اهل زوجك يحبوك تعالي هنا

وانتم الحين وش فيكم على اهل الزوج؟؟؟؟؟؟؟؟؟؟؟؟؟؟؟؟

ام الزوج اخت الزوج دايما مظلومين؟؟؟؟؟؟

الزوجه اول ما تتزوج الزوج تشن حرب ضدهم كأنها داخله معركه


انا زوجه وعندي اهل زوج .......واسوي الي يرضي ربنا ...


ولا تنسون كما تدين تدان

الاحترام

الاحترام

الاحترام

هو اساس التعامل بين الزوجه واهل زوجها

والرقي بالتعامل

وتطنيش المشاكل الصغيره

وتصغير الامور وترك التفاهات ونقل الكلام

يعني اجلسي معهم كانك ضيفه لاول مره وكانك ماراح تشوفينهم ابد بكل مره خلي شعورك نفس الشعور

بتحسينهم يحترمونك ويهابون شخصيتك

ارسمي البسمه على وجهك كل ماشفتيهم يقول المثل قل هلا ولو بالقلب بلا هي ورحبي

واهم شي يكون التعامل رسمي معهم مايصير فيها ميانه بود حتى لو هم من عيال العم وعيال الخال

ارقى شي بالتعامل مع كل الناس هو الاحترام والاولى بهذا التعامل هم اهل الزوج لانهم معك مدى الحياة متى ماطال بنا العمر

واهل الزوج يركرهون زوجة الولد الناقده يعني طول جلستها تنقد انتم عندكم كذا وحنا عندنا كذا

بالعكس اثني عليهم بكل شي اشكريهم ادعيلهم بيتقربون منك اكثر وبتكبرين بعينهم

وخلك مؤيده دايما لام الزوج ولو غلطت ايديها بعدين باسلوب هادي وبعد ماتكسبينها فهميها انه مثلا بدال مانسوي كذا نسوي كذا

يعني وضحيلها الامور الصحيحه بدون ماتبينين لها انها غلطانه بتتقبل اكثر منك وتبدا ترتاح لك

واخوات الزوج عامليهم مثل ماتعاملين اختك

ومثل ماقلنا يكون الواحد رسمي وسطحي اكثر عشان يتجنب اي تصادمات لاتحمد عقباها :)

والله يهدي النفوس

ولاتنسون الدعاء بعد كل صلاة واخر الليل ان الله يولف القلوب بينكم ويهدي النفوس تراه علاج فعال