شاركي في النقاش

سجلي الدخول لإضافة تعليق.

التعليقات

106
  1. @rzaaaanh

    بنتي عمرها اربع سنوات طلعت على مكتبي وكان في فمها قلم رصاص وفجأه نطت على الارض ودخل القلم في حلقها ونزف دم كثير وديناها للمستشفى بسرعه بس جلست يمكن اسبوع ما تقدر تبلع
  2. @am_bdorh_1

    الموقف الاول لما كانت 3 سنوات كنا بحديقه
    وقامت تجري ولا تطيرها بنت اللي تلعب بالمرجيحه على وجهها وصار خدوووش بجبينها وانفها ودم وفمها كمان


    الموقف الثاني وعمرها 6 سنووات كنا ببيت اخويا وهم عندهم سطوح ومركبين حبال حق الغسيل ومن شقاوتها ماشاء الله
    تعلقت بالحبل بايدها وتتمرج الا وينقطع الحبل وطراخ على رأسها وطبعا نامت على طول وشويا قامت تستفرغ ووديناها المستشفى وتحاليل واشعه وفحص نظر والحمد لله كلو سليم ولما جينا خارجين قال الدكتور اذا استفرغت رجعوها وبس وصلنا باب المستشفى استفرغت رجعنا ثاني للفحوصات بس عدت على خير الحمد لله
  3. @am_mysho55

    ياررررربي والله بكيت منكم
    كنت اظن بس عيالي الاشقياء
    طلع عندي وعندكم خير
    الله يصلحهم ويهديهم
    ونبطل ندعي عليهم

    مرة ولدي لما كان عمره سنة ونص طاح من الشباك جوا البيت واغمي عليه
    وديناه المشفى وانا ابكي الولد مغمى عليه
    وقلت خلاص الولد راح مني بس الحمدلله كشفوا عليه
    وشيعوه
    بس اخذ يوم كامل مايتحرك ومايشوف ويستفرغ
    والحين الحمدلله بخير وعمره اربع سنوات
  4. @am_rama_orfyf

    الله يحفظهم من كل سوء ومكروة اغلب المواقف عشتها حقيقة بس اصعب موقف
    فتح الباب والسيارة مسرعة بس ربي ستر علينا اللهم اني استودعتك ابنائي فحفظهم بحفظك يارحمن وكل من قال امين
  5. @rond_8

    اذكر وحده صديقة طفوله لنا المهم يوم كنا صغار اذكر انو كان عندها اخو صغير وهي عمرها عشرة سنين المهم كان يلعب على السرير ينط ينط ينط وشويه ماله حس وتطل من الشباك تلقاه طار من السرير اللي جنب الشباك ملاصق للشباك للشارع تخيلو الموقف لو كنتو مكانها والله شي مرعب ويخلي امه تجري زي المجنونه بلعمارة وتنزل الشارع وتصرخ الولد مات لانه صغير وتشيله وهو ميت الله يرحمه عصفور الجنة الزبدة اكثر الحوادث من باب السيارة الغير مامن والشبابيك اذا ماكنت مسورة وحبل الستارة واحسن شي تقصيه من النص يعني تخليه اثنين وكمان تقصريه مرة وتخليه فوق لانو ولد جيرانا اذكره زمان تقول امه قعد على الشباك طبعا مو مسور استند على الشبك الداخلي ياكل بقلاوة ويهز راسه عمره اربع سنين او خمس المهم طاح هو والشبك المنخل تعرفوه وسبحان الله من الدور الثاني وطاح على وحل طين هو والشبك المهم شافه مصري شاله يصارخ وسمعو اهله الصوت الا وينزف من اذنه دم ويركضون واسعافت وسبحان الله بقدرة الله يتعافى الحمد لله مع رجه واذكر جارتي اول ماتزوجت بسنه خرجت للجيران وتركت عيالها انتبهو ياامهات تطلعو من البيت واعمار عيالكم صغيرة المهم رجعت ولقت ولدها عمره سنه مخنوق بحبل الستارة وميت ووحده عيالها يلعبو بصوت عالي عاد عندها ويصارخون ومرة كانو يصارخون تخيلو تحسبه لعب اتاري ولدها راح جاب ولاعه وولع طرف فستان اخته على الشباك تتفرج والبنت احترقت لين بطنها والسبب الام اللي ماتشوف عيالها اذا بكو او يزعقو يعني لازم اننا نعلم عيالنا ما يصارخون او نسيبهم يتخانقون غلط حرام في ذمتها اخ يضرب اخته لانه ولد ما يجوز واذكر كمان انو عيالي اذا كنت في مكان اتمشى زي البحر يهرولن بدون وعي يعني تختاري مكان امن اذا خرجتي غير كذا ماتحطي في اي درج واطي ادويه او اسيتون او حتى عطر وسلك الشاحن اذا شحنتي افصليه مرة ولدي حطه بفمه وتلسع شوي ماس وكمان اي سلك نازل ماله داعي والمسابح قصصها معروفه عوامة الطفل اللي على شكل بطه خطيرة لانها مع اي حركه تقلب الطفل اللي رجوله محشورة ومايقدر يتحرك صارت لولد اختي في البحر وما درو عنه الا وهو بلا حركة والناس اتجمعت واسعافات تنفس صناعي وبعد فترة استفرغ الحمدلله وحسبوه ميت الله ستر معليش طولت بس من حبي للاطفال وحرصي الشديد موسوسة صرت منهم هههههه

تابعي تجارب أخرى من هذا القسم.