الجوال وبنتي

شوفي يالغلا اذا ابوها متفهم علميه لانها راح تسمع من ابوها وتخاف اكثر منك وراح تحس بجدية الموضوع اكثر
ثانيا اسحبي الجوال منها
ثالثا حتى لو ماكان فيه رساله مافيها شي اذا نصحتوها ووعيتوها وين الصح ووين الخطا
وترا سادس بهالزمن مهوب صغار ومايفهمون
والله يهدي بناتنا وشبابنا دنيا واخره

صغيره مره ع الجوال ولازم تعرفي ايش الرساله الي حذفتها
اختي عمرها 20 سنه وسحبت الجوال منها عشان هذالحركات على طول مقفل برمز وع الصامت وفتحته ولقيت بلاوي
الله يهديها بس انتبهي مره لبنتك ولا تحرميها من شي عشان ما تدور عليه برى بس لاتخبي عليك شي

اختي غلط جوال بالعمر هذا....
خلي الجول عندك وشوفي اذا بتجي علية رسالة ولا اتصال ...الله يعينك....ولا تقولي لأبوها حتى ماتعرفي منها كل شي..بعدها بكيفك حسب تعامل زوجك تخبريه والا لا انت ادرى..

الجوال والنت حرام نتركها بيدين اطفال ..شوفي وحدة من الاخوات هنا بنتها شافت مقطع جنسي وعمرها عشر سنين عن طريق واحد ارسلة لها عالإيميل والله حرام ..نهدم الطفولة بالحرية الزايدة...

لا يا قلبي لا تعلمي ابوها استري عليها الله يستر عليك
هي بعدها صغيره وتقدري تتفاهمي معها
اهم شي كل اللي في البيت ما يحسون ان فيه شي لان هذا راح يأثر عليها
خلي اللي صار بينك وبين بنتك ولاتعلمي احد والله وحده مطلع على كل شي سبحانه وتعالى
امسكيها وبهدوء ولاتعصبي عليها
قولي يا بنتي الجوال مو زين لانه سلاح ذو حدين
انا راح اشيله منك وجيبي لها أشياء حلوه يعني يعوضها عن الجوال
يعني مثلا تغيري غرفة نومها وبعد تهدينها مصحف وسجاده وشرشف صلاه
خليها تتمسك بالصلاه والتسبيح والذكر
قولي انا وانتي راح نكون صديقات وقولي لها نتنافس في ختم القران الكريم واقرأي انتي واياها كل يوم القران
وبرضه قوميها معاك تصلي في الثلث الاخير من الليل
وبرضه عوديها على الحجاب الكامل وابعديها من الملابس الللي اعوذ بالله منها
اهم شي خليها تتمسك بالدين
دخليها معاك في المطبخ خليها تطبخ مثلك وتصلح كل شي مثلك شجعيها خليك قريبه منها
اعطيها دور في البيت وخذي رأيها في اي شي
وشفي كيف يتغير وضعها بإذن الله سبحانه وتعالى
اهم شي لاتعلمي احد يعني كأنه ماصار شي لانك لو رحتي تعلمين ابوها او اي مخلوق راح يأثر عليها مسكينه
وخليك قريبه منها ومن اخواتها الباقيات واخوانها الله يحفظهم لك
الله يغفر لها ويصلحها ويجعلها من حفظة كتابه الكريم ويستر عليها فوق الارض وتحت الارض ويوم العرض

لاتنسيني من دعواتك اختي الكريمه

لا تحرمينها الجوااااااااااااااال بالمرة رح تصرف يمين يسار لين تجيبه بعلمك او بدون علمك
وعلى ما اعتقد ان سنها هي مرحلة طفولة متأخرة وبعدها مراهقة والمراهقة الله يسترمنها
من هالحين فهمييييييييها