السلام عليكم ورحمة الله وبركاته
مدري وشلون ابدا في السالفه لكن اللي متاكده منه اني الحين منقهر مليانه غيـــــــــض اتمنى عمتي تكون قدامي وافرغ فيها
من القهر ..
بدايتها
اخوي بعد فتره طوويله اقتنع انه يتزوج ..
عمتي تبيني اضغط عليه يتزوج بنت عمي واخواني الثانين بناتهم
ولا كل واحد محدده له وحده !!
عمتي صايره مثل الخطاابه في اخواني تبيهم يتزوجون اللي على كيفها حاشره نفسها معنا <<(حنا من الاساس نحبها حيييييييل
وامي ماتعتبرها الا اخت لها )
قررنا نخطب له بنت تصير لنا من عرفوا اللي حولنا ان ابوي
يبي يزوج اخوي وحده عرضت 2 وحده بنت اختها والثانيه بنت اخوها
وزوجت خالي عرضت لي بنت اختها
وبنت عم لنا تلمح انها تبي اخوي لاختها
حنا كل ذولا ما اقتنعنا فيهم مش لعيب فيهم لكن
تعرفون الوحد ما ياخذ الا اللي بتناسبه بتقدر ظروفه
بتعيش معه وتتعايش مع حياته
اللي فوق اغلب صفاتهن العكس يعني اللي ماديه
واللي لازم تسافر كل اسبوعين رغم ان احاولهم الماديه اقل مناااا
والا على قولت المثل (لا بغيت تضمها انشد عن امها )
المهم قبل فتره
صار نقاش بيني وبين عمتي الا تزوج اخوي بنت عمي
قلت لها عمه ولدتس رجال زوجيه وحده فيهن
قالت لاااا مانيب !!وتنحت علي وتهاوش علي
ليـــــــــــــــه وغيره من هالكلام اللي ماله داعي
عقبها بفتره عادن بناتها السالفه قلت اخوكن لو زوجتوه جاله ذر (بزران )
زوجوه وحده فيهن
هنا صرخن لاااااااااااا لا اخوي ياخذ من بنات عمه
قلت ماقربنا الله وبعدكم هن بعد بنات عمكم
قالو لا ما يصلحون لنا!<<الله واكبر
قلت اكيد بيطلعونكن مع البيبان وانتم ماشالله عليكم تبون تحطونهن معنا
ونتحملهن وانتم لا
<<بنات اعمامي اقولها للاسف للاسف
عوب مع مرتبة الشرف وفوق كذا مافيهن حلا
تقدرون تقولن فيهم شيخه وتكبر وزعطه
على قوايه ومستحيل وحده فيهن تشيل معتس شىء لو منديل <<كلها مجتمعه
اقول لكم موقف مره كنا مجتمعين في الخيمه
قالت وحده فيهم عمرها 17 سنه لزوجت اخوي
فلاااانه قومي جيبي لي ماااء !!
بيتنا فااااضي المطبخ الخارجي جنب الخيمه ولا يجونه العيال
واصلن هي تقابلهم وعليها شرشفها وغطاها !!
<<<حتى تعرفون ابسط سالفه لهن
نعود لعمتي اللي الله يصبرنا عليها ويهديها قبل لا انفجر فيها
بعد مشاورات بينا
اخترت انا وامي وزوجت اخوي بنت نبي نخطبها
عمتي قالت لها امي انا افكرفي( فلانه )
عمتي لاتخطبوووون بيحجرونها عليكم (حيرونها _يقرعونها)
امي ماعطت عمتي بال لان عمتي تحدنا على بنات اخوها
كلمت امي عمت البنت وقالت لها
عمت البنت طارت من الفرحه وتكفووون واخطبوها ايه والله
امي تشجعت كلمت ام البنت قالت ام البنت
اذا تبون وحده والا ثنتين ترى ماعندي مانع وابرك الساعه <<من الكلام الحلوووو
اليوم قمت من النوم سئلت امي ها
ماردت عليك ام فلانه ؟
قالت لي صدمه ماتوقعتها
عمتي مألفه سالفه كاااااايده تخيلوو بنات تقول
اخوي فيه حاله نفسيه !!
وترك وظيفته بسبب حالته النفسيه!!
بنات قسم بالله مو صحيح اخوي متوظف الى الان
ولاترك وظيفته من الاساس ولا صار شىء من اللي قالته
وفوق كذا مافيه الا العافيه لا حاله نفسيه ولا شىء
وربي من قالته وانا افكر في السالفه
عمتي يبيلها دكتور نفسي عندها انفصام بالشخصيه
وربي لو درا ابوي عن السالفه والا اخوي
ان يغسلون شراعها
صدمه يكون اقرب الناس لك يطعنك في قفاك
قاسيه اللحظه اللي تعرف ان من له مكانه في نفسك
يحكي كلام بالباطل عليك
مدري وش الغرض من هالسالفه ؟هل هو لشغل وقت فراغها ؟؟
هل هو لوي ذراع تنشر سالفه مهيب صحيحه حتى
محد يعطيه بنته ويصدق كذبتها
احس بوجع من هالسالفه صايره مثل الموووس بحلقي لاني قادره ابلعها ولا قادره انساها
عمتي تحب الكلااااااااااااااااام وتحب التأليف بشكل
خيالي <<خيالها وسيع
طبعآ عمتي السالفه قايلتها لهم من سنه تقريبآ
الحين ولدها يعاني من حاله نفسيه ويتعالج عن طبيب نفسي
اللهم لا شماته ولانا كنا ماندري انها تحكي في ظهورنا ربي اخذ حقنا منها وحنا ماندري !!
فضفضة مقهوووووووووووووووره
للمعلوميه اخوي ما رفضوه بس انقهرت من السالفه
شاركي في النقاش
سجلي الدخول لإضافة تعليق.
التعليقات
25- الله المستعان
كل بيت وفيه حقه من هالعلوم - ايه يختي فضفضي ياما في السجن مظاليم
خخخخخخخخ متاثره بسالفه بس مابي اقولها - الله يعين عيش با الدنيا تشوف اكثر
وصلت تشوه سمعت شخص الله يحمينا - .
الله يهديها عمتكِ طالما انها تجي من وراكم
اعملو بحديث الرسول صلى الله عليه وسلم استعينو بقضى
حوائجكم بالكتمان فيمامعنى الحديث يعني اذا جيتو تخطبون لاتقولون لها
الا اذا وافقو وتم عقد القران ادري بتزعل بس طالما هي كذا فماله داعي
تدري لانها بتقلبها ضدكم وعاد انتم ادرى بعمتكِ مني وكلامي مجرد اقتراح
والله يسددكم في اختيار زوجه لاخوكِ
استغفر الله الذي لااله الاهو
الحي القيوم واتوب اليـه - اخطبو له بدون محد يدري الا قبل الملكه
وخلوها تبلط البحر
مواضيع مشابهة
تابعي تجارب أخرى من هذا القسم.