شوفي0000احنا سمعنا منك وما سمعنا منها
انت قلتي كل اللي عندك 000 لكن هي ما ندري شوجهة نظرها
انا بكون صريحه معاك وبرد عليك حسب الكلام اللي قلتيه
انت تقولين من تجين من الجامعه تنامين لين الساعه 11 في الليل
وهالشي يقهرها ويخليها تفكر انك معتبره بيتهم فندق لك
فبما انك ساكنه معاهم اكيد هي ودها تتساعدين معاها في الطبخ والتنظيف
يعني مب معقول تكونين ساكنه عندهم وبس اكل ونوم
خلاص انت معتبره من اهل البيت ومكلفه انك تتساعدين معاها
ومب شي غريب اذا اشتغلتي في بيت اخوك يعني هذا ما يقلل من كرامتك
و بعدين تقولين انك زعلانه انها ما تصحيك للأكل
لا يا اختي اسلوبك هذا غلط00المفروض تنظمين وقت نومك وتحاولين تجلسين
معاها وتساعدينها في الطبخ وما تنتظرين انها تصحيك عشان تقولك
قومي يا حبيبتي الاكل جاهز0000
الام اللي هي الام تنتظر المساعده من بناتها فما بالك بمرة الاخ
ومن ناحية الصابونه هي قالت لك انها تدهن المغسله يعني معنى كلامها
لاتحطينها على المغسله000وانت بينتي من كلامك كأنك تعاندينها ولا زلتي
تحطينها على المغسله عشان كذا هي انقهرت من تصرفك ورمتها على الارض
وانا ما اقول ان تصرفها هذا صح00بس اوضح لك ان تصرفها هذا
كردة فعل منها لأنك ما عبرتي كلامها
وبعدين حطي في اعتبارك انها معتبره انك
مقيده حريتها في البيت وما تقدر تلبس على كيفها
وزي ما تعرفين هي صغيره وودها تلبس ملابس لزوجها ما تقدر تلبسها قدامك
عشان كذا تحصلينها تسوي بعض الحركات اللي
تحسين من خلالها انها شديده معاك
وان شالله اذا تزوجتي بتفهمين معنى كلامي
نصيحتي لك
حاولي انك تتقربين منها بمساعدتها في شؤون البيت 00ولا تقولين هو بيتها
طالما انك ساكنه معاها فأنت ملزومه بمساعدتها00وانا اتوقع هذا اللي قاهرها
انك تبينها تخدمك وانت ما تسوين شي
لا تقولين انا عندي دراسه وما ادري ايش00انت لو بتنظمين وقتك بيكون عندك
الوقت الكافي للدراسه وباقي الوقت تقدرين تسوين زي ما قلت لك
وحاولي انك تنظمين نومك وتجلسين معاها وتقترحين عليها
تسوون حلى وشاهي وقهوه وتجلسون مع بعض
وتسولفين لها عن الجامعه
وتلعبين بناتها وتجيبين لهم بطاطس وحلويات من الجامعه
واذا جا اخوك اجلسي معاهم شوي
وبعدين روحي للغرفه اللي تنامين فيها وخليها مع زوجها لحالهم عشان ماتحس انك
صاكه عليهم
وحاولي تبعدين عن اي شي يسبب مضايقتها
سوي كل اللي قلت لك عليه وشوفي اذا ما صارت معاك زي العسل
ان شالله ما اكون زعلتك بردي 00والله يوفقك في دراستك
تعالوا شوفوا زوجة اخوي ايش تسوي فيني آآآهـ وينكـ يآيمه
متابعة النقاش، صفحة 7