أخت زوجي ضربتني كف/عذرا استوفى حقه من الردود

ههههههههه قال كف قال

شفتي لو اعطتني كف ورب البيت لا ارقع راسها في الجدار اخلي يصيبها ارتجاج بالمخ

وانتي عاد الغلطانة من البداية وبعدين زوجك واضح انه طيب لاتخسريه وخليه يرجع اعتبارك بأي طريقة

واخته ام 7 سنين ايش قلة الادب هادي ؟؟ تسبك وساكتة ؟؟؟ يابنت الحلال افرضي احترامك ع الكل

لاتعطيها وجه مرة

اصلا ليش تاخذيها معاك !!هي بعمرك وغيرانه منك واااااظح ..
تتميلح وقت المصالح لكن اذا لقت فرصه بانت على حقيقتها ..هالنوعيه عاشرتهم وربي ماينعطون وجه ..
ترا حلوه تكون العلاقه رسميه مع اهل الزوج
وزوجك اذا كلم اهلك خليهم يقولو له لازم اختك تعتذر لها
ولا عاد تاخذيها معاك لاي مكان ولا تسمحي لاحد يتجاوز حدوده معاك المزح له حدوووود

والله أحس إن مخي أتلخبط بزياده
يعني أنا اعرف اني غلطانه و كبرتها و رحت بيت أهلي بس والله انقهررررررررت و هذي اول اول مره ازعل واجي بيت اهلي ..

و انا ماطيحت الميانه بكيفي :angry:هي طاحت!!
انا ليه سنه ونص بس متزوجه وقبل مااتزوج اهلي ربوني ان عاملي اهل زوجك زي مابتعاملينا و عاملي اختو زي اخواتك وخليكي على طبيعتك وهذا اللي صار !!
و اني اقلها مشوها مو سبب يخليها تضربني والله لما قلتلها هي ان بمزح يعني خلاص مافي شي وكلو تمام بس وحده ماتنعطا وجه وطبعا مستحيل اضربها كف مو عشان اخاف منها او مااقدر بس احتراما لزوجي
وأدري ان زوجي ماله دخل بس صار له دخل لما اتكلم من البداية في المطعم وقلها طنشيها، وماسكتها ووقفها عند حدها وماقلها مالك دخل ماكلمتك
المشكله قلتلها ايش دخلك بيني وبين زوجي يعني انا مابسكتلها او ماعملت لنفسي قيمة بس في مواقف الواحد يتبله فيها ومايعرف ايش يرد فيها
واختو المفعوصة الصغيرة لما تقل ادبها ابو زوجي يقولي معلييييييش صغيرة ماتفهم ويصرف الهرجة وهي عفريتة تفهم اكتر مني ومنكم

ولو اعمل زي ماتقولو مااروح غير فين وفين وبيننا رسميات والللللللللللله العظيم ماحيخلو فيه قطعه وحده مايتكلمو عليه فيها يعني اعرف ايش يتقال على حريم العيال عندهم

:44: والله ماادري احترت زياده

لاترديلها الكف ولاشي ..
اللي صار صار ...بس مره ثانيه خليك متزنه في تصرفاتك ولاطيحي الميانه بينك وبينهم اومع اي شخص ...اذا انتي تبغي تحترمك الناس سوي لنفسك قدر وقيمه ..
وبالنسبه لزوجك ارجعيلوا حبيبتي ترى هو مررررررررررره مالو ذنب ...وفرقي بين مشاكلك انت وزوجك ومشاكلك مع العالم التاني ...
اذا استمرتي على كذا تحشريه في كل حاجه اكيد حتخسريه ...

لاتحتاري ولاشي ياحبيتي ...
انا انصحك انك ترجعي لزوجك وتعتذري منه لانه هو ماله علاقه بالموضوع ...وفهميه انه مثلا اذا كنتوا عنده اهله وشاف احد من اخوانه قل ادبوا معاكي انه هو يأدبهم وانه احترامك من احترامه لاننا شخص واحد ...وقوليلوا بدلع طبعا وغنج( حبيبي اذا انت ماحميتني ودافعت عني مين حيدافع عني بالله الله يخليك لي ولا يحرمني منك)
وبالنسبه لاخته طنشيها ولاتسالي مره عنها واذا زرتيهم عادي سلميها عليها ولاتاخدي وتعطي معاها يمكن بعدين تحس على دمها وتجي تعتذر ...
وبعد كذا خلي علاقتك معاها رسميه عشان مايتكرر الموقف ...