شاركي في النقاش

سجلي الدخول لإضافة تعليق.

التعليقات

91
  1. أختي العزيزه قصتك والله بكتني شوفي ما يبدوا أن زوجك مفكر بالموضوع من زمان عشان كذا صار يضغط على نفسه أطول وقت ممكن عشان يتعاود على فراقك والله أعلم بعد ما جاته حالت أكتاب وأحباط ونا متاكده أنه يحبك وصلي لاستخاره والي فيه الخير ربك ييسره لك ووذالك نصيب راح يرجع لك عاجلا ولا أجلا تاكدي بس شغله ودي أعرفها وهو الطلاق صار بائن ولا في عده أقول يجوز في أمل بان تقعدون مع بعض تتفاهمون اما لو حصل أنتهت العده فها دليل أن وقت الخيره في زواجك منه أنتهى وصار اللك الخير بزواج أخر صالح وممكن تنجبين منه العيال ولو لك نصيب فيه ممكن الله يردك له ويصير يربي وياك عيالك والله أكرم يا ختي أكير من تصورك ممكن حتى تنجبين منه عيالك والله أعلم سبحانه القادر ولاغيره قادر
  2. @am_hbyby_2

    الله يفرج همك
    شوفي هي طلقة وحدة والعدة لازم تقضينها بالبيت مع زوجك ويمكن الله يكتب ويرد المياه لمجراها

    وهو لما يقلل قعدته بالبيت ويروح مع ربعه حاولي ما تحسسينه بالذنب انه مخليك لحالك
    هو بروحه يهرب من الواقع ومن احساسه انه ظالمك ومعيشك بدون اطفال فيهرب منك ويقعد مع ربعه
    يا اختي شي مو سهل عليه ان العيب منه وانه ما راح يجيب عيال
    حاولي تحسسينه لما تقضين العده معاه انه هالشي لاقيته من حياتك وتابعي امور الطب والانجاب وعلاج العقم من بعيد بدون ما يحس ولما قالك انه سوي العملية بفلوسك يبغي يصرف نظرك عن الموضوع لانه ما عنده امل في الانجاب
    شكله حتى متملل من حياته
    بس قبل اي خطوة صلي استخارة بانكم ترجعون لبعض
    وقعدي مع نفسك هل انتي قادرة انك تعيشين مع زوج ممكن ما راح تنجبين منه طفل الى الابد ؟
    وماراح تتخلين عنه او تعايرينه ؟؟؟
    هذا سؤال انتي لازم تجاوبينه وبكل صراحة
    واذا اي سؤال عن وجودك معه في العده بالبيت وانك تبغينه يرجعلك راسليني على الخاص وانا بالخدمة

    والله ييسر لك امرك
  3. @aam_alhsn_klh_1

    صاحبة الموضوع
    أنـــــــثى
    الله يعوووضك خييييير .. ان شاااءالله تبشرينا بزواااجك باللي احسن منه وبالاولااااد الله يريح بالك
    فى البدايه احب اشكر كل اخت حبيبة وغالية ضحت من وقتها وواستنى ومسحت دموعى من خلال مشاركاتكن الكريمة جزاكن الله خير الجزاء وبارك الله فيكن السالفة انتهت والطلاق حصل وماظن راح ارجع لزوجى لان الاتصالات انقطعت بيننا وبين اهله وزوجى خلاص حتى الشقة باع الاغراض اللى فيها ورد الشقة للمالك الاصلى وزوجى اعرفه عنيد واذا قرر قرار مستحيل يتراجع عنه وابوى رافض رفض قاطع سالفة انى ارجع له لانه برأى ابوى مايستاهل وماله امان وضعيف شخصية يتاثر برأى اخوانه واهلى كلهم يقولون حمدى ربج انج تطلقتى ومايستاهل اى دمعة تبكينها عليه موكافى الوحدة اللى فرضها عليج وانانيته بنات انا مقتنعة بكلام اهلى والاهم انى استخرت الله يكتب لى الخير والحمدلله اتكالى كله على رب العباد لكن الفراق صعب والله صعب ماقدر انسى زوجى اللى كان كل شئ بحياتى بسهولة والله صعبه من عقب ماصرت زوجة وصاحبة بيت ارد طفلة مرة ثانية ببيت اهلى والله صعبة

تابعي تجارب أخرى من هذا القسم.