صباح الخيرات
اخبار الجميع ان شاء الله طيبات
المهم يا اخواتي وحبيباتي
الاسبوع اللي فات يمكن يوم الثلاثاء دريت عن زوجي انه تزوج عقب زواجه بحول الاسبوع
وقسم بالله ماهز فيني شعره
يمكن عشاني خلاص شلته من راسي
طبعا انا عند اهلي من دز لي المسج انه خاطب ولي اكثر من 3شهور
طبعا اكيد الاغلب بيقول ليه مارجعت ومن هالكلام وانا وضحت وقلت من البدايه ان زوجي للاسف بااايع
وكان يلمح قبل مايفاتحني اني ماقصرت معه بس هو مايستاهلني !!! شفتوا كيف
ويذب كلام وكله ساكته الين ماجاء يوم قالها بالفم المليان حرام تجلسين عندي انت توك صغيره والف واحد يتمناك !! وانا ما افتح بيتين .... فيه ابجح !!
شفتي يا رؤيـــا ....... ليه انا تركته وجيت لبيت اهلي انا من الاول ساكته وبالعه ومتحمله العذاب النفسي
لكن يوم صار صدق اللي يخطط عليه تركته ولا فكرت ارجع له لانه للاسف انسان بااايع
طبعا هو مسوي قدام الكل انه شاريني ومن تحت لتحت واتوقع انه يبي يقول للناس انها هي اللي ماتبي ويبغى الطلاق يجي مني عشان يطلع نفسه بريئ
سوا ليه حررررررب نفسيه قبل مايوضح لي انه فعلا خاطب وذب بالكلام يعني افهميها
وانا من الاول عارفه من المكالمات والمراهقه المتاخره اللي طرت عليه
طبعا دريت بعد زواجه باسبوع وهو الحين بشهر البصل خخخخخ
وسبحان الله لازم يجيك الخبر
طبعا انا لي طفلين 6 و4
المهم صار الاخ العريس مسافر اوربا وانا اللي عمري ماقد طلعت بر الحدود
ودي اسال واحد من هالاشكال ليه التمشيه والشفره ماتجي الا مع 2 مايصلح الاولى تفرح وتشوف الدنيا
ودريت ان اللي ماخذها موب من ثوبنا للاسف بس الله اعلم انها لحسة مخه لان واضح انه متعرف عليها عن طريق النت
وهي مطلقه وعندها 2 والكبير عمره 10 !!!!!!
وهي مدرسه مدري معيده والظاهر هذا اللي جاز له بالموضوع اهم شي موظفه
عاد الحين انا عناد فيه عيالي حطيتهم عند اهله
وانا خلاص لو مارجعت له عياله عنده خلي المحروسه ولا امه تربيهم لازم اقوي قلبي واعلمهم
انو موب كل الحريم تسكت وخلاص تستسلم وتربي عيالها
اذا هو موب قد الخطوه هذي ليه من الاساس يتزوج ويخرب بيت عامر له 8سنوات كله عشان مراهقته المتاخره
طبعا فيه تفاصيل كثييره لو اقولكم عنها ان يشيب راسكم بس هذا المهم
وحسبي الله ونعم الوكيل فيه وفي من تسبب بخراب بيتي
ابي رايكم يا اخواتي
:::: مجلس الزوجات الأوليات هلا ومليون هلااااا :::
متابعة النقاش، صفحة 263