رحلة طموحة 2010 الى البلاد المملوحة سيرلنكا2011
متابعة النقاش، صفحة 57
شاركي في النقاش
سجلي الدخول لإضافة تعليق.
التعليقات
312- تقرير روووعه
- اشتقتلت لك يا طمطم واجد
وش ذي الحركات في الفندق الريزوت
ذكرني بالبيوت الي بالمسلسلات المصريه زمان
رجعت الصور حقت الابقار ؟؟؟؟؟؟؟؟؟
كل فتره افتح مانزلت الحين عدلتيها ؟؟؟؟ حبي لبنتي تقرير روووعه
هلا وغلا بحبي لبنتي ......الله يخليها لك ويحميها من كل شر
انت الاروع ياقلبي.......الفراشه 2009 اشتقتلت لك يا طمطم واجد وش ذي الحركات في الفندق الريزوت ذكرني بالبيوت الي بالمسلسلات المصريه زمان رجعت الصور حقت الابقار ؟؟؟؟؟؟؟؟؟ كل فتره افتح مانزلت الحين عدلتيها ؟؟؟؟
ماراح اعدلها الا بعد مااخلص التقرير....طموحة2010 ماراح اعدلها الا بعد مااخلص التقرير....
بعد ماطلعنا من مدينة الالعاب توجهنا الى فندقنا بعد ساعة وصلنا فندق رمادا ويقع بالقرب من الشاطئ يعني نروح الشاطئ بالاقدام وكانت المنطقه محاطة برجال الجيش في كل مكان حول الفندق وعلى الشوارع بسبب حدوث تفجيرات في مدينه سيرلنكيه عشان كذا مشددين الامن في كولمبو لوجود مراكز التجارة وبيت الرئاسة والاماكن العسكريه والسفارات .......
دخلنا الفندق وراح زوجي يخلص اجراءات الدخول لكن فوجئ بالموظف يقوله مالك حجز عندنا قال زوجي الا انا الحين حاجزه من جوالي على موقع بوكينق واعطاه رقم الحجز قال الموظف خلاص ارتاح وانا حشوف بعد ربع ساعة نادى زوجي وقاله لقيت حجزك بس انت حجزت غرفتين لمدة ليلة قال زوجي بس انا ابغى غرفة لمدة ليلتين قال الموظف ماينفع انت خلاص حجزت كذا المهم جلس زوجي يحاول مع الرجال ويقنعه انه خلاص بدال غرفتين يخليها ليلتين والرجال يقوله خذها الليله غرفتين وبكرة غرفه قاله زوجي لا انا مو محتاج غرفتين لكن اذا ماراح تنفذ طلبي انا بطلع من عندكم والفلوس اللي انسحبت من البطاقة الله يعوضني عليها وزوجي مره عصب على الرجال قال ليش معقد السالفه مع انه الموضوع ينحل في دقايق.......المهم بعد يمكن نص ساعة قال لزوجي خلاص انت اجلس وانا احاول واشوف الموضوع بعد ربع ساعة نادى زوجي وقاله خلاص عدلت حجزك غرفة لمدة ليلتين وسجل البيانات واعطى زوجي كرت الدخول للغرفة اخيرا ..........دخلنا غرفتنا وكانت كبيرة وفيها سريرين مع ان زوجي حجز سرير مزدوج بس احسن الاولاد على سرير واحنا على سرير وكانت للاسف تطل على الشارع ......طبعا الليله ب600 ريال وبدون فطور يعني غاليه على الفاضي وانصدمت لان الكل يمدح هذا الفندق ..فندق فخم بس الهونس فولز والايرل ريجنسي احلى منه بكثير ومطلاتها جنان وفوق كذا ارخص والسعر شامل الفطور......
طبعا ريحنا في الغرفه الى الساعة ثمانيه وخرجنا الى الشاطئ بعد ان صلينا المغرب والعشاء ...........
مشينا الشاطئ كله وكان مليان سيرلنكيين وفيه اجانب وبعد مالفيناها توقفنا وتعشينا في احد الكشكات اللي على البحر وكان زحمة بس اكله لذيذ اسم المحل نانا ......طبعا اشترطنا بدون بهارات وطلبنا جمبري وكان حار ودجاج طبعا مع الرز والخبز بس الاولاد مااكلوا يقولوا الاكل كله حار واكلوا من الرز والخبز........مع اني عارضت زوجي وبشده قلتله ماراح اتعشى في كشك مفتوح الرايح والجاي يتفرج علينا قال زوجي بنتعشى فيه لانه الاكل طازج وقدام عيني يسووه وبشروطنا واحلى شئ انه رخيص وطبعا غصب عني وافقت بس الحمدلله اكلهم حلو
وبعدين توجهنا للفندق ونمنا......
مواضيع مشابهة
تابعي تجارب أخرى من هذا القسم.