرحي عميق اهلا بيكى يا حبيبتى وفعلا كلامكم مظبوط ودة كان نفس رأينا كلنا ضيوف فى المنتدى وكل واحدة بتساعد التانية بحل مشكلة او بمعلومة طالما ان احنا بنكون فى حدود اللياقة والادب والاحترام وفعلا وان وجد بعض الكلام لكن بنخرج من الملفات معلوم…
    منتظرة اخبار بورسعيد يا داليدا لو قدرتى بالنسبة لهنا البنات بتنزل يا سيتى ستار يا سيتى سنتر يا جنينة مول يا حورية مول يا فلوريدا مول فبتلاقى الحاجة الواحدة مصر كلها لبساها بمعنى لو فية بلوفرين وانتى اشتريتى واحد وسيبتى واحد بتلاقى ربع الكلية لابسة اللى اشترتية والربع التانى لابسة اللى سبتية لكن فى الصيف جبنا حاجات جميلة من بورسعيد وحاجة غريبة كان معظمهم من محلات ديليسبس وكانوا جمال وغير مكررين بالمرة ...على فكرة احنا بيتنا فى ميدان المنشية
    ازيكم جميعا ويعز عليا انى اشوف واحدة منكم متضايقة علشان كدة بحاول اخرجكم من الهموم ازيك يا ام باسل وام حبيبة وام ياسمين ورانيا ورواء وشيرى وميرو وشيرين ( فين الشغاله يا شيرين ؟؟؟دة كلام) وام ابيها وهبة وام احمد ووزوزتى وسكرة ومسلمة وروزا ونبيلة وزئردة وسمسمة وسمكمك حبيبتى وكل الايمان (مين تانى يا بنات حد يغششنى ) طب والله اللى متقال اسمها ماتزعل ولا تقوم خليها مستريحة وانا حلفتها بالله متزعلش

    المعلومة المفيدة ان الادارة قالت الملفات حتكون ل 20 صفحة بس علشان تبقوا عارفين يعنى على ماتاخدوا الشاى الملف مش حياخد فى ايدكم غلوة انا عارفة
  2. @am_abyha74

    ازيك يا دندن

    انا عاوزة اسربها انا ، طيب ده انا نفسي تتزوج من دلوقتي واخلص منها بس بشرط البامبرز على العريس،

    وسومة

    وحشتيني قوي والله ، بصي انا حاولت انزل صور ياسمين ومش عرفت، بالنسبة لموضوع السفر فأنا عكس رأى دينا، اولا ده يتوقف على المكان يعني لو رايحة بلد مقفول بدون ذكر اسماء وانتي فهماني بلد مغلق على نفسه يعني ومش هتلاقي فرصة تخرجي بحريتك يبقى بلاش اما لو بلد مفتوح بتعامل الناس كويس فاستخيري وتوكلي على الله ما حدش عارف النصيب فين ولو لك نصيب في الجزواز هيجي لك ولو انتي في الصين وساعتها بقى يا حلوة هتقولي يا ريتني سافرت قبلها علشان هتبقى مرتبطة بزوجك في كل مكان وهو اللي هياخدك معاه والا ما فيش خروج ولا سفر

    ثانيا المرتب، شوفي المرتب يستاهل الغربة ولا لأ ،

    وقبل كل شئ لازم تستخيري وشوفي رأى مامتك ايه
  3. @am_abyha74

    سمسمة

    جزاكي الله خيرا والله ، ميرسي لكي قوي علي سرعة ردك، هاكلمهم ان شاء الله واشوف، هو انا باسأل عليها علشان بعد كم شهر لأن دوقت افضل حضانة قريبة من الشغل علشان اطل على ياسمينة كل شوية صح كده ولا ايه رأيك؟ وبعدين لما تكبر لسنة مثلا وتقدر تستفيد من الحاجات اللي بتقدمها الحضانات الانترناشيونال اوديها ان شاء الله بحيث تقدر تبعد عني كم ساعة على بعض ساعتها ايه رايك؟
  4. @am_abyha74

    اينا

    لو انا مكانك ومتأكده ان الرجل ده كلم صاحب العمل (لازم تكوني متأكده) والرجل غير معاملته على الأساس ده، هاروح لصاحب العمل مباشرة واقوله فلان كلمك بخصوص كذا وحبيت اوضح لك اللي حصل وتحكي له وتشوفي النتيجة، انما لو ما فيش رد فعل من عنده يبقى طنشي وتصرفي عادي واهم حاجة امشي عدل يحتار عدوك فيك، ما تعطيهم فرصة ابدا ينتقدوكي

    اولا واخيرا الأرزاق على الله
  5. صباح الخير على البناتيت الحلوين
    ام ابيها طبعا انا معاكى الحضانة فى الاول لازم تكون جنب الشغل وانا جه حظى ان شغلى جنب الحضانة دى
    وعلى العموم لما توصلى الى حانة كويسة ممكن تسالينى على اى حاجة فى بالك

    دون وحشتينى جدا جدا

تابعي تجارب أخرى من هذا القسم.