شاركي في النقاش

سجلي الدخول لإضافة تعليق.

التعليقات

166
  1. @rgao

    شوفي0000احنا سمعنا منك وما سمعنا منها
    انت قلتي كل اللي عندك 000 لكن هي ما ندري شوجهة نظرها
    انا بكون صريحه معاك وبرد عليك حسب الكلام اللي قلتيه
    انت تقولين من تجين من الجامعه تنامين لين الساعه 11 في الليل
    وهالشي يقهرها ويخليها تفكر انك معتبره بيتهم فندق لك
    فبما انك ساكنه معاهم اكيد هي ودها تتساعدين معاها في الطبخ والتنظيف
    يعني مب معقول تكونين ساكنه عندهم وبس اكل ونوم
    خلاص انت معتبره من اهل البيت ومكلفه انك تتساعدين معاها
    ومب شي غريب اذا اشتغلتي في بيت اخوك يعني هذا ما يقلل من كرامتك
    و بعدين تقولين انك زعلانه انها ما تصحيك للأكل
    لا يا اختي اسلوبك هذا غلط00المفروض تنظمين وقت نومك وتحاولين تجلسين
    معاها وتساعدينها في الطبخ وما تنتظرين انها تصحيك عشان تقولك
    قومي يا حبيبتي الاكل جاهز0000
    الام اللي هي الام تنتظر المساعده من بناتها فما بالك بمرة الاخ
    ومن ناحية الصابونه هي قالت لك انها تدهن المغسله يعني معنى كلامها
    لاتحطينها على المغسله000وانت بينتي من كلامك كأنك تعاندينها ولا زلتي
    تحطينها على المغسله عشان كذا هي انقهرت من تصرفك ورمتها على الارض
    وانا ما اقول ان تصرفها هذا صح00بس اوضح لك ان تصرفها هذا
    كردة فعل منها لأنك ما عبرتي كلامها
    وبعدين حطي في اعتبارك انها معتبره انك
    مقيده حريتها في البيت وما تقدر تلبس على كيفها
    وزي ما تعرفين هي صغيره وودها تلبس ملابس لزوجها ما تقدر تلبسها قدامك
    عشان كذا تحصلينها تسوي بعض الحركات اللي
    تحسين من خلالها انها شديده معاك
    وان شالله اذا تزوجتي بتفهمين معنى كلامي
    نصيحتي لك
    حاولي انك تتقربين منها بمساعدتها في شؤون البيت 00ولا تقولين هو بيتها
    طالما انك ساكنه معاها فأنت ملزومه بمساعدتها00وانا اتوقع هذا اللي قاهرها
    انك تبينها تخدمك وانت ما تسوين شي
    لا تقولين انا عندي دراسه وما ادري ايش00انت لو بتنظمين وقتك بيكون عندك
    الوقت الكافي للدراسه وباقي الوقت تقدرين تسوين زي ما قلت لك
    وحاولي انك تنظمين نومك وتجلسين معاها وتقترحين عليها
    تسوون حلى وشاهي وقهوه وتجلسون مع بعض
    وتسولفين لها عن الجامعه
    وتلعبين بناتها وتجيبين لهم بطاطس وحلويات من الجامعه
    واذا جا اخوك اجلسي معاهم شوي
    وبعدين روحي للغرفه اللي تنامين فيها وخليها مع زوجها لحالهم عشان ماتحس انك
    صاكه عليهم
    وحاولي تبعدين عن اي شي يسبب مضايقتها
    سوي كل اللي قلت لك عليه وشوفي اذا ما صارت معاك زي العسل
    ان شالله ما اكون زعلتك بردي 00والله يوفقك في دراستك
  2. @ghror_53

    هذا بيت اخوك قبل مايصير بيتها لاتسكتين لها ترا تتمادى اكثر وقفيها عند حدها والابلغى
    اخوك يتصرف
  3. @msrkaa_hanm

    تفاهمي مع اخوك وهو يتفاهم مع زوجته لازم لك غرفه تنقفل بالمفتاح ..قولي الصغار يحوسون اغراضي وادوات الكليه وبحوثي ومكياجي .. والنوم كيف قومتك للصلاة ؟ بصراحه نومه من تجين الين 11 وين وقت الصلوات فيها ؟ يااختي اذا انت تضيعين الصلاة انتبهي مايجوز .. واذا تقومين للصلاة قومي لغيرها ..
    نظمي وقتك وحاولي تقومين وقت الوجبات تقطعين سلطه وتفرشين السفره وتساعدينها ..هي تحس انك ماخذتها شغاله لك ..حاولي تكسبينها .. والصابونه واشياءك الخاصه اشتري لها شنطه وبلاستك وحطي بالشنطه شامبوك وفرشاتك وصابونتك ومع الايام بتتعودين اذا رحتي للحمام تاخذينها معاك ..واذا قدرتي تخصصين لك غرفه هنا اقولك جيبي لك مكوى وادوات خاصه فيك حبه حبه وحسب الحاجه ..
  4. @am_trky_2030

    رجاوى
    شوفي0000احنا سمعنا منك وما سمعنا منها انت قلتي كل اللي عندك 000 لكن هي ما ندري شوجهة نظرها انا بكون صريحه معاك وبرد عليك حسب الكلام اللي قلتيه انت تقولين من تجين من الجامعه تنامين لين الساعه 11 في الليل وهالشي يقهرها ويخليها تفكر انك معتبر…
    رد جميل وحلووو وانا معاك في كل كلمه كتبتيها

تابعي تجارب أخرى من هذا القسم.