شاركي في النقاش

سجلي الدخول لإضافة تعليق.

التعليقات

14
  1. @happiness_2

    صالونه يعني الايدام صح؟؟

    بسيطة احمسي يصلة فشويه زيت لغايه ماتصفر حطي اللحم المغسول والمصفى من الموية فوقها وحركي لغاية مايضير لونه على ابيض

    حطي عليها 2 طماطم مطحون مع 2 ثوم مطحونين سوا بالخلاط


    حطي 2 م صلصة طماطم وم ص بهار مشكل وشوي فلفل اسود

    حطي مويه مغلية تغطي اللحم اتركيه بعد مابغلي ع نار متوسطة لمدة 50اذا قطع صغار

    واذا قدر الضغط نص ساعه

    اذا نضج حطي الملح

    وحطي حبة كوسة حبه بطاطس مقطعه واحسبي ربع ساعه اطفي النار وحطي شوي كزبره مفرومه

    اذا تحبين نكهة الثوم واضحة خلي الثوم وحطيه مبشور قبل ماتطفين النار ب10 دقايق

    ملعقة سكر تحلي الايدامات كثيرررررررر

    الفلفل الشطه تحطين حبه بدون فتحها تحلي ريحة الطبخ

    الكميه اللي كتبنها لشخصين زي ماطلبتي بس لازم تكون كميه اللحم مناسبه عشان مايطلع الاكل دهننننننن

    اذا حسيتي ان الايدام زي المويه ومو متماسك زودي الصلصه
  2. @ana_matghyrt_abd

    صاحبة الموضوع
    يعطيكم العافيه بس انا ابيها بدون ثوم زوجي يكره شي اسمه ثوم وابي من الخضار فيها بطاطس وجزر وكوسا بس وابيها ثقيله
  3. @am_mhnd_2011

    ياحبيبتي اذا تبينها شوي ثقيلة حطي معها قبل ماتستوي نشا وشوفي الثقل اذا تمام ولا زودي شوية نشا كمان
    انا اسوي كذا اذا حسيت انها خفيفه
  4. @ymam_ngd_1

    صالونتي مميزة واي احد يجربها يسال عن طريقتها


    اهم شي نوعية اللحم كويسة
    تغسلي اللحم ويفضل تقطعيه حجم متوسط واللحم بالعظم الذ

    تقلبين اللحم مع البصل بالقدر يفضل قدر الضغط
    انا ماحط زيت تصير اخف
    لحد مااللحم يروح الدم منه ويصير لونه على اصفر بعدها انا اضيف ثوم فص لكن لو ماتبي عادي
    وتقدري تضيفي بشر زنجبيل طازج بعد

    ثم تضيفي البطاطس تكوني مقطعتها مكعبات كبيرة وتحطيها فوق اللحمة والبصل وتسكري عليها القدر حتى تضرب
    تضرب البطاطا يعني تبدا تلصق بالقدر لكن ماتحترق

    بعدها تضيفي عليها فلفل اخضر رومي (حسب الرغبة ) تقطعيها كبار يعطي المرق ريحة جميلة
    والجزر تقطعيه قطع كبيرة بعد
    وتحركيه مع اللحم لاجل ياخذ الريحة وبتشمي ريحة جميلة
    بعدها تحطين الطماطم المفرومة وعلى راحتك تفرميهابالخلاط اول او تبشريها او قطع عادية مفرومة يفضل ازالة القشر وتقدري تستخدمي الطماطم المقشرة المعلبة طعمها يجنن بالصالونة
    انا احب اكثر من الطماطم وتغطي على القدر مرة ثانية حتى تذوب الطماطم

    بعدها تمرقي الصالونة بالماء وخليها تطبخ بقدر الضغط بتاخذ بالكثير نص ساعة بالذات لو نوعية اللحمة كويسة

    بعدها تفتحي على المرق
    وتضيفي صلصلة الطماطم على حسب الرغبة لانك بتشوفي كم تحتاج يعتمد على نوعية الطماطم
    وتضيفي لها البهارات وهي بهار مشكل من نوعية جيدة او غرم ماسالا او كاري وكزبرة ناشفة وكمون ناشف وفلفل اسود وفلفل احمر وشوي دارسين وشوي هيل
    وتقدري تضيفي مكعب ماجي لو حبيتي
    والملح طبعا على حسب الرغبة
    انا اضيف الملح قبل خمس دقايق من ما اطفي النار بعد ماتاكد من طعمها
    ويمكن اضافة حبة ليمون اسود تثقبيها بالسكين او الشوكة

    لو بتضيفي كوسى الحين وقتها تكوني قطعتي الكوسى وقليتيها (كثير احلى لو هي مقلية )
    او لو بامية او فاصوليا خضراء او زهرة (الزهرة بعد الذ لو مقلية هي والبامية )
    او لو كلهم
    وتخليهم يطبخوا مع الصالونة ربع ساعة زيادة بدون ضغط لاجل تضمني انها ثقلت وتسبكت



    نحن مثلا نعشق الباذنجان فاقليه ايضا واضيفه قبل خمس دقايق من تقديم الصالونة حتى ما يذوب ويختفي
    وتقدميها

    وبالعافية

تابعي تجارب أخرى من هذا القسم.