المضيفة المصرية: اتفضل اشرب شاي

:41::41::41:امولة العسولة وكل شلة المضيفة عايزة اعرف انتوا مستغربين ليه من حالة الاكتئاب الجماعى اللى احنا فيها,يا بنات ده بقى العادى بتاعنا اننا نكتئب ونكتئب ونرجع تانى نكتئب,طيب ده انا اليوم اللى مكتئبش فيه ابقى متوهوشة فيه, واقول لنفسى خير اللهم اجعله خير,يا ترى ايه اللى هيحصل النهاردة,بالاختصار كده الاكتئاب هو سمة العصر,حاجة كده زى اختها اللى منورة علينا حياتنا(مع اننا معرفنهاش غير قريب)الاخت العزيزة سحابة هانم السوداء:41::41:,امولة حبيبتى فرفشى كده وكبرى دماغك على قد متقدرى,وان شاء الله ربنا يمنع الموانع ويتمملك جوازك فى ميعاده,طالما ليكى فيه كل خير,واهو تبقى فرصة اقرصك فيها فى ركبتك علشان احصلك فى جمعتك:icon28:

مساااااااء الخيرات
بصوا بقى
سورى سورى سورى

منمون وشيرى ربنا يخليكم وميرسىىىىىى على الدعاء وفرفشى يا منى ولو احتاجتى اى حاجه انا موجوده وتحت امرك

انا بتاسف انى غالبا مش هقدر اسيطر على الوضع واقراء الى فاتنى او الى هيفوتنى بس بليييييييييز اعملوا لنا ملخص حلو زى زمان

وتكررررررم عيونكم

=============

السلام عليكم و رحمة الله و بركاته

صباح الخير على الكل

ماشي يا ست هالة، مسامحينك و مش حنتكلم بس تعالي اقولك كلمة صغنونة في ودنك: "ايه رأيك بدل < و النبي > نتعود نقول < بالله عليكي > لان الحلف بغير الله لا يجوز و المصريين دايما بدون قصد يكرروها، بس لما نفكر بعض محدش حينسى و لساننا حيتعود عالصح"

بالنسبة للفطير يا هالة، ميرسي يا حبيبتي خليه ليكي، احنا كلنا الحمد لله عاوزين نخس مش نتخن، بس ممكن تبعتيه لسبانيش فلاور في اليابان و لاحلام عصفور في المدينة، همه محتاجينه جدا!!

جزاكي الله خيرا يا رواء انتي و سمسم على المعلومات بخصوص ملابس البيبي، حلو كده ملخصاتنا حيبقى فيها حاجة جديدة غير البارفانات و فساتين الافراح و خلافه، دخلنا مراحل جديدة و ربنا يقومك بالسلامة يا كهرمانة و يرزقكم برزق البيبي.

كلامك بيموتني من الضحك يا دون، ربنا يكرمك و يريح بالك يا رب، انا اخدتها من قاصرها يا دون و مجاوبتش و لا سؤال المرة الاولى عشان اشوف حيقدر يتنفس و يقول حاجة!!! لقيته بيقول اني تقريبا نسبة ذكائي تجاوزت الاختبار ده و الافضل اجرب اختبارات ذكاء ميكي جيب!!! المرة التانية بقى لما حليت بذمة، مفيش داعي اقول ايه اللي حصل!!!!

شفتوا أمشير و مجيايبه!!! اديني لحد دلوقت باخد نفسي بالعافية!!! بس المدير مشغل لنا air cleaners عقبال عندكم!!!

يا هبة لحد دلوقت مفيش معلومات تتلخص الا معلومة الذبابة العنيدة و معلومة الساندويتش، بس جايبالكم النهاردة معلومة تحفة!!

تعرفوا ان الثوري المتجول الشهير أرنستو جيفارا أو تشي جيفارا هو أصلا أرجنتيني لكنه كان عامل ثورجي في أمريكا اللاتينية كلها، فلما الاخ كاسترو قرر يثور في كوبا على باتيستا، قام جيفارا راح معاه و بدأوا ما يسمى الان بحرب العصابات اللي كانت نتيجتها هروب باتيستا و ان كاسترو (مش كاستور يا دون أنا متأكدة انك شفت الباتسيتا و حتعلقي!!!) مسك الحكم و منح جيفارا الجنسية الكوبية و منحه وزارة الصناعة. لكن اخونا جيفارا مستحملش يقعد من غير ثورة يا عيني قام تخلى عن الوزارة و تخلى عن الجنسية الكوبية لكنه لم يتخل عن السيجار الكوبي الشهير و راح على بوليفيا يحررها حيث لقى حتفه بعد أسره على ايدي البوليفيين. و طبعا بقى الاخ جيفارا مثل يقتدى به لكل الثوريين، و منهم الثوريين العرب لدرجة ان البعض اطلق اسمه على ابنائه و بناته، و من بين الاسماء العريية المعروفة بالاسم ده، مراسلة قناة الجزيرة في الضفة الغربية جيفارا البديري اللي واضح ان باباها تأثر اوي بشخصية جيفارا لدرجة انه سمى بنته الاسم العجيب ده!! >>>>>> دي مش معلومة، ده درس تاريخ في منتهى الرخامة!!