احس دمي يفور للحين بسبب شي شفته بالبر..

هلا وغلا ومرحبا الساع (ع قوله الاماراتيين)


انا ( يوم حب ) جيتكم >> طلبتكم لاتقومون استريحوا فديتكم :42:

انا عضوه جديده بينكم:icon28:وهذا اول موضوع لي اتمنى منكم نفاعل وكل وحده تقول ايش

رايها في اللي بكتبه في السطور الاتيـــــــــه >>طلعوا كتب النصوص

المهم انا من طبعي مااحب البر ولا اواطنه بس زوجي يحبه وينبسط فيه يقول طفشته كل يوم بالمولات والمطاعم


فقال لي من امس خلينا نروح البر قلت له بشرط تجيب مشاوي من ولد الحاره>>واحد سوري يسوي مشاوي


وسميته ولد الحاره نسبه الى باب الحاره :22:

قال خلاص بروح نشوي وننبسط وافقت >>اهل الرياض يعانون مافيه غير المول او بر والجو:09:

ورحنا وجلسوا جنبنا عايله (رجال وزوجته وبنتهم الصغيره طعمها والشغاله)

شوي وانا التفت عليهم الا الرجال يسولف مع الشغاله وزوجته تناظر قلت يمكن يطلبها طلب او شي


له له يابنت كل شي الا الظلم شوي الا يضحك معاها واسمعها تقول له انت قول ..... ماسمعت الباقي

وكل مالها تقرب عليه شوي وزوجته مفهيه لا وشايفه نفسها تشمق بالرايح والجاي

شوي جاء عشاهم الا الرجال يعطي الشغاله قطع دجاج وزوجته جنبه ولا عبرها والمصيبه انها تطالع عادي


انا بصراحه انصدمت شوي الا قامت الزوجه هي والشغاله وراحوا يتمشون وتمسك الشغاله من يدها


وبعدين رجعوا ورجع :arb: مع الشغاله ع نفس الوضع .... ( ع فكره الشغاله اندنوسيه وعاديه بس بيضاء وحمرا وزوجته سمرا)


الحين اللي بتجي وتفحط وتسوي فيها فاهمه ليش تراقبين ومن راقب الناس مات هما فعلا من راقب الناس مات هما

بس اولا الواحد من الطبيعي لما يطلع يجلس يتفرج ومايسمر راسه وانا ماراقبتهم الا لما شفت حركه لفتت


انتباهي والاغرب الحرمه اللي بلا مشاعر


الشي الثاني مايجوز يضحك ويسولف ويقطع لها الاكل وكنها زوجته

الشي الثالث واللي حرق دمي زوجته اللي تضحك ولا في قلبها غيره

الشي الرابع لازم نعامل الخدم بطيب واحترام ونعتبرهم واحد مننا ومو غريب بس بحدود

لاني قبل الزواج كان عندنا شغاله وكنا مرفهينها وفي الاخير خربتها الوسخه وصارت تسب وتتلفظ

وانا اقول لازم اعامل شغالتي بااحترام بس مو اطيح ميانه وامسك يدها واخلي زوجي يفطس معاها ضحك وانا اتفرج

وربي حسيت مرارتي :angry2:انفجرت وهي قلبها ميت(الظاهر المسكينه فاهمه الاتيكيت غلط) ومجلستها جنب زوجها ياويل حاااالي افا ياذا العلم


واخيرا بسأل كل وحده فيكم وتجاوب باامانه هل ممكن تخلين زوجك يسولف للشغاله ويقطع لها لحم

ويجلس جنبها ويهتم فيها


انا عن نفسي بعاملها بكل ادب بس برسميه وتسوي شغلها وتروح


ومستحيل اخليها تقرب لزوجي او اخليها تعطيه شي

وفي الختام ادعوا لي بالشفاء من الحسد وان الله يسعدني في حياتي ويألف بيني انا وزوجي ويرزقننا

انا يابنات راح انزل قصه مرضي قريب وبكره عندي موعد للشيخ دعواتكم












اتـــــــــــــــــــركـ المــــــــــايكـ لكـــــــــــ :26: ـــــــــــــــــم ...

الو الو ايه اشتغل تفضلــــــــــــــــــــــوا ...

190 تعليق 23,594 مشاهدة

شاركي في النقاش

سجلي الدخول لإضافة تعليق.

التعليقات

187
  1. قبل لايقطع لها لحم ويبوسم لها اقطعه انا قطع واكيسه وارميه بالبر

    هذا اللي بقى والله شي يرفع الضغط
  2. @bhbk_yamamy

    أهلين بهالعالم الجمييييييل
    يااااااااوه لا والف لا والله انجننننن
    الله يخلف عليها فيه حريم أعرفهم عندهم تبلد مدري وش يحسون فيه
    انا غيووووووره بشكل
    استغفرالله وأتوب اليه
    يارب تهدي زوجي
  3. والله شي يقهر غريبة الحرمة هاذي ماعندها غيرة يمكن تكون زوجتة الله اعلم والله الرجال مرة مزودينها اعوذ بلله
  4. والله يمكن تكون ساحرتهم دامها اندنوسيه ما استبعد عنها السحر ...

    الحمد اني ما احب الشغالات ولا زوجي بعد انظف بيتي واهتم بعيالي أحسن من اجيب هم على قلبي وتراقبني في كل صغيره وكبيره


    ما ادري كيف اللي عندهم شغالات مرتاحين
  5. @hnonh_labaad_hd

    هلا هلا يوم حب شكرا على التواضع خخخخخخخ

    بصراحه شي يفقع المراره ويبط التسبد بعض حريمنا ودك تصكينه بمخمس عشان تصحصح وتشوف اللي يدور حوله
    اعرف وحده سافرت هي وزوجها واولادها والشغاله ..ولحقتهم اخته بعدهم بيوم هي وولدها وقعدت هي مع اخته وارسلت الشغاله والاولاد مع زوجها تخيلي

    المشكله واحد من اولادها بسن مراهقه مدري كيف يطاوعه قلبه

تابعي تجارب أخرى من هذا القسم.