زوجي يدعي علي

احس انك تتركين امرك لابوك بس تعلمينه بكل كلامه معك واهناته

لان الاهانه صعبه على الوحده واحمدي ربك انك مابعد حملتي منه

الله يكون في عونك ويدبرلك الصالح من امرك

والله ياحياتي قصتك تعور القلب و المحسوب عليك زوج شكله راعي مصالح والله سبحانه وتعالى حلل الطلاق لحكمة والله يعوضك اللي يسعدك

يا حبيبة قلبي .. حتى لو اهله طيبين و حبوبين و كل شي
خلج وااااقعيه .. مستحيل تكونين اغلى من ولدهم عندهم
هم متلومين فيج و هذا من طيب اصلهم ..

بس انتي بتعيشين ويا ولدهم مب وياااهم هم
هو ريلج مب هم ..
بيوقفوووون وياج اليوم و باجر و عقب باااجر ..
بس مدام ولدهم بيتم للأبد جيه
بيملووووون و بيخلونكم ف حالكم تحلون مشاكلكم بروووحكم ..
و بتمين تعانيـــــــن بروووحج ..

انتي قاعده تبررين رجعتج لريلج
و هالكلام انتي تقنعين فيه عمرررج ..

ما ادري .. بس احس ان ريل مثل هذا
ما يستاااهل تجازفين و تخسرين عشااانه اهلج ..
لأنج تبين وقفتهم وياااااج دام ان هذا طبعه ..

هو الحيـــــــن و انتي ويا اهلج
ما حشمهم و بهدلج كل هالبهدلة ..
كيف يوم بيعرف انهم خلاص شلوا ايدنهم من سااالفتج ..

يا بنت النااااس .. هالناااار بتنكوين فيهااا بروحج
فكري مليووون مرة قبل ما ترديــــــــن عليه

و على فكرة .. الناس بيتكلموون يومين و بيسكتووون
اهم شي تكونين انتي مقتنعه من داخلج
ان طلاقج و انفصااالج صح و اريحلج من عيشة ويا واحد مب عااارف قدرج ..
اهلج ويااااااااااااج و يشوفون ان الطلاق هو الحل
لأن صدقيني لو ريلج في منه امل
ما بيسعووون ف طلاقج ..
محد بييب الطلاق لبنته ..
اذا تميتي وياااااااااه بتييبووون عيااال
عقب غصبن عنج بتمين و لو تعبتي و حسيتي انج انذليتي و ما ترومين تتحملين
بعد بتمين لأن عندج منه عيااااااال
و العيااااااال لهم حق عليج و ما بيهونون عليج تبعدينهم عن ابوووهم ..
انتي وااايد عاطفية .. و هاي مشكلتج ..
انتي عطي الموضوع للوالد .. و خليه يتصرف
و الله يجدم اللي فيه الخيــــــــــــــر


الله يهديج .. و الله اتمنااالج الخيــــــــــــــــر

انت الغلطانه ليش تظهرين انك بتموتين فيه ...........لازم له هزه اذا وداك اهلك قولى خلاص مانى براجعه ابد انا مانى لعبه وصممى بلا مسجات بلا خرابيط ولو طالت الفتره وتكفين لاتفشلى اهلك قفلى الجوال وخلى موقفك واهلك واحد